Bierreus skop flou af op JSE

Nellie Brand-Jonker - Die internasionale bierreus Anheuser-Busch InBev (AB InBev) het Dinsdag met verhandelinge op die JSE begin nadat die US$100 miljard-oorname van SABMiller suksesvol afgehandel is.Herman Lloyd, portefeuljebestuurder van FNB Sekuriteite, sê die volume aandele wat verhandel het, was baie laag, onder meer omdat hy teen meer as R1 800 per aandeel verhandel het.Lloyd meen die eerste dag van verhandeling was glad nie indrukwekkend nie en amper nie nuuswaardig nie.SABMiller se Suid-Afrikaanse aandeelhouers kry eers vandag hul geld uit die transaksie.Dan word verwag dat volumes gaan meer word omdat dié beleggers waarskynlik van hul geld in AB InBev sal terugploeg.Dit is loshande die grootste maatskappy op die JSE, maar is nie by JSE-indekse ingesluit nie omdat die maatskappy nie genoeg Suid-Afrikaanse aandeelhouers het nie.Sy markwaarde in Europa is €195 miljard.Die JSE vereis ’n buitelandse maatskappy se aandele wat plaaslik verhandel moet minstens 1% van sy aandelekapitaal beloop om in JSE-indekse ingesluit te word. Net 0,64% van AB InBev se aandele verhandel in Suid-Afrika.Hy verhandel onder die kode ANB op die JSE.AltriaDie tabakmaatskappy die Altria-groep sê hy is nou ’n wesenlike aandeelhouer in AB InBev.Dow Jones Newswires berig die tabakmaatskappy was voorheen ’n groot aandeelhouer in SABMiller. Hy het aandele gekry wat sowat 9,6% van die nuwe gekombineerde maatskappy verteenwoordig, asook US$5,3 miljard se kontant.Altria het terselfdertyd aangekondig hy gaan aandele terugkoop met ’n groot deel van die geld.Marty Barrington, Altria se voorsitter en uitvoerende hoof, en Billy Gifford, finansiële hoof, is op AB InBev se direksie aangestel.Bloomberg berig die transaksie, wat Megabrew gedoop is, het die wêreld se twee grootste bierbrouers saamgegooi en ’n maatskappy geskep wat nou een uit elke drie biere wêreldwyd verkoop.Altria – wat Marlboro en ander sigarette verkoop – se belang in SABMiller dateer terug na toe die maatskappy Philip Morris Miller verkry het in ’n poging om ’n drank-en-voedselkonglomeraat op te bou.AsahiAB InBev het Dinsdag ook op die JSE se nuusdiens, Sens, aangekondig die verkoop van Peroni en Grolsch in Europa is suksesvol afgehandel. Dié biermaatskappye is aan Japan se Asahi-groep verkoop vir US$2,8 miljard.Dit is van die handelsname wat die bierreus ingewillig het om te verkoop sodat hy toestemming van die Mededingingsowerhede in Europa vir die oorname van SABMiller kon kry.Die transaksie sluit in die Britse mikrobiermaatskappy Meantime, wat SABMiller verlede jaar gekoop het.Reuters het intussen berig dat SABMiller se ondernemings in vyf Oos-Europese lande vandeesweek verkoop gaan word. Dit sluit in die Tsjeggiese Republiek se Pilsner Urquell.Blykbaar stel Asahi ook daarin belang en wil hy US$4,87 miljard vir die ondernemings aanbied.Dit sluit in SABMiller se ondernemings in Pole, Hongarye, Slowakye en Roemenië.Akiyoshi Koji, president van Asahi, het in Mei aan die nuusdiens gesê sy maatskappy gaan nié vir die Oos-Europese ondernemings ’n aanbod doen nie omdat mededingingsowerhede nie daarvoor te vinde sal wees nie.AB InBev het ook Dinsdag aangekondig SABMiller se 49%-belang in China Resources Snow Breweries (Snow) is suksesvol afgehandel. Dit is vir US$1,6 miljard verkoop aan China Resources Beer (CRB).Snow het ná die transaksie ’n volfiliaal van CRB geword.AB InBev het ook aangekondig dat die transaksie met SABMiller nou afgehandel is. - Netwerk24

Bierreus skop flou af op JSE

Kommentaar

Republikein 2026-09-14

Meld asseblief aan om kommentaar te lewer

Bierreus skop flou af op JSE

Kommentaar

Republikein 2026-09-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.