Bevorder erfenistoerisme, sê ministerie

Francoise Steynberg – 'n Nasionale strategie vir die volhoubare ontwikkeling van erfenistoerisme en werkskepping op gemeenskapsvlak sal Woensdag in die hoofstad van stapel gestuur word. Dit is 'n gesamentlike inisiatief van die ministeries van die omgewing, bosbou en toerisme en onderwys, kuns en kultuur en die Verenigde Nasies se Onderwys-, Wetenskap- en Kultuurorganisasie (Unesco).“Ons het 'n gesamentlike verantwoordelikheid om volhoubare kulturele toerisme in Namibië te bevorder. Die strategie is daarop gemik om verskeie ekonomiese strategieë in erfenistoerisme waar te neem sodat gemeenskappe uit hul erfenis kan baat,” sê die woordvoerder van die omgewingsministerie, mnr. Romeo Muyunda.“Ons wil volhoubare toerismepraktyke inspan om werkskepping en ekonomiese groei te bespoedig deur projekte vir erfenistoerisme op gemeenskapsvlak.”Muyunda sê die Namibiese regering waardeer die vennootskap met Unesco oor die jare en deur die ontwikkelingsdoelwitte word kultuur as ekonomiese drywer en volhoubare ontwikkeling gesien. “Rolspelers besef die belangrikheid om die rol van kulturele toerisme in die bevordering van die lewensbestaan op gemeenskapsvlak te hervorm en te herdefinieer,” het hy gesê. “Namibië het 'n rykdom van kulturele erfenis, maar sommige toeroperateurs fokus slegs op geskiedenis, erfenisgebiede en -geleenthede, maar 'n erfenistoerismeprogram is nog nie ontwikkel nie.” Muyunda sê in die nasionale strategie word planne voorgestel om Namibiese toerisme te versterk. “Toerisme is 'n belangrike sektor wat aansienlik werk skep en waardevolle buitelandse valuta vir die ekonomie genereer.”Hy sê die belangrikheid van gemeenskappe moet erken en versterk word in hul rol in kulturele toerisme vir ontwikkeling. “Met die uitdagings van die Covid-19-pandemie op internasionale toerisme, is dit onvermydelik dat Namibië sy plaaslike toerisme as alternatiewe inkomstebasis vir gemeenskappe by kulturele gebiede moet versterk,” beklemtoon die woordvoerder. - francoise@republikein.com.na

Bevorder erfenistoerisme, sê ministerie

Kommentaar

Republikein 2025-09-19

Meld asseblief aan om kommentaar te lewer

Bevorder erfenistoerisme, sê ministerie

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie