BLF gaan nie ‘sy duim suig soos EFF’ voor Zondo

Werner Beukes Black First Land First (BLF) gaan nie “sy duim suig soos die EFF” in sy voorlegging aan die Zondo-kommissie van ondersoek na staatskaping nie.“Ons kom met verdoemende feite teen Pravin Gordhan,” sê Andile Mngxitama, leier van die organisasie.Die BLF gaan hierdie week voorlopig met die kommissie vergader in aanloop tot Zanele Lwana, adjunkpresident van die BLF, se getuienis op 12 Februarie.Volgens Mngxitama is dit die BLF se doelwit om nie met versinsels voor die kommissie te verskyn nie.Die EFF het verlede jaar aanklagte van afpersing, bedrog, korrupsie, meineed, geldwassery en die skending van die Intelligensiewet en die Wet op die Voorkoming en Bekamping van Korrupte Aktiwiteite teen Gordhan, minister van openbare ondernemings, ingedien. Gordhan het dié aantygings ten sterkste ontken en die EFF daarvan beskuldig dat hy die aandag probeer aflei van werklike korrupsie in die land.Die kommissie, onder voorsitterskap van adjunkhoofregter Raymond Zondo, sal vandag omstreeks 10:00 met sy verrigtinge in Parktown, Johannesburg, voortgaan. Die kommissie het sedert sy sitting in 2018 begin het, plofbare getuienis van huidige en gewese hooggeplaaste politici en staatsamptenare aangehoor. – Netwerk24

BLF gaan nie ‘sy duim suig soos EFF’ voor Zondo

Kommentaar

Republikein 2026-03-24

Meld asseblief aan om kommentaar te lewer

BLF gaan nie ‘sy duim suig soos EFF’ voor Zondo

Kommentaar

Republikein 2026-03-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.