Blitsverkiesing in Oostenryk moontlik ná skandaal

’n Verkiesing kan moontlik in Oostenryk uitgeroep word nadat die visekansellier skielik bedank het.Heinz-Christian Strache, leier van die verregse Vryheidsparty het bedank nadat ’n video gepubliseer is waarin hy glo kontrakte bespreek in ruil vir gunste van ’n vrou wat haar voordoen as die broerskind van ’n Russiese politieke leier.Die nuusagentskap APA het bronne in Strache se Vryheidsparty aangehaal en gesê ’n blitsverkiesing lê nou moontlik voor ná sy skielike bedanking oor die video wat deur twee Duitse nuusagentskappe gepubliseer is.Die Vryheidsparty, een van ’n aantal nasionalistiese anti-immigrante partye wat in Europa steun geniet, was 18 maande die junior vennoot in die koalisieregering van Sebastian Kurz, Oostenryk se eerste minister.Kurz het homself herhaaldelik van sy verregse koalisievennote gedistansieer oor voorvalle van anti-Semitisme en rassisme.Maar opposisiepartye meen die eerste minister skuld die publiek ’n verduideliking.Thomas Drozda van die Sosiale Demokrate het aan die televisiekanaal ORF gesê dit is net die oortjies van die seekoei.“Ek verwag dat die kanselier, wat duidelik 48 uur reeds weet van die video en weet dat sy koalisievennoot in ’n poel van korrupsie versuip, praat en sy posisie verduidelik.”Die liberale Neos-party en die Greens het ’n blitsverkiesing versoek.Strache het Saterdag aan Reuters gesê hy tree uit sy rol as visekanselier en hoof van die Vryheidsparty, maar het ontken dat hy enige wette oortree het.Die video wys hoe Strache die vrou in 2017, kort voor die verkiesing wat hom deel van die regering gemaak het, ontmoet. - Netwerk24

Blitsverkiesing in Oostenryk moontlik ná skandaal

Kommentaar

Republikein 2026-02-04

Meld asseblief aan om kommentaar te lewer

Blitsverkiesing in Oostenryk moontlik ná skandaal

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.