Blink pryse wag by hengeldag
Die betreklik nuwe hengelkode is op die drumpel om die volgende vlak te betree.
Andrew Poolman – Dis 'n sport wat die adrenalien laat vloei en gevolglik groeiende getalle nuwe toetreders lok. Dis vol aksie en veel anders as die gebruiklike hengelondervinding van die strand af.
“Ons het nie opgehou om van die strand te hengel nie. Op enige rowwe dag op see maak die toestande in elk geval dat jy nie op die kajak kan gaan hengel nie, maar die afwisseling en andersheid van die sport bied vir deelnemers groot genot,” sê mnr. Johan Orffer, voorsitter van die Namibiese Kajakvereniging.
Volgens hom word hierdie betreklik nuwe sport nog maar net vir skaars drie jaar in Namibië beoefen.
“Ek en my seun het dit hier bekendgestel nadat ons dit in die Kaap beoefen en later hierheen verhuis het. In die begindae het ons nogal lank gesukkel om deur te breek met die vernuf hoe om gereeld behoorlike visse van 'n kajak af te vang, maar sedertdien het baie verander en het ons hengelaars gereelde goeie vangste begin behaal.”
Die steun van die kampeerplek Windpomp 14 was 'n groot suksesfaktor.
“Hulle het 'n hele vraghouer vol kajakke wat besoekers kan huur. Hulle het ons met ope arms verwelkom en ingekoop by ons sport. Hulle bied hul onthaalarea aan waar ons ná kompetisies die prysuitdelings kan hou. Die mede-eienaar Kobus Struwig-hulle se ander maatskappy bied mediese bystand en hulle het soms al selfs 'n ambulans gereed gehad vir moontlike noodgevalle.
“Sonder hulle insette sou die sport nie groter as 'n blote sosiale tydverdryf kon groei nie. Maar ons is nou gereed om die sport na die volgende vlak te neem.”
Die volgende vlak sluit in dat voortaan minstens vier kompetisies per jaar beplan word. “Ons nasionale kampioenskap sal in Desember bly, met nog twee kompetisies by die see, insluitend een op 'n ongewilde tyd van die jaar, soos die winter of vroeë lente. Een kompetisie sal ook iewers in die binneland se varswaterdamme plaasvind, sodat die kusmanne ook hul beurt kry om te reis,” sê Orffer.
KOMENDE KOMPETISIE
Aanloklike pryse staan in die komende kompetisie in Desember op die spel – insluitend 'n splinternuwe kajak ter waarde van meer as N$20 000, geborgde vakansiepryse by Windpomp 14 of Namibgrens, asook hengelreise met bote.
“Die inskrywingsgeld is net N$250, om 'n kans te staan vir hierdie fantastiese pryse waarvan die totale waarde reeds op sowat N$48 000 te staan kom,” sê Orffer.
Omdat die kusweer so onvoorspelbaar is, kan nie lank vooraf net 'n enkele dag geskeduleer word nie, want veral vir beginners kan 'n ongure dag gevaarlik wees.
“Op Kersdag sal ons op grond van die weervoorspellings 'n beslissing maak of die kompetisie op 28, 29, 30 of 31 Desember aangebied sal word. Die voorkeurdatum waarvoor ons mik, is 29 Desember.
“Die hengelgebied sal strek vanaf Walvisbaai tot by Myl 17 of Wlotzkasbaken, en die kompetisietyd sal vanaf ligdag tot die spertyd 15:00 oop wees,” sê Orffer.
Ná die dag se prysuitdeling sal die Kajakvereniging se algemene jaarvergadering gehou word, met die voorneme om vir die eerste keer 'n grondwet te aanvaar en sodoende by die Namibiese Federasie van Seehengelaars (NFSA) te affilieer, sodat die deur vir nasionale kleure geopen kan word.
“Ons het nie opgehou om van die strand te hengel nie. Op enige rowwe dag op see maak die toestande in elk geval dat jy nie op die kajak kan gaan hengel nie, maar die afwisseling en andersheid van die sport bied vir deelnemers groot genot,” sê mnr. Johan Orffer, voorsitter van die Namibiese Kajakvereniging.
Volgens hom word hierdie betreklik nuwe sport nog maar net vir skaars drie jaar in Namibië beoefen.
“Ek en my seun het dit hier bekendgestel nadat ons dit in die Kaap beoefen en later hierheen verhuis het. In die begindae het ons nogal lank gesukkel om deur te breek met die vernuf hoe om gereeld behoorlike visse van 'n kajak af te vang, maar sedertdien het baie verander en het ons hengelaars gereelde goeie vangste begin behaal.”
Die steun van die kampeerplek Windpomp 14 was 'n groot suksesfaktor.
“Hulle het 'n hele vraghouer vol kajakke wat besoekers kan huur. Hulle het ons met ope arms verwelkom en ingekoop by ons sport. Hulle bied hul onthaalarea aan waar ons ná kompetisies die prysuitdelings kan hou. Die mede-eienaar Kobus Struwig-hulle se ander maatskappy bied mediese bystand en hulle het soms al selfs 'n ambulans gereed gehad vir moontlike noodgevalle.
“Sonder hulle insette sou die sport nie groter as 'n blote sosiale tydverdryf kon groei nie. Maar ons is nou gereed om die sport na die volgende vlak te neem.”
Die volgende vlak sluit in dat voortaan minstens vier kompetisies per jaar beplan word. “Ons nasionale kampioenskap sal in Desember bly, met nog twee kompetisies by die see, insluitend een op 'n ongewilde tyd van die jaar, soos die winter of vroeë lente. Een kompetisie sal ook iewers in die binneland se varswaterdamme plaasvind, sodat die kusmanne ook hul beurt kry om te reis,” sê Orffer.
KOMENDE KOMPETISIE
Aanloklike pryse staan in die komende kompetisie in Desember op die spel – insluitend 'n splinternuwe kajak ter waarde van meer as N$20 000, geborgde vakansiepryse by Windpomp 14 of Namibgrens, asook hengelreise met bote.
“Die inskrywingsgeld is net N$250, om 'n kans te staan vir hierdie fantastiese pryse waarvan die totale waarde reeds op sowat N$48 000 te staan kom,” sê Orffer.
Omdat die kusweer so onvoorspelbaar is, kan nie lank vooraf net 'n enkele dag geskeduleer word nie, want veral vir beginners kan 'n ongure dag gevaarlik wees.
“Op Kersdag sal ons op grond van die weervoorspellings 'n beslissing maak of die kompetisie op 28, 29, 30 of 31 Desember aangebied sal word. Die voorkeurdatum waarvoor ons mik, is 29 Desember.
“Die hengelgebied sal strek vanaf Walvisbaai tot by Myl 17 of Wlotzkasbaken, en die kompetisietyd sal vanaf ligdag tot die spertyd 15:00 oop wees,” sê Orffer.
Ná die dag se prysuitdeling sal die Kajakvereniging se algemene jaarvergadering gehou word, met die voorneme om vir die eerste keer 'n grondwet te aanvaar en sodoende by die Namibiese Federasie van Seehengelaars (NFSA) te affilieer, sodat die deur vir nasionale kleure geopen kan word.
Kommentaar
Republikein
Geen kommentaar is op hierdie artikel gelaat nie