Bleek prentjie vir vlugte na SA
Die kans op volop vlugte tussen Namibië en Suid-Afrika in die afsienbare toekoms, is skraal.
Ronelle Rademeyer - Hoewel pres. Hage Geingob die deur vir vlugte na en vanaf die Internasionale Lughawe Hosea Kutako Vrydag groter oopgemaak het deur ook sakereise toe te laat, meen lugvaartkenners dit is onwaarskynlik dat vlugte tussen Namibië en Suid-Afrika gou sal normaliseer.
’n Donker wolk hang oor die toekoms van die groot rederye in dié twee lande.
Air Namibia sukkel om krediteure te betaal vir dienste waarsonder hy nie sy vlugte kan hervat nie en die drie Suid-Afrikaanse rederye wat voor die inperking duisende passasiers weekliks tussen Windhoek, Johannesburg en Kaapstad vervoer het, is óf in sakeredding óf voorlopig gelikwideer.
Volgens South African Airways (SAA) se sakereddingsplan het dié redery sowat N$10,3 miljard nodig om weer in bedryf te kom. Me. Louise Brugman, woordvoerder van die sakeredders, het aan Netwerk24 bevestig die Suid-Afrikaanse regering het nog geen geld beskikbaar gemaak nie.
Comair, wat British Airways se vlugte na Namibië bedryf het, is sedert 5 Mei in sakeredding en SA Express se finale likwidasie dien op 28 Oktober in die hof.
Teen gister was daar ook geen aanduiding wanneer Air Namibia sy streek- en plaaslike vlugte gaan hervat nie. Suid-Afrika het sy noodtoestand tot 16 Oktober verleng.
Mnr. Leon Jooste, minister van staatsondernemings (SOE’s), sê hoewel Air Namibia “’n goeie sakeplan” vir sy toekoms aan die regering voorgelê het, “is die koste om dit te implementeer waar die probleem lê”.
“Ons kan nie Air Namibia se skuld en laste ignoreer en dink dit gaan dan werk nie. Dis ook baie belangrik om te beklemtoon dat die plan voor Covid-19 gedoen is en nie voorsiening maak vir die impak daarvan nie. Ons is tans besig met die finale samesprekings en sal binnekort duidelikheid oor die pad vorentoe hê,” het hy by navraag gesê.
Dié plan behels die afskaffing van die Lufthansa-roete en die verstewiging van roetes in die streek. Air Namibia wil van die twee Airbus A330’s asook die vyf Airbus A319’s ontslae raak en dit met kleiner, meer doeltreffende 90-100-sitplek vliegtuie soos die Bombardier CRJ 900 of die Embraer E190-E1 vervang.
Die regering moet die geld verskaf “om die korttermynveranderingsinisiatiewe af te handel, insluitend verpligtinge teenoor diensverskaffers en werknemers wat geraak word deur die veranderinge”, lui die sakeplan. Air Namibia het die regering versoek om hom “struktureel te herkapitaliseer” en sy skuld te betaal.
Republikein het vroeër berig Air Namibia se bestuur het die Vervoerkommissie op 27 Mei vanjaar, kort voordat sy lugdienslisensie vanweë sy insolvensie opgeskort is, meegedeel N$8 miljard is nodig om weer solvent te wees.
VERVOERKOMMISSIE
Benewens sy beroerde geldsake, is die kwessie oor die opskorting van sy lugdienslisensie steeds hangend nadat Air Namibia in Julie ’n tussentydse hofbevel gekry het wat die kommissie se besluit ongeldig verklaar het.
Dié kommissie, onder voorsitterskap van adv. Eldorette Harmse, se termyn het egter op 31 Augustus verstryk. Harmse het dit die naweek by navraag bevestig.
Intussen het mnr. John Mutorwa, minister van werke en vervoer, teen laat gister nog nie reageer op navrae oor wanneer die aanstelling van die nuwe kommissie sal geskied nie.
