Bied 2019 beste kans nóg vir Namibië?
Rugbypraatjies is aan die orde van die dag ná die loting vir die volgende Wêreldbeker.
Andrew Poolman - Die identiteit van die Repechage-wenner wat na groep B deurdring, kan dalk bepalend wees vir Namibië se kanse om in 2019 sy eerste wedstryd by 'n Wêreldbekertoernooi te wen.
Gister se amptelike loting in die gasheerland vir die 2019-skouspel, Japan, het die rugbywêreld aan die praat oor wat dit vir elke land se kanse op sukses beteken.
Die huidige Wêreldbeker-houer Nieu-Seeland, Suid-Afrika en Italië is die drie bevestigde spanne vir groep B van die toernooi. Afrika se topkwalifiseerder sal by hulle aansluit – hopelik Namibië, natuurlik – met die vyfde plek wat vir die Repechage-wenner bespreek is.
Laasgenoemde is gewoonlik die heel laaste kwalifiseerder, deur 'n minitoernooi tussen die beste geplaasde verloorders uit die vyf kwalifiserende streke van wêreldrugby (Europa, Oseanië, Afrika, Asië en die Amerikas).
Heelwat water moet nog in die see loop terwyl al hierdie streke se uitdunne bepaal word, maar 'n vroeë vooruitskatting is dat spanne soos Uruguay (Amerikas), Roemenië, Spanje of Rusland (Europa), Kenia of Zimbabwe (Afrika) hier betrokke kan wees.
Dit is nou tensy die derde span in die Pasifiese Beker (uit Tonga, Fidji en Samoa) dalk in 'n afsonderlike uitspeelwedstryd teen 'n Europese kwalifiseerder verloor om ook in hierdie Repechage-pot te beland. Die wenner van dié uitspeelwedstryd dring deur na Japan 2019.
Namibië het tevore teen feitlik al die genoemde lande gewen én verloor, behalwe Uruguay (een keer) en Tonga (twee keer) teen wie hy nog in elke vorige ontmoeting aan die verloorkant was.
Die beste nuus wat gister vir Namibië opgelewer het, is dat hy anders as ooit tevore in 'n Wêreldbeker-groep saam met die Repechage-kwalifiseerder geplaas is.
Dit het nie in 1999, 2003, 2007, 2011 óf 2011 se toernooie gebeur nie.
Uiteraard is die grootste opspraak gister gewek deur die nuus dat Nieu-Seeland en Suid-Afrika as aartsvyande in dieselfde groep beland het. Namibië was al tevore een keer elk saam met die All Blacks en Suid-Afrika gegroepeer en sal opnuut hierdie kans wil aangryp om soveel internasionale aandag as moontlik op die land en sy rugbyspelers te vestig.
Vier jaar gelede het Namibië hom in sy openingswedstryd in Londen baie goed teëgesit voordat die All Blacks met 58-14 gewen het.
In 2011 het Jacques Burger-hulle in Albany, Nieu-Seeland, eers in hul derde wedstryd die Springbokke getakel en het met 87-0 verloor.
KWALIFISERING IN 2018
Kenia, Zimbabwe en Senegal is die drie lande wat waarskynlik in Namibië se pad van regstreekse kwalifikasie staan.
Ietwat verrassend is dat die Wêreldbeker se kwalifiserende wedstryde in Afrika volgens die huidige skedulering vir Aprilmaand 2018 bestem is.
Die Namibië Rugby-unie sal glo egter binne die volgende maand die besluitnemers van Rugby Afrika probeer oortuig dat hierdie wedstryde soos gebruiklik gedurende die internasionale vensterperiode vir toetsrugby (Junie tot Augustus) gespeel moet word.
Die verskil is natuurlik dat nasionale spanne gedurende dié vensterperiode voorkeur kry om hul beste beroepspelers van enige plek in die wêreld te mag oproep – eerder as die klubs of unies wat dié manne betaal.
