Bier, steak en kuier
Gewoonlik lyk ’n dag op Swakopmund só: Seekos, witwyn, sonskerm en voete wat vol sand is. Dán trek die kusdorp sy misbaadjie aan en die dag is daarmee heen.
Niks fout hiermee nie – almal is geregtig daarop om te doen wat hulle wil en hul dag deur te bring soos hulle wil.
Maar hoe voel jy oor ’n steak en tjips wat met die hand gesny is? Jy kan dit natuurlik steeds geniet terwyl jy oor die groot blou oseaan uitkyk en die son sien sak.
Swakopmund se Brewer & Butcher, deel van die Strand Hotel-groep, is die perfekte plek om effens van die norm en die gewone weg te breek.
Namibiërs is mal oor vleis. Báie en allerhande soorte.
Brewer & Butcher is die ideale plek om daai ingebore liefde vir vleis te voer.
Hoewel die restaurant se spyskaart meestal uit vleisdisse bestaan, is dit nie jou enigste opsie nie. Met ’n reeks seekosse, slaaie, vingerhappies en kleiner geregte, gaan jy sukkel om te besluit waarvoor jy lus is.
Jy sal nie sommer iemand kry wat nie van braai hou, of van die idee dat kos op ’n oop vlam gaargemaak word nie. Brewer & Butcher het hul kombuis hiermee in gedagte met ’n braaiplek ingerig.
Jy kan dus die lekkerste Namibiese vleis, wat op ’n regte braai gaargemaak is, in ’n restaurantomgewing geniet. Die braavleisreuke wat op ’n Saterdagaand oor jou buurman se muur aansweef, is presies wat jy ruik wanneer jy dié luukse restaurant binnestap.
Die plek se hoendervlerkies veral is ’n gunsteling. Dit word eers gerook en dan met ’n unieke sous bedek, waarna dit gebraai word. Dis ’n móét. Verder bedien hulle die alombekende eisbein, en hul weergawe kan sonder twyfel by Duitsland s’n kers vashou.
Waar kry mens deesdae nog murgbene op ’n spyskaart?
Selfs sekere supermarkte en slaghuise het nie eers hierdie unieke dis beskikbaar nie.
O nee, wag ’n bietjie.
Brewer & Butcher het dit op hul spyskaart.
En natuurlik is dit een van die gewildste disse wat hulle het. Mense kom van heinde en verre om aan hierdie bene te smul.
’n Burger bly eenvoudig ’n staatmaker. Of jy van hom hou of nie, in een of ander stadium van jou jaar sit jy met jou mondhoeke vol monkey gland-sous. Hierdie is die beste plek om jou burgerlus te blus.
Brewer & Buthcer is trots daarop dat hulle die patties self maak en unieke speserye gebruik.
Iets wat uniek is aan dié restaurant is die ruimte. Daar’s genoeg plek om 15 mondigwording-partytjies gelyk te vier. Jy kan nie die tannie by die tafel langs jou se parfuum ruik nie, natuurlik danksy die ruimte, maar ook weens die mikrobrouery se ketels wat heeldag staan en bier stook.
Brewer & Butcher het sy eie ’n mikro-brouery wat die heerlikste plaaslike bier vervaardig – sowat 15 meter van jou tafel af.
Die idee van boetiekbier saam met ’n Namibiese steak is in enige man se taal ’n wenner.
Volgende keer as jy op Swakopmund is en lus vir braaivleis en bier is, trek by die Brewer & Butcher in. Dit gaan voel of jy saam met vriende by die nuwe intrekkers in jou straat kuier. Daar’s selfs ’n TV, so jy gaan nie die Currie Cup-finaal misloop nie.
Brewer & Butcher is daagliks van 12:00 tot 14:30 vir middagete, en van 18:00 tot 22:00 vir aandete oop. Van 12:00 tot 22:00 is ’n vingerhappiespyskaart ook beskikbaar.
Niks fout hiermee nie – almal is geregtig daarop om te doen wat hulle wil en hul dag deur te bring soos hulle wil.
Maar hoe voel jy oor ’n steak en tjips wat met die hand gesny is? Jy kan dit natuurlik steeds geniet terwyl jy oor die groot blou oseaan uitkyk en die son sien sak.
Swakopmund se Brewer & Butcher, deel van die Strand Hotel-groep, is die perfekte plek om effens van die norm en die gewone weg te breek.
Namibiërs is mal oor vleis. Báie en allerhande soorte.
Brewer & Butcher is die ideale plek om daai ingebore liefde vir vleis te voer.
Hoewel die restaurant se spyskaart meestal uit vleisdisse bestaan, is dit nie jou enigste opsie nie. Met ’n reeks seekosse, slaaie, vingerhappies en kleiner geregte, gaan jy sukkel om te besluit waarvoor jy lus is.
Jy sal nie sommer iemand kry wat nie van braai hou, of van die idee dat kos op ’n oop vlam gaargemaak word nie. Brewer & Butcher het hul kombuis hiermee in gedagte met ’n braaiplek ingerig.
Jy kan dus die lekkerste Namibiese vleis, wat op ’n regte braai gaargemaak is, in ’n restaurantomgewing geniet. Die braavleisreuke wat op ’n Saterdagaand oor jou buurman se muur aansweef, is presies wat jy ruik wanneer jy dié luukse restaurant binnestap.
Die plek se hoendervlerkies veral is ’n gunsteling. Dit word eers gerook en dan met ’n unieke sous bedek, waarna dit gebraai word. Dis ’n móét. Verder bedien hulle die alombekende eisbein, en hul weergawe kan sonder twyfel by Duitsland s’n kers vashou.
Waar kry mens deesdae nog murgbene op ’n spyskaart?
Selfs sekere supermarkte en slaghuise het nie eers hierdie unieke dis beskikbaar nie.
O nee, wag ’n bietjie.
Brewer & Butcher het dit op hul spyskaart.
En natuurlik is dit een van die gewildste disse wat hulle het. Mense kom van heinde en verre om aan hierdie bene te smul.
’n Burger bly eenvoudig ’n staatmaker. Of jy van hom hou of nie, in een of ander stadium van jou jaar sit jy met jou mondhoeke vol monkey gland-sous. Hierdie is die beste plek om jou burgerlus te blus.
Brewer & Buthcer is trots daarop dat hulle die patties self maak en unieke speserye gebruik.
Iets wat uniek is aan dié restaurant is die ruimte. Daar’s genoeg plek om 15 mondigwording-partytjies gelyk te vier. Jy kan nie die tannie by die tafel langs jou se parfuum ruik nie, natuurlik danksy die ruimte, maar ook weens die mikrobrouery se ketels wat heeldag staan en bier stook.
Brewer & Butcher het sy eie ’n mikro-brouery wat die heerlikste plaaslike bier vervaardig – sowat 15 meter van jou tafel af.
Die idee van boetiekbier saam met ’n Namibiese steak is in enige man se taal ’n wenner.
Volgende keer as jy op Swakopmund is en lus vir braaivleis en bier is, trek by die Brewer & Butcher in. Dit gaan voel of jy saam met vriende by die nuwe intrekkers in jou straat kuier. Daar’s selfs ’n TV, so jy gaan nie die Currie Cup-finaal misloop nie.
Brewer & Butcher is daagliks van 12:00 tot 14:30 vir middagete, en van 18:00 tot 22:00 vir aandete oop. Van 12:00 tot 22:00 is ’n vingerhappiespyskaart ook beskikbaar.
Kommentaar
Republikein
Geen kommentaar is op hierdie artikel gelaat nie