Bitcoin kruip terug tot bo US$10 000
Die prys van bitcoin het verlede week vir die eerste keer in meer as twee weke weer bo US$10 000 gaan draai.
Dit volg nadat dié kriptogeldeenheid meer as 70% van sy waarde verloor het sedert die hoogtepunt wat hy in Desember bereik het.
Digitale geldeenhede beleef 'n rowwe jaar weens onsekerheid oor die moontlikheid dat dit binnekort gereguleer gaan word.
Die diefstal van US$532,9 miljoen se bitcoin uit 'n Japannese verhandelingsplatform 'n paar weke gelede, het ook die prys afgedruk.
Net tien dae gelede het bitcoin sy laagste vlak in maande bereik toe dit tot onder US$6 000 geval het.
Die onlangse daling was deels te wyte aan nuwe regulasies deur banke in Amerika en Brittanje wat die aankoop daarvan met kredietkaarte begin verbied.
Ook in Suid-Afrika het die Reserwebank onlangs aangekondig hy gaan ondersoek instel na watter beleid en wetgewing nodig is om kriptogeld te reguleer.
Die Reserwebank hoop om later vanjaar 'n geskikte beleidsraamwerk en wetgewing daarvoor te ontwikkel wat onder meer digitale geld se impak op valutabeheer, monetêre beleid en finansiële stabiliteit ontleed. Volgens die plaaslike verhandelingsplatform Luno is die randwaarde van een bitcoin tans R120,201, 'n styging van 16,8% oor die afgelope week.
Ook ethereum, die tweede grootste digitale geldeenheid in markwaarde, se prys het oor die laaste 24 uur met 2,5% versterk tot US$933,24, berig Reuters. – Netwerk24/Reuters
Dit volg nadat dié kriptogeldeenheid meer as 70% van sy waarde verloor het sedert die hoogtepunt wat hy in Desember bereik het.
Digitale geldeenhede beleef 'n rowwe jaar weens onsekerheid oor die moontlikheid dat dit binnekort gereguleer gaan word.
Die diefstal van US$532,9 miljoen se bitcoin uit 'n Japannese verhandelingsplatform 'n paar weke gelede, het ook die prys afgedruk.
Net tien dae gelede het bitcoin sy laagste vlak in maande bereik toe dit tot onder US$6 000 geval het.
Die onlangse daling was deels te wyte aan nuwe regulasies deur banke in Amerika en Brittanje wat die aankoop daarvan met kredietkaarte begin verbied.
Ook in Suid-Afrika het die Reserwebank onlangs aangekondig hy gaan ondersoek instel na watter beleid en wetgewing nodig is om kriptogeld te reguleer.
Die Reserwebank hoop om later vanjaar 'n geskikte beleidsraamwerk en wetgewing daarvoor te ontwikkel wat onder meer digitale geld se impak op valutabeheer, monetêre beleid en finansiële stabiliteit ontleed. Volgens die plaaslike verhandelingsplatform Luno is die randwaarde van een bitcoin tans R120,201, 'n styging van 16,8% oor die afgelope week.
Ook ethereum, die tweede grootste digitale geldeenheid in markwaarde, se prys het oor die laaste 24 uur met 2,5% versterk tot US$933,24, berig Reuters. – Netwerk24/Reuters
Kommentaar
Republikein
Geen kommentaar is op hierdie artikel gelaat nie