Polities gesproke veroorsaak Namibië se oorheersing van die kontinentale kompetisie vir die enkele beskikbare Wêreldbeker-plek (sedert 1999 het Namibië 'n monopolie hierop verwerf) soms 'n mate van wrewel onder sy uitdagers – spesifiek onder Afrika se Franssprekende lande.
Nogtans sal dit ondenkbaar wees dat volgende jaar se beslissende Wêreldbeker uitdunwedstryde nié in die internasionale vensterperiode gespeel word nie, wanneer elke land toegang tot sy beste spelers sal hê. Selfs Wêreldrugby as beheerliggaam behoort nie enigins vir so 'n afgewaterde kompetisie te vinde te wees nie.
REAKSIE
Namibië se afrigter Phil Davies, wat ook in 2015 aan die stuur was, is vandeesweek in Windhoek, maar was gister in vergaderings en kon nie vir kommentaar bereik word nie.
Die All Blacks se breier Steve Hansen het op 'n nuuskonferensie gesê: “Ons is geloot in 'n groep wat nogal sterk spanne het en dis oukei so. Ons ken Suid-Afrika goed en ons weet hulle sal taai wees.
“Italië is 'n span wat verbeter en ons weet nog nie wie die ander kwalifiseerders sal wees nie, maar ons kan aanvaar dat dit kompeterende spanne sal wees.
“Dis hoe dit is. Groep C is ewe moeilik. Om die beker te wen, sal jy by die moeilike spanne verby moet kom.”
'GUNSTIG' VIR BOKKE
Die Springbokke hoef nie in sak en as te sit oor die feit dat hulle die All Blacks in die groepfase van die Wêreldbekertoernooi in 2019 moet pak nie. Trouens, dis eintlik góéie nuus vir Suid-Afrikaanse rugby.
Dít was gister die algemene konsensus onder oud-Bokke.
“Jy speel liewer teen hulle (die All Blacks) in die groepfase as in 'n uitspeelwedstryd, want dan weet jy dat jy hulle eers weer in 'n moontlike eindstryd kan kry,” het Victor Matfield, gewese Bok-slot en 'n veteraan van vier WB-toernooie, gesê.
Volgens hom moet die Bokke net seker maak hulle klop Italië, sodat hulle van 'n plek in die kwarteindronde verseker is. Italië het natuurlik verlede jaar 'n skoksege oor Suid-Afrika behaal.
Sou Suid-Afrika die kwarteind haal, sal hy teen een van die twee voorste spanne in Groep A speel. Ierland, Skotland en Japan is die toplande wat in dié groep geloot is.
DIE WÊRELDBEKERGROEPE
GROEP A
Ierland, Skotland, Japan
Europa 1 (die voorste span uit die Europese Kampioenskap – Sesnasies-lande en Georgië uitgesluit)
Uitspeelwenner (die derde span uit Fidji, Samoa en Tonga speel teen die naasbeste span uit die Europese Kampioenskap om dit te bepaal).
GROEP B
Nieu-Seeland, Suid-Afrika, Italië
Afrika 1 (wenner van die Afrika-kampioenskap, Springbokke uitgesluit)
Beste verloorder (die vier bestes onder die verloorders in die kwalifiseringsproses van oor die wêreld heen speel in 'n toernooi teen mekaar om dit te bepaal).
GROEP C
Engeland, Frankryk, Argentinië
Amerikas 1 (die wenner van 'n uitspeelwedstryd tussen Amerika en Kanada).
Oseanië 2 (een van die twee beste spanne uit Fidji, Samoa en Tonga oor die gang van twee mini-toernooie in 2016 en vanjaar).
GROEP D
Australië, Wallis, Georgië
Oseanië 1 (een van die twee beste spanne uit Fidji, Samoa en Tonga oor die gang van twee mini-toernooie in 2016 en vanjaar).
Amerikas 2 (die verloorder tussen VSA en Kanada speel teen die naasbeste Suid-Amerikaanse span naas Argentinië om dit te bepaal).
Gister se amptelike loting in die gasheerland vir die 2019-skouspel, Japan, het die rugbywêreld aan die praat oor wat dit vir elke land se kanse op sukses beteken.
Die huidige Wêreldbeker-houer Nieu-Seeland, Suid-Afrika en Italië is die drie bevestigde spanne vir groep B van die toernooi. Afrika se topkwalifiseerder sal by hulle aansluit – hopelik Namibië, natuurlik – met die vyfde plek wat vir die Repechage-wenner bespreek is.
Laasgenoemde is gewoonlik die heel laaste kwalifiseerder, deur 'n minitoernooi tussen die beste geplaasde verloorders uit die vyf kwalifiserende streke van wêreldrugby (Europa, Oseanië, Afrika, Asië en die Amerikas).
Heelwat water moet nog in die see loop terwyl al hierdie streke se uitdunne bepaal word, maar 'n vroeë vooruitskatting is dat spanne soos Uruguay (Amerikas), Roemenië, Spanje of Rusland (Europa), Kenia of Zimbabwe (Afrika) hier betrokke kan wees.
Dit is nou tensy die derde span in die Pasifiese Beker (uit Tonga, Fidji en Samoa) dalk in 'n afsonderlike uitspeelwedstryd teen 'n Europese kwalifiseerder verloor om ook in hierdie Repechage-pot te beland. Die wenner van dié uitspeelwedstryd dring deur na Japan 2019.
Namibië het tevore teen feitlik al die genoemde lande gewen én verloor, behalwe Uruguay (een keer) en Tonga (twee keer) teen wie hy nog in elke vorige ontmoeting aan die verloorkant was.
Die beste nuus wat gister vir Namibië opgelewer het, is dat hy anders as ooit tevore in 'n Wêreldbeker-groep saam met die Repechage-kwalifiseerder geplaas is.
Dit het nie in 1999, 2003, 2007, 2011 óf 2011 se toernooie gebeur nie.
Uiteraard is die grootste opspraak gister gewek deur die nuus dat Nieu-Seeland en Suid-Afrika as aartsvyande in dieselfde groep beland het. Namibië was al tevore een keer elk saam met die All Blacks en Suid-Afrika gegroepeer en sal opnuut hierdie kans wil aangryp om soveel internasionale aandag as moontlik op die land en sy rugbyspelers te vestig.
Vier jaar gelede het Namibië hom in sy openingswedstryd in Londen baie goed teëgesit voordat die All Blacks met 58-14 gewen het.
In 2011 het Jacques Burger-hulle in Albany, Nieu-Seeland, eers in hul derde wedstryd die Springbokke getakel en het met 87-0 verloor.
KWALIFISERING IN 2018
Kenia, Zimbabwe en Senegal is die drie lande wat waarskynlik in Namibië se pad van regstreekse kwalifikasie staan.
Ietwat verrassend is dat die Wêreldbeker se kwalifiserende wedstryde in Afrika volgens die huidige skedulering vir Aprilmaand 2018 bestem is.
Die Namibië Rugby-unie sal glo egter binne die volgende maand die besluitnemers van Rugby Afrika probeer oortuig dat hierdie wedstryde soos gebruiklik gedurende die internasionale vensterperiode vir toetsrugby (Junie tot Augustus) gespeel moet word.
Die verskil is natuurlik dat nasionale spanne gedurende dié vensterperiode voorkeur kry om hul beste beroepspelers van enige plek in die wêreld te mag oproep – eerder as die klubs of unies wat dié manne betaal.
Polities gesproke veroorsaak Namibië se oorheersing van die kontinentale kompetisie vir die enkele beskikbare Wêreldbeker-plek (sedert 1999 het Namibië 'n monopolie hierop verwerf) soms 'n mate van wrewel onder sy uitdagers – spesifiek onder Afrika se Franssprekende lande.
Nogtans sal dit ondenkbaar wees dat volgende jaar se beslissende Wêreldbeker uitdunwedstryde nié in die internasionale vensterperiode gespeel word nie, wanneer elke land toegang tot sy beste spelers sal hê. Selfs Wêreldrugby as beheerliggaam behoort nie enigins vir so 'n afgewaterde kompetisie te vinde te wees nie.
REAKSIE
Namibië se afrigter Phil Davies, wat ook in 2015 aan die stuur was, is vandeesweek in Windhoek, maar was gister in vergaderings en kon nie vir kommentaar bereik word nie.
Die All Blacks se breier Steve Hansen het op 'n nuuskonferensie gesê: “Ons is geloot in 'n groep wat nogal sterk spanne het en dis oukei so. Ons ken Suid-Afrika goed en ons weet hulle sal taai wees.
“Italië is 'n span wat verbeter en ons weet nog nie wie die ander kwalifiseerders sal wees nie, maar ons kan aanvaar dat dit kompeterende spanne sal wees.
“Dis hoe dit is. Groep C is ewe moeilik. Om die beker te wen, sal jy by die moeilike spanne verby moet kom.”
'GUNSTIG' VIR BOKKE
Die Springbokke hoef nie in sak en as te sit oor die feit dat hulle die All Blacks in die groepfase van die Wêreldbekertoernooi in 2019 moet pak nie. Trouens, dis eintlik góéie nuus vir Suid-Afrikaanse rugby.
Dít was gister die algemene konsensus onder oud-Bokke.
“Jy speel liewer teen hulle (die All Blacks) in die groepfase as in 'n uitspeelwedstryd, want dan weet jy dat jy hulle eers weer in 'n moontlike eindstryd kan kry,” het Victor Matfield, gewese Bok-slot en 'n veteraan van vier WB-toernooie, gesê.
Volgens hom moet die Bokke net seker maak hulle klop Italië, sodat hulle van 'n plek in die kwarteindronde verseker is. Italië het natuurlik verlede jaar 'n skoksege oor Suid-Afrika behaal.
Sou Suid-Afrika die kwarteind haal, sal hy teen een van die twee voorste spanne in Groep A speel. Ierland, Skotland en Japan is die toplande wat in dié groep geloot is.
DIE WÊRELDBEKERGROEPE
GROEP A
Ierland, Skotland, Japan
Europa 1 (die voorste span uit die Europese Kampioenskap – Sesnasies-lande en Georgië uitgesluit)
Uitspeelwenner (die derde span uit Fidji, Samoa en Tonga speel teen die naasbeste span uit die Europese Kampioenskap om dit te bepaal).
GROEP B
Nieu-Seeland, Suid-Afrika, Italië
Afrika 1 (wenner van die Afrika-kampioenskap, Springbokke uitgesluit)
Beste verloorder (die vier bestes onder die verloorders in die kwalifiseringsproses van oor die wêreld heen speel in 'n toernooi teen mekaar om dit te bepaal).
GROEP C
Engeland, Frankryk, Argentinië
Amerikas 1 (die wenner van 'n uitspeelwedstryd tussen Amerika en Kanada).
Oseanië 2 (een van die twee beste spanne uit Fidji, Samoa en Tonga oor die gang van twee mini-toernooie in 2016 en vanjaar).
GROEP D
Australië, Wallis, Georgië
Oseanië 1 (een van die twee beste spanne uit Fidji, Samoa en Tonga oor die gang van twee mini-toernooie in 2016 en vanjaar).
Amerikas 2 (die verloorder tussen VSA en Kanada speel teen die naasbeste Suid-Amerikaanse span naas Argentinië om dit te bepaal).
Kommentaar
Republikein
Geen kommentaar is op hierdie artikel gelaat nie