Volgens ’n ingeligte bron in die lugvaartbedryf het dit implikasies vir rederye wat om een of ander rede veranderinge aan hul lugdienslisensies wil aanbring.
“’n Voorbeeld van so ’n verandering is toe FlyWestair met die inwerkingtreding van die staat van inperking moes aansoek doen om spesiale repatriasievlugte te kon onderneem,” verduidelik die bron.
SA AIRLINK
Intussen blyk dit die private Suid-Afrikaanse rederye SA Airlink en Flysafair beplan om hul vlerke in die streek te sprei.
News24 berig Flysafair het aansoek gedoen om drie keer per week vanaf Johannesburg na Windhoek te vlieg.
Mnr. Rodger Foster, uitvoerende hoof van SA Airlink, het by navraag uit Johannesburg gesê Airlink is gelisensieer om weekliks tot 26 retoervlugte na Namibië te onderneem.
“Die bilaterale lugdiensooreenkoms tussen Namibië en Suid-Afrika laat net drie rederye per roete per land toe. SA Airlink is nie een van die drie goedgekeurde rederye nie, maar kan volgens ’n wysiging van die ooreenkoms wel die Johannesburg-Windhoek-roete vlieg mits dit deel van verbindingsvlugte na St. Helena is.
“Op die oomblik is al drie die goedgekeurde Suid-Afrikaanse lugrederye nie in staat om die roete te bedien nie. SA Airlink kan dit doen, maar dan moet die goedkeuring aan een van die ander rederye herroep word en weer aan SA Airlink toegeken word,” sê Foster.
Dié aansoek dien op 17 September voor die internasionale lugdiensraad, sê hy.
Mnr. Fred Riveiro, bestuurder van sakeontwikkeling by FlyWestair, het gister gesê repatriasievlugte is al wat in hierdie stadium op dié private Namibiese redery se radar is.
Hy wil nie bespeigel wanneer die redery normale lugverkeer tussen Namibië en Suid-Afrika sal hervat nie.
FlyWestair het sedert April 3 758 passasiers op repatriasievlugte na Suid-Afrika, Angola, Ghana, Mali, Spanje, Holland, Duitsland en Rusland vervoer, sê hy.
- [email protected]
’n Donker wolk hang oor die toekoms van die groot rederye in dié twee lande.
Air Namibia sukkel om krediteure te betaal vir dienste waarsonder hy nie sy vlugte kan hervat nie en die drie Suid-Afrikaanse rederye wat voor die inperking duisende passasiers weekliks tussen Windhoek, Johannesburg en Kaapstad vervoer het, is óf in sakeredding óf voorlopig gelikwideer.
Volgens South African Airways (SAA) se sakereddingsplan het dié redery sowat N$10,3 miljard nodig om weer in bedryf te kom. Me. Louise Brugman, woordvoerder van die sakeredders, het aan Netwerk24 bevestig die Suid-Afrikaanse regering het nog geen geld beskikbaar gemaak nie.
Comair, wat British Airways se vlugte na Namibië bedryf het, is sedert 5 Mei in sakeredding en SA Express se finale likwidasie dien op 28 Oktober in die hof.
Teen gister was daar ook geen aanduiding wanneer Air Namibia sy streek- en plaaslike vlugte gaan hervat nie. Suid-Afrika het sy noodtoestand tot 16 Oktober verleng.
Mnr. Leon Jooste, minister van staatsondernemings (SOE’s), sê hoewel Air Namibia “’n goeie sakeplan” vir sy toekoms aan die regering voorgelê het, “is die koste om dit te implementeer waar die probleem lê”.
“Ons kan nie Air Namibia se skuld en laste ignoreer en dink dit gaan dan werk nie. Dis ook baie belangrik om te beklemtoon dat die plan voor Covid-19 gedoen is en nie voorsiening maak vir die impak daarvan nie. Ons is tans besig met die finale samesprekings en sal binnekort duidelikheid oor die pad vorentoe hê,” het hy by navraag gesê.
