Birkenstock kry Knights voor stok

Andrew Poolman – Die veelsydige Karl Birkenstock was op sy stukke as 'n naatbouler met deurdringingsvermoë in beide die Namibiese Eagles se oorwinnings in hul eerste twee T20-toerwedstryde in Bloemfontein teen die plaaslike professionele franchise, die Knights.Birkenstock se vyf paaltjies was Sondag een van die deurslaggewende vertonings in die Eagles se oorwinning met 47 lopies – nadat hy die vorige dag ook met drie paaltjies uitgeblink het.“Die Knights is 'n baie sterk span met kolwers van internasionale gehalte. Ons veldwerk was puik en ons kolwers het almal sover iewers 'n kans aangegryp om lopies by te dra. Ons sien baie uit na die drie wedstryde wat oorbly. Die spelers veg hard vir hul plekke om in die elftal en in die groep vir die komende T20 Wêreldbeker (Oktober in die Emirate) te wees,” sê die Eagles se afrigter, Pierre de Bruyn.Die toerspan is Sondag ingestuur om eerste te kolf en het sy twintig boulbeurte op 178/6 afgesluit. Craig Williams (op nommer drie) was die topkolwer vir die dag met 66 lopies van 57 balle (agt viere).Stephen Baard is met sy eerste bal vir nul uitgevang, terwyl Zane Green met 23 van 12 balle (3x4 1x6) vroeë aggressie gewys het.Gerhard Erasmus is uitgevang vir 9 (13 balle), voordat JJ Smit die Vrystaters 'n proesel van sy kolfvermoë gegee het met 31 lopies van 23 balle (2x4 1x6). Ter afsluiting het Pikky ya France (11 nie uit nie) twee van sy ses balle grenstou toe gestuur.Die Namibiese boulers het die Knights in 17.4 boulbeurte vir 131 uitgeboul, met Birkenstock (5/31 in 4 bb) wat die hart uit hul lopiejaagtog geruk het. Een van sy slagoffers was die ervare oud-Protea Rilee Rossouw, wat 'n kaphou in JJ Smit se hande geslaan het met sy telling op 38 (24 balle, 3x4 1x6). Nog een was Pite van Biljon (0), vir wie Birkenstock van sy eie boulwerk uitgevang het.JJ Smit (2/26 in 3) het onder meer van die oud-Protea Farhaan Behardien ontslae geraak voordat hy werklike skade kon aanrig (11 van 9 balle, 1x4). Bernard Scholtz (1/14 in 1.4 bb), Ruben Trumpelmann (1/18 in 3) en Jan Frylinck (1/15 in 2) het die ander paaltjies gedeel. SATERDAGDie Namibiërs het die vriendskaplike reeks met 'n briljante sege met 60 lopies afgeskop, ná hul hoogste T20-kolftotaal in onlangse wedstryde.Die Eagles se imponerende 192/4 was gebou rondom die aanvangskolwer Zane Green se 95 lopies van net 48 balle (11x4 5x6) voordat hy uitgehardloop is met sy honderd in sig.Kaptein Gerhard Erasmus (40 van 25 balle, 1x4 3x6) was ewe aanvallend ingestel.Die Knights kon net met 132/6 antwoord, teen Birkenstock (3/21), Bernard Scholtz (2/31) en hul boulmaats. Birkenstock het vir Rilee Rossouw vir 'n nulletjie uitgeboul.• T20-wedstryde drie, vier en vyf word vandag (12:30), môre (12:30) en Vrydag (09:30) gespeel.– andrew@republikein.com.naFOTOKarl Birkenstock het agt paaltjies in die eerste twee T20-wedstryde in Bloemfontein geneem. Foto JW Prinsloo

Birkenstock kry Knights voor stok

Kommentaar

Republikein 2026-04-30

Meld asseblief aan om kommentaar te lewer

Birkenstock kry Knights voor stok

Kommentaar

Republikein 2026-04-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.