Billiton weer in die groen
Aansienlik sterker hulpbronpryse, veral vir ystererts en steenkool, het Billiton gehelp om ’n wins te behaal.
Elvia Wood - BHP Billiton, wat twee moeilike jare agter die rug het ná die Samarco-slikdamramp in Brasilië, het eindelik weer die wind van agter gekry en ’n wins gemaak.
Die maatskappy – wat deesdae veral op olie fokus – het gister in ’n verklaring op die JSE se nuusdiens, Sens, gesê hy het ’n wins van US$6,2 miljard ná belasting in die boekjaar tot einde Junie gemaak.
Dit volg op ’n verlies van US$6,1 miljard die vorige jaar.
Billiton het vanjaar ’n wins uit bedrywighede van US$11,8 miljard behaal (’n verlies van US$1,2 miljard in die vorige boekjaar) en ’n buitengewone verlies van US$842 miljoen gely (US$7,6 miljard in die vorige boekjaar).
Die buitengewone verlies vir albei boekjare is ná belasting en hou verband met die Samarco-slikdamramp.
Onderhandel
Billiton en sy vennoot Vale, wat saam die Samarco-myn besit, is in 2016 met US$5,6 miljard deur Brasilië beboet om vir die herstelwerk ná die ramp te betaal.
Dié boete sal oor die volgende 15 jaar afbetaal word.
Die wal van ’n slikdam het op 5 November 2015 by die Samarco-myn in die ooste van Brasilië gebreek en 19 mense is weens die ramp dood. Dit word as die grootste omgewingsramp tot nog toe in Brasilië bestempel.
Billiton sê hy onderhandel steeds oor die finale skikkingsbedrag en verwag ’n besluit sal op 30 Oktober daaroor geneem word.
Aansienlik sterker hulpbronpryse, veral vir ystererts en steenkool, het hom gehelp om ’n wins te behaal.
Die hoër hulpbronpryse kan volgens Billiton veral in sy vrye kontantvloei van US$12,6 miljard gesien word. Hy het dié kontant gebruik om US$10 miljard van sy skuld af te betaal en om dividende aan sy beleggers te betaal.
Ná die Samarco-ramp het Billiton se aandele op 20 Januarie 2016 teen R138,06 op die JSE verhandel.
Gisteroggend was dit 3% hoër teen R238,65. – Netwerk24
Kassie:
Syfers in ‘n neutedop
* Wesensverdienste van US$5,3 miljard (wesensverlies van US$866 miljoen);
* wesensverdienste per aandeel van 107c (wesensverlies per aandeel van 16,3c);
* basiese verdienste per aandeel van 110,7c (basiese verlies per aandeel van 120c);
* inkomste styg met 24% tot US$38,28 miljard;
* skuldlas daal met 37% tot US$16,3 miljard;
* verdienste voor rente, belasting, waardevermindering en amortisasie (ebitda) styg met 64% tot US$20,3 miljard; en
* totale dividend per aandeel styg met 177% tot 83 Amerikaanse sent.
Die maatskappy – wat deesdae veral op olie fokus – het gister in ’n verklaring op die JSE se nuusdiens, Sens, gesê hy het ’n wins van US$6,2 miljard ná belasting in die boekjaar tot einde Junie gemaak.
Dit volg op ’n verlies van US$6,1 miljard die vorige jaar.
Billiton het vanjaar ’n wins uit bedrywighede van US$11,8 miljard behaal (’n verlies van US$1,2 miljard in die vorige boekjaar) en ’n buitengewone verlies van US$842 miljoen gely (US$7,6 miljard in die vorige boekjaar).
Die buitengewone verlies vir albei boekjare is ná belasting en hou verband met die Samarco-slikdamramp.
Onderhandel
Billiton en sy vennoot Vale, wat saam die Samarco-myn besit, is in 2016 met US$5,6 miljard deur Brasilië beboet om vir die herstelwerk ná die ramp te betaal.
Dié boete sal oor die volgende 15 jaar afbetaal word.
Die wal van ’n slikdam het op 5 November 2015 by die Samarco-myn in die ooste van Brasilië gebreek en 19 mense is weens die ramp dood. Dit word as die grootste omgewingsramp tot nog toe in Brasilië bestempel.
Billiton sê hy onderhandel steeds oor die finale skikkingsbedrag en verwag ’n besluit sal op 30 Oktober daaroor geneem word.
Aansienlik sterker hulpbronpryse, veral vir ystererts en steenkool, het hom gehelp om ’n wins te behaal.
Die hoër hulpbronpryse kan volgens Billiton veral in sy vrye kontantvloei van US$12,6 miljard gesien word. Hy het dié kontant gebruik om US$10 miljard van sy skuld af te betaal en om dividende aan sy beleggers te betaal.
Ná die Samarco-ramp het Billiton se aandele op 20 Januarie 2016 teen R138,06 op die JSE verhandel.
Gisteroggend was dit 3% hoër teen R238,65. – Netwerk24
Kassie:
Syfers in ‘n neutedop
* Wesensverdienste van US$5,3 miljard (wesensverlies van US$866 miljoen);
* wesensverdienste per aandeel van 107c (wesensverlies per aandeel van 16,3c);
* basiese verdienste per aandeel van 110,7c (basiese verlies per aandeel van 120c);
* inkomste styg met 24% tot US$38,28 miljard;
* skuldlas daal met 37% tot US$16,3 miljard;
* verdienste voor rente, belasting, waardevermindering en amortisasie (ebitda) styg met 64% tot US$20,3 miljard; en
* totale dividend per aandeel styg met 177% tot 83 Amerikaanse sent.
Kommentaar
Republikein
Geen kommentaar is op hierdie artikel gelaat nie