Dié plan behels die afskaffing van die Lufthansa-roete en die verstewiging van roetes in die streek. Air Namibia wil van die twee Airbus A330’s asook die vyf Airbus A319’s ontslae raak en dit met kleiner, meer doeltreffende 90-100-sitplek vliegtuie soos die Bombardier CRJ 900 of die Embraer E190-E1 vervang.
Die regering moet die geld verskaf “om die korttermynveranderingsinisiatiewe af te handel, insluitend verpligtinge teenoor diensverskaffers en werknemers wat geraak word deur die veranderinge”, lui die sakeplan. Air Namibia het die regering versoek om hom “struktureel te herkapitaliseer” en sy skuld te betaal.
Republikein het vroeër berig Air Namibia se bestuur het die Vervoerkommissie op 27 Mei vanjaar, kort voordat sy lugdienslisensie vanweë sy insolvensie opgeskort is, meegedeel N$8 miljard is nodig om weer solvent te wees.
VERVOERKOMMISSIE
Benewens sy beroerde geldsake, is die kwessie oor die opskorting van sy lugdienslisensie steeds hangend nadat Air Namibia in Julie ’n tussentydse hofbevel gekry het wat die kommissie se besluit ongeldig verklaar het.
Dié kommissie, onder voorsitterskap van adv. Eldorette Harmse, se termyn het egter op 31 Augustus verstryk. Harmse het dit die naweek by navraag bevestig.
Intussen het mnr. John Mutorwa, minister van werke en vervoer, teen laat gister nog nie reageer op navrae oor wanneer die aanstelling van die nuwe kommissie sal geskied nie.
Volgens ’n ingeligte bron in die lugvaartbedryf het dit implikasies vir rederye wat om een of ander rede veranderinge aan hul lugdienslisensies wil aanbring.
“’n Voorbeeld van so ’n verandering is toe FlyWestair met die inwerkingtreding van die staat van inperking moes aansoek doen om spesiale repatriasievlugte te kon onderneem,” verduidelik die bron.
SA AIRLINK
Intussen blyk dit die private Suid-Afrikaanse rederye SA Airlink en Flysafair beplan om hul vlerke in die streek te sprei.
News24 berig Flysafair het aansoek gedoen om drie keer per week vanaf Johannesburg na Windhoek te vlieg.
Mnr. Rodger Foster, uitvoerende hoof van SA Airlink, het by navraag uit Johannesburg gesê Airlink is gelisensieer om weekliks tot 26 retoervlugte na Namibië te onderneem.
“Die bilaterale lugdiensooreenkoms tussen Namibië en Suid-Afrika laat net drie rederye per roete per land toe. SA Airlink is nie een van die drie goedgekeurde rederye nie, maar kan volgens ’n wysiging van die ooreenkoms wel die Johannesburg-Windhoek-roete vlieg mits dit deel van verbindingsvlugte na St. Helena is.
“Op die oomblik is al drie die goedgekeurde Suid-Afrikaanse lugrederye nie in staat om die roete te bedien nie. SA Airlink kan dit doen, maar dan moet die goedkeuring aan een van die ander rederye herroep word en weer aan SA Airlink toegeken word,” sê Foster.
Dié aansoek dien op 17 September voor die internasionale lugdiensraad, sê hy.
Mnr. Fred Riveiro, bestuurder van sakeontwikkeling by FlyWestair, het gister gesê repatriasievlugte is al wat in hierdie stadium op dié private Namibiese redery se radar is.
Hy wil nie bespeigel wanneer die redery normale lugverkeer tussen Namibië en Suid-Afrika sal hervat nie.
FlyWestair het sedert April 3 758 passasiers op repatriasievlugte na Suid-Afrika, Angola, Ghana, Mali, Spanje, Holland, Duitsland en Rusland vervoer, sê hy.
- [email protected]
Kommentaar
Republikein
Geen kommentaar is op hierdie artikel gelaat nie