Beweerde gekonkel met nuwe kantore vir eerste minister

‘n Gekonkel in die ministerie van werke en vervoer het volgens die DTA daartoe gelei dat ‘n tender vir die bou van die kantoor van die eerste minister nou aan ‘n tenderaar toegeken is, wat nie deur die ministeriële tenderkomitee aanbeveel is nie.

27 July 2016 | Politiek
Estelle de Bruyn - Die president van die DTA en leier van die amptelike opposisie, mnr. McHenry Venaani, het ’n brief aan pres. Hage Geingob geskryf waarin oënskynlike onreëlmatighede met ’n tenderproses onder sy aandag gebring word.
In sy brief aan die president skryf Venaani: “Dit het as ’n verrassing vir my gekom toe ek kennis geneem het van onreëlmatighede in die ­toekenning van die tender vir die bou van die nuwe kantore van die eerste minister.
“Ek het in my besit amptelike dokumente wat aandui dat die ministe­riële tenderkomitee goedkeuring verleen en ’n aanbeveling gemaak het dat ’n tender aan ’n spesifieke maatskappy toegeken word wat nie net aan die kriteria voldoen het nie, maar ook die laagste getender het en dus die mees kostedoeltreffende en waarde vir geld verteenwoordig het.
“Desondanks het die permanente sekretaris van werke en vervoer, mnr. Willem Goeieman, aan die sekretaris van die tenderraad geskryf en versoek dat die toekenning van die tender ­teruggetrek word en aan ’n ander maatskappy, wat vir ’n hoër prys getender het, toegeken word,” lui Venaani se brief.
Geingob het deurlopend sedert hy aan bewind gekom het, die belangrikheid van deursigtigheid en aanspreeklikheid beklemtoon.
Meer onlangs met die opening van die Walvisbaai lughawe-eindpuntgebou het Geingob die belangrikheid van waarde vir geld vir die regering, kostedoeltreffendheid en regverdigheid in die openbare aanskaffingsproses benadruk.
Venaani sê Geingob het in die verlede daarop gewys dat die publiek vertroue in die openbare aanskaffingsprosesse verloor het en aangedui dat die regering die vertroue moet herstel.
“Wanneer ’n enkele individu eensydig die besluit van ’n ministeriële tenderkomitee van die tafel vee, ondermyn dit nie slegs die doel en funksie van daardie komitee nie, maar word die openbare vertroue in die tenderproses verder geskend,” sê Venaani.
Hy vind dit ook vreemd dat Goeieman die brief om die tender te keer op 15 Mei, ’n Sondag, geskryf het.
In Venaani se brief aan die president spreek hy ook sy kommer uit oor die wyse waarop die tenderproses deur onreëlmatighede ondergrawe word, wat strydig is met wat Geingob en ander lede van die Kabinet in die openbaar sê.
Venaani het op ’n mediakonferensie gister gesê die aanvanklike tender wat deur die ministeriële komitee toegeken is, was vir die bedrag van N$968 miljoen. Die ander tenderaar, wat volgens die dokumente in Venaani se besit, nie eens deur die tenderkomitee oorweeg is nie, was vir ’n miljard Namibiese dollar. Ná Goeieman se ingryping het die tweede tenderaar dadelik sy prys na N$850 miljoen verminder.
Hy is ook van mening dat aangesien die tenderproses ondermyn is, die tender opnuut uitgereik moes word en die tenderproses van vooraf moes begin om alle voornemende tenderaars ’n gelyke kans te bied.
Hy het die versekering gegee dat nóg hy nóg sy familie enige belang by die tender het, maar dat as leier van die amptelike opposisie dit sy plig is om hierdie voorvalle onder die staatshoof en die publiek se aandag te bring.
“Ons wil antwoorde van die president hê. Meestal as die opposisie met aantygings oor wanbestuur en ongerymdhede vorendag kom, vra die regering ‘waar is die bewyse.’ Ons het die dokumente om dit dié keer te bewys. Hoe kan die PS eensydig ’n besluit van die tenderkomitee omkeer?” wou Venaani weet.
Sy brief aan die president sal die stawende dokumentasie as aanhangsels bevat.

Soortgelyk

 

NSFAF sluit ooreenkoms met Bank Windhoek

1 uur gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

1 uur gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

2 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

13 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

13 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

13 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

13 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

13 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

13 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...