Blokketting-tegnologie kan armes, sake help
Een van die grootste voordele van die tegnologie is dat dit bedrog en diefstal uitskakel.
Elvira Wood - Blokketting-tegnologie het nie net die potensiaal om vir banke en bestaande ondernemings van nut te wees nie, dit kan ook 'n groot verskil aan arm mense in ontluikende ekonomieë se lewe maak.
Dit is die mening van prof. Nir Ksheri van die Universiteit van Noord-Carolina, Greensboro, in die VSA.
Hy skryf in 'n meningstuk wat deur die Wêreld- Ekonomiese Forum op sy webwerf gepubliseer is, dié tegnologie kan weens sy inherente sekuriteit 'n groot hulp vir kleinsake en individue wees wat nie toegang tot finansiële dienste het nie, of dit nie kan bekostig nie.
Een van die grootste voordele van dié tegnologie, wat veral bekend geword het aangesien die kriptogeldeenheid Bitcoin daarop gegrond is, is dat dit inherent veilig is en dus bedrog en diefstal uitskakel.
Ksheri skryf hy het reeds vier maniere geïdentifiseer van hoe blokkettingtegnologie mense al hoe meer van nut is:
Geld huis toe
Volgens Ksheri het emigrante wat in die buiteland werk, in 2016 ongeveer US$442 miljard aan familielede wat in ontluikende lande woon, gestuur.
As so 'n persoon Moneygram gebruik het om US$50 huis toe te stuur, sou hy 'n transaksiefooi van US$10 moes betaal. Dit beteken sy familie kry net US$40.
Bitspark, wat in Hongkong ontwikkel is en blokketting-tegnologie gebruik, hef 'n fooi van net US$2 per transaksie waarvan die waarde minder as US$150 is. Vir bedrae van meer as US$150 word 'n fooi van 1% gehef.
Hoewel Bitspark nog nie internasionaal beskikbaar is nie, sê Ksheri daar bestaan reeds soortgelyke dienste in Ghana, Zimbabwe, Uganda, Sierra Leone en Rwanda waarmee mense op 'n goedkoop wyse geld huis toe kan stuur.
Versekering
Die meeste mense wat in ontluikende lande woon, het nie mediese of lewensversekering nie. Dit is gewoonlik bloot omdat hulle dit nie kan bekostig nie. Ksheri voer aan een van die redes vir waarom versekering so duur is, is weens die koste van administrasie.
Deur blokketting-tegnologie te gebruik kan hierdie koste drasties verlaag word, wat versekering goedkoper sal maak.
Kleinsake
Blokketting-tegnologie kan kleinsake help om vinniger betaal te word. Hulle sal ook kan wys dat hulle hul sake goed bedryf, wat hulle op lang termyn weer vir ander finansiële dienste kan laat kwalifiseer.
Ksheri sê kleinondernemings kan ontslae raak van die probleem van teenstrydige of foutiewe fakture aangesien die transaksie van die begin as eg bewys moet word.
Humanitêre hulp
Talle humanitêre projekte sukkel dikwels om finansiële hulp te bekom weens korrupsie en diefstal. Skenkers wil oor die algemeen presies kan sien wat met hul geld gebeur.
Ksheri sê platforms soos Usizo, wat in Suid-Afrika ontwikkel en gebruik word, is 'n goeie voorbeeld van hoe die integriteit van die tegnologie gerustheid aan skenkers kan bied.
Enige persoon kan Usizo, wat deur die firma Bankymoon ontwikkel is, gebruik om te help om die elektrisiteitsrekening van 'n gemeenskapskool te betaal. Skenkers kan presies sien hoeveel elektrisiteit die skool gebruik en hoeveel elektrisiteit hulle dus vir die skool koop. Hulle is dus gewaarborg dat die geld wat hulle bydra, reg gebruik word.
Identifikasie
Blokketting-tegnologie sal in die toekoms waarskynlik selfs gebruik kan word om ID-dokumente vir mense wat nooit voorheen een besit het nie, te skep, sê Ksheri.
So 'n aanlyn dokument sal biometriese tegnologie gebruik om 'n persoon te identifiseer. Dit sal dus vir die ongeveer 20% van burgers van ontluikende lande wat nie ID-dokumente het nie, en dus nie bankrekeninge kan open of selfs in 'n verkiesing kan stem nie, 'n geloofwaardige dokument kan skep.
– Netwerk24
Wat is blokketting-tegnologie?
Blokketting-tegnologie is 'n goedkoop en deursigtige manier om transaksies aan te teken.
Ksheri sê geld kan veilig van een persoon of instansie na 'n ander oorgeplaas word, sonder die risiko van diefstal of korrupsie.
Blokketting is 'n openbare lêer waar alle inligting oor die geldeenheid openbaar gemaak word. Almal wat deel is van die “klub” het toegang tot hierdie inligting.
“Een manier om dit te verduidelik is om dit met 'n openbare kennisgewingbord te vergelyk. Enigiemand kan, nadat 'n transaksie volgens sekere voorwaardes goedgekeur is, dit op die kennisgewingbord plaas. Dit kan dan nie verander of verwyder word nie,” verduidelik Ksheri.
