Bitcoin val tot laagste vlak in jaar

Bitcoin, die wêreld se gewildste kriptogeldeenheid, verhandel nou op sy laagste vlak in ’n jaar.Die prys daarvan het oornag met byna 13% geval tot US$5 400, ’n vlak waarop hy laas in Oktober 2017 was.Op die plaaslike verhandelingsplatform Luno het die prys ook skerp gedaal en is dit 10,5% laer op R83 256.Dit beteken die prys van een bitcoin is nou meer as 70% laer as sy hoogste vlak in Desember 2017, toe dit teen R317 600 verhandel het.Spekulante het inderhaas bitcoin van die hand probeer sit namate die prys Woensdag gedaal het. In die proses is ’n beduidende hoeveelheid van die digitale geldeenheid se totale markwaarde uitgewis.Bitcoin se markwaarde het vir die eerste keer sedert die middel van September tot onder US$200 miljard gedaal, volgens data van coinmarketcap.com.Volgens ontleders is die presiese oorsaak van die skerp daling in die bitcoinprys nog nie duidelik nie.OORSAAK NOG NIE BEKEND“Soms wanneer hierdie dinge gebeur, neem dit ’n rukkie om uit te vind wat presies die oorsaak was. Dit kon die uitruil van geldeenhede of regulatoriese optrede wees,” het Charlie Hayter, stigter van die kriptowebblad Cryptocompare, aan Reuters gesê.Die swakker bitcoin het ook ander noemenswaardige kriptogeldeenhede laat daal. Die prys van ethereum het met 13% tot US$171,66 gedaal.Oor die algemeen meen ontleders die vooruitsig vir bitcoin bly onduidelik. Langtermynvoorspellings maak staat op die feit dat digitale geld sy inherente waarde sal behou en ’n volhoubare betaalmiddel sal word.Christine Lagarde, hoof van die Internasionale Monetêre Fonds, het onlangs gesê lande se sentrale banke moet dit oorweeg om digitale geldeenhede te begin uitreik.Volgens Lagarde kan dit transaksies met digitale geldeenhede veiliger maak, berig die BBC.Sy meen so in die lig van ’n wêreldwye tendens waar mense minder staatmaak op harde kontant en die meeste transaksies digitaal is. – Netwerk24/Reuters

Bitcoin val tot laagste vlak in jaar

Kommentaar

Republikein 2025-05-01

Meld asseblief aan om kommentaar te lewer

Bitcoin val tot laagste vlak in jaar

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie