Biden vars bries vir Afrika

Ronelle Rademeyer - Ontleders het gister saamgestem met aangewese president Joe Biden van die Demokratiese Party in die Withuis sal ’n vars bries deur Afrika waai wat betrekkinge met die wêreld se grootste moondheid betref.Daar word verwag Biden kan nuwe lewe blaas in die Amerikaanse wet op groei en geleenthede in Afrika (Agoa) wat heffingvrye handel met die VSA moontlik maak.Verder kan veral klimaatkwesbare lande soos Namibië in die lang termyn bevoordeel word deur Biden se onverskrokke klimaatsplan.Pres. Hage Geingob het Biden Saterdagaand gelukgewens minute nadat CNN aangekondig het laasgenoemde het die swaaistaat Pennsilvanië verower en sy getal stemme in die kieskollege tot 273 opgestoot. Pres. Donald Trump het 213 stemme in die kieskollege op hom verenig. Laasgenoemde het in ’n verklaring gesê Biden is nie die regmatige aangewese president nie en volgehou hy gaan ’n hofgeding oor die stemtellery aanhangig maak.Geingob het in sy gelukwensing gesê hy het Biden tydens die vryheidstryd leer ken “as ’n beginselvaste senator wat die stryd teen apartheid in Suid-Afrika en die streek gesteun het”. “Namibië sien daarna uit om met aangewese pres. Joe Biden saam te werk in die belang van sterkter bilaterale betrekkinge en ’n multilaterale orde wat hom vir ’n beter en regverdiger wêreld beywer.”AGOADr. Piet Croukamp, senior lektor in politieke studies en internasionale betrekkinge aan die Noordwes Universiteit in Suid-Afrika, verwag “‘n meer konstruktiewe en positiewer beleid teenoor Afrika”. “Biden het Afrika meer as een keer besoek en met baie Afrikaleiers vergader. Sy ingesteldheid teenoor Afrika is anders as dié van Trump wat maar ’n redelike xenofoob is en van niemand hou wat van ’n sogenaamde ‘sh*thole’-land af kom nie.”Hy sê onder Trump is Suid-Afrika byvoorbeeld op ’n “dophoulys” geplaas wat sy heffingvrye handelsbande onder die Agoa-ooreenkoms betref. “Boere veral moet baie bly wees Biden is die nuwe president, want dit kan landbou-uitvoere bevoordeel,” sê Croukamp.Namibië het in Februarie vanjaar die eerste Afrikaland geword wat vleis na die VSA uitvoer. Republikein was teenwoordig toe ’n besending voorkwartvleis onder die Agoa-ooreenkoms deur Meatco uitgevoer is om hoofsaaklik in die hamburgermark te gebruik.GOEIE BETREKKINGEProf. Nico Horn, politieke ontleder en grondwetkenner, het gister gesê Biden was betrokke by die Demokrate se destydse sanksieveldtog teen Suid-Afrika en hy het die buurland voor die beëindiging van apartheid as Amerikaanse senator besoek en sy steun aan die vryheidstryd gegee.“Verder het Al Gore, visepresident tydens die (Bill) Clinton-administrasie, Namibië kort ná onafafhanklikwordig besoek en die parlement toegespreek. Daar was dus van die begin af goeie betrekkinge tussen Namibië en die Demokrate.“Die huidige president het ons afgeskryf as ’n ‘shithole’ land en kon nie eens ons naam behoorlik uitspreek nie. (Trump het in 2017 na Namibië as Nambia verwys.) Biden sal baie meer simpatiek wees teenoor Afrikalande as Trump en die verwagting is ook dat die Agoa-wetgewing onder hom nuwe lewe sal kry,” meen Horn."Ons weet ook Biden is oor 'n redelike tydperk 'n groot ondersteuners van Doha-verklaring. Ons kan verwag dat hy en sy regering hard sal werk om Doha hoog op die internasionale- asook die VSA se ontwikkelingsagenda sal plaas," sê hy. Die verklaring is in 2001 tydens 'n vergadering van die Wêreldhandelsorganisasie aanvaar en was veronderstel om die voordele van globalisering na ontwikkelende lande uit te brei, hoofsaaklik deur landbousubsidies en -tariewe in die ontwikkelde lande te verminder.KLIMAATIn ’n oorwinningstoespraak Saterdagaand het Biden klimaatsverandering as een van sy belangrikste prioriteite as president geïdentifiseer en gesê Amerikaners moet die “kragte van die wetenskap” ontplooi in die stryd om die planeet red. The Washington Post het gister berig Biden sal tientalle omgewingsmaatreëls herstel wat Trump afgeskaf het en die omvangrykste klimaatsveranderingsplan in die geskiedenis van die Withuis van stapel gestuur het. Hoewel strawwe teenstand van die Republikeine in die Senaat verwag word, is die VSA onder Biden gereed om ’n 180-grade-ommeswaai op die klimaatveranderings- en bewaringsbeleid te maak.Een van die stappe wat hy gaan doen is om weer by die Parys-klimaatsooreenkoms aan te sluit.Beide Croukamp en Horn stem saam Namibië sal as klimaatkwesbare land by dié ommeswaai baat.EENHEID“Ek wil verenig en nie verdeel nie,” het Biden vroeg Sondagoggend (Namibiese tyd) in sy tuisstad Delaware, in die deelstaat Noord-Carolina, gesê.Hy het beloof om as die aangewese 46ste president van Amerika as ‘n Amerikaner te regeer, hoewel hy ‘n trotse Demokraat is. “Ek wil nie ’n blou (Demokratiese Party) staat of ’n rooi (Republikeinse Party) staat sien nie. Ek wil ’n Verenigde State van Amerika sien,” het Biden gesê.Hy sê hy wil hê die “siel van Amerika” moet herstel word en die wêreld moet weer respek vir die land kry. – ronelle@republikein.com.na

Biden vars bries vir Afrika

Kommentaar

Republikein 2026-06-19

Meld asseblief aan om kommentaar te lewer

Biden vars bries vir Afrika

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.