Dit is die mening van prof. Nir Ksheri van die Universiteit van Noord-Carolina, Greensboro, in die VSA.
Hy skryf in 'n meningstuk wat deur die Wêreld- Ekonomiese Forum op sy webwerf gepubliseer is, dié tegnologie kan weens sy inherente sekuriteit 'n groot hulp vir kleinsake en individue wees wat nie toegang tot finansiële dienste het nie, of dit nie kan bekostig nie.
Een van die grootste voordele van dié tegnologie, wat veral bekend geword het aangesien die kriptogeldeenheid Bitcoin daarop gegrond is, is dat dit inherent veilig is en dus bedrog en diefstal uitskakel.
Ksheri skryf hy het reeds vier maniere geïdentifiseer van hoe blokkettingtegnologie mense al hoe meer van nut is:
Geld huis toe
Volgens Ksheri het emigrante wat in die buiteland werk, in 2016 ongeveer US$442 miljard aan familielede wat in ontluikende lande woon, gestuur.
As so 'n persoon Moneygram gebruik het om US$50 huis toe te stuur, sou hy 'n transaksiefooi van US$10 moes betaal. Dit beteken sy familie kry net US$40.
Bitspark, wat in Hongkong ontwikkel is en blokketting-tegnologie gebruik, hef 'n fooi van net US$2 per transaksie waarvan die waarde minder as US$150 is. Vir bedrae van meer as US$150 word 'n fooi van 1% gehef.
Hoewel Bitspark nog nie internasionaal beskikbaar is nie, sê Ksheri daar bestaan reeds soortgelyke dienste in Ghana, Zimbabwe, Uganda, Sierra Leone en Rwanda waarmee mense op 'n goedkoop wyse geld huis toe kan stuur.
Versekering
Die meeste mense wat in ontluikende lande woon, het nie mediese of lewensversekering nie. Dit is gewoonlik bloot omdat hulle dit nie kan bekostig nie. Ksheri voer aan een van die redes vir waarom versekering so duur is, is weens die koste van administrasie.
Deur blokketting-tegnologie te gebruik kan hierdie koste drasties verlaag word, wat versekering goedkoper sal maak.
Kleinsake
Blokketting-tegnologie kan kleinsake help om vinniger betaal te word. Hulle sal ook kan wys dat hulle hul sake goed bedryf, wat hulle op lang termyn weer vir ander finansiële dienste kan laat kwalifiseer.
Ksheri sê kleinondernemings kan ontslae raak van die probleem van teenstrydige of foutiewe fakture aangesien die transaksie van die begin as eg bewys moet word.
Humanitêre hulp
Talle humanitêre projekte sukkel dikwels om finansiële hulp te bekom weens korrupsie en diefstal. Skenkers wil oor die algemeen presies kan sien wat met hul geld gebeur.
Ksheri sê platforms soos Usizo, wat in Suid-Afrika ontwikkel en gebruik word, is 'n goeie voorbeeld van hoe die integriteit van die tegnologie gerustheid aan skenkers kan bied.
Enige persoon kan Usizo, wat deur die firma Bankymoon ontwikkel is, gebruik om te help om die elektrisiteitsrekening van 'n gemeenskapskool te betaal. Skenkers kan presies sien hoeveel elektrisiteit die skool gebruik en hoeveel elektrisiteit hulle dus vir die skool koop. Hulle is dus gewaarborg dat die geld wat hulle bydra, reg gebruik word.
Identifikasie
Blokketting-tegnologie sal in die toekoms waarskynlik selfs gebruik kan word om ID-dokumente vir mense wat nooit voorheen een besit het nie, te skep, sê Ksheri.
So 'n aanlyn dokument sal biometriese tegnologie gebruik om 'n persoon te identifiseer. Dit sal dus vir die ongeveer 20% van burgers van ontluikende lande wat nie ID-dokumente het nie, en dus nie bankrekeninge kan open of selfs in 'n verkiesing kan stem nie, 'n geloofwaardige dokument kan skep.
– Netwerk24
Wat is blokketting-tegnologie?
Blokketting-tegnologie is 'n goedkoop en deursigtige manier om transaksies aan te teken.
Ksheri sê geld kan veilig van een persoon of instansie na 'n ander oorgeplaas word, sonder die risiko van diefstal of korrupsie.
Blokketting is 'n openbare lêer waar alle inligting oor die geldeenheid openbaar gemaak word. Almal wat deel is van die “klub” het toegang tot hierdie inligting.
“Een manier om dit te verduidelik is om dit met 'n openbare kennisgewingbord te vergelyk. Enigiemand kan, nadat 'n transaksie volgens sekere voorwaardes goedgekeur is, dit op die kennisgewingbord plaas. Dit kan dan nie verander of verwyder word nie,” verduidelik Ksheri.
Kommentaar
Republikein
Geen kommentaar is op hierdie artikel gelaat nie