Bitcoin vlieg tot byna US$10 000
Bitcoin het US$9 000 verbygesteek. Die prys van die kriptogeldeenheid lyk glad nie of dit gaan ophou styg nie en is volgens ontleders vinnig op pad na vyf syfers.
Die prys van die grootste kriptogeldeenheid volgens markwaarde vlieg hoog soos wat al hoe meer mense daarvan kennis neem.
Bitcoin het die afgelope twee weke met meer as 40% gestyg.
Dis 'n geval van Fomo (fear of losing out) sê die ontleders van IG Group. “Daar is ander wat die risiko van 'n daling sien uit die bekendstelling van termynkontrakte in bitcoin.”
Dis veral gewone mense wat hul swaarverdiende geld in bitcoin begin belê. Die aantal rekeninge by Coinbase het die afgelope jaar byna verdriedubbel tot 13 miljoen.
Bitcoin het Maandagoggend selfs US$9 720,95 gehaal, sowat 16% hoër as laat Vrydagmiddag.
Die vinnige stygings maak dit vir voorspellers moeilik om voor te bly. Die verskansingsfondsbestuurder Mike Novogratz, wat onlangs 'n fonds van US$500 miljoen vir beleggings in kriptogeld aangekondig het, het net 'n week gelede voorspel bitcoin sal teen einde 2017 op US$10 000 verhandel.
Net 'n dag later het Thomas Lee, navorsingshoof van Fundstrat, sy prysteiken tot US$11 500 teen middel 2018 opgestoot.
CME Group het planne vir termynkontrakte in bitcoin aangekondig, wat reeds in Desember kan begin verhandel. JPMorgan Chase & Co., Amerika se grootste bank, oorweeg dit ook om termynkontrakte in bitcoin deel van die keuse vir kliënte te maak.
Die internasionale batebestuursafdeling van Old Mutual het verlede week aangekondig een van sy fondse vir edelmetale gaan 5% van sy geld in bitcoin belê.
Die totale mark vir kriptogeld beloop nou meer as US$300 miljard, volgens Coinmarketcap.com.– Netwerk24/Bloomberg
Die prys van die grootste kriptogeldeenheid volgens markwaarde vlieg hoog soos wat al hoe meer mense daarvan kennis neem.
Bitcoin het die afgelope twee weke met meer as 40% gestyg.
Dis 'n geval van Fomo (fear of losing out) sê die ontleders van IG Group. “Daar is ander wat die risiko van 'n daling sien uit die bekendstelling van termynkontrakte in bitcoin.”
Dis veral gewone mense wat hul swaarverdiende geld in bitcoin begin belê. Die aantal rekeninge by Coinbase het die afgelope jaar byna verdriedubbel tot 13 miljoen.
Bitcoin het Maandagoggend selfs US$9 720,95 gehaal, sowat 16% hoër as laat Vrydagmiddag.
Die vinnige stygings maak dit vir voorspellers moeilik om voor te bly. Die verskansingsfondsbestuurder Mike Novogratz, wat onlangs 'n fonds van US$500 miljoen vir beleggings in kriptogeld aangekondig het, het net 'n week gelede voorspel bitcoin sal teen einde 2017 op US$10 000 verhandel.
Net 'n dag later het Thomas Lee, navorsingshoof van Fundstrat, sy prysteiken tot US$11 500 teen middel 2018 opgestoot.
CME Group het planne vir termynkontrakte in bitcoin aangekondig, wat reeds in Desember kan begin verhandel. JPMorgan Chase & Co., Amerika se grootste bank, oorweeg dit ook om termynkontrakte in bitcoin deel van die keuse vir kliënte te maak.
Die internasionale batebestuursafdeling van Old Mutual het verlede week aangekondig een van sy fondse vir edelmetale gaan 5% van sy geld in bitcoin belê.
Die totale mark vir kriptogeld beloop nou meer as US$300 miljard, volgens Coinmarketcap.com.– Netwerk24/Bloomberg
Kommentaar
Republikein
Geen kommentaar is op hierdie artikel gelaat nie