Bevestigde Covid-19-gevalle styg met 36 tot 1 402

Die minister van gesondheid en maatskaplike dienste (MoHSS) dr. Kalumbi Shangula sê die aantal bevestigde Covid-19-gevalle het met 36 tot 1 402 gestyg. Hiervan is 28 in Walvisbaai, vier in Swakopmund, drie in Windhoek en een in Lüderitz. Uit die 36 is 16 vroue en 20 mans.Die drie gevalle in die hoofstad is soos volg:Die eerste geval is 'n 45 jarige man van Otjiwarongo wat met openbare vervoer na Windhoek gereis het waar hy in die Windhoek Sentrale Hospitaal vir 'n chirurgiese prosedure opgeneem is. Hy is voor die operasie getoets en het geen simptome gehad nie.Die tweede geval is 'n 37-jarige vrou en inwoner van Walvisbaai wat na Windhoek verwys is en in die Katutura-hospitaal in 'n isolasiekamer opgeneem is. Sy is getoets en is terug Walvisbaai toe.Die derde geval is 'n 46-jarige man en inwoner van Goreangab wat op 20 Julie met Covid-19-verwante simptome 'n private dokter besoek het.Die geval in Lüderitz is 'n 39-jarige vrou van Rosh Pinah wat Covid-19-verwante simptome getoon het. Sy het geen reisgeskiedenis nie.Volgens dr. Shangula is 12 pasiënte in 'n Walvisbaaise hospitaal "uiters siek" en benodig suurstof.Hy sê nog sewe gevalle het ten volle herstel en wel 36, 44, 71, 192, 184, 185, 337. Die aantal aktiewe gevalle staan tans op 1 331, terwyl 64 mense herstel het. Tot op hede is 19 620 weefselmonsters getoets en is 660 mense tans in kwarantyn.

Bevestigde Covid-19-gevalle styg met 36 tot 1 402

Kommentaar

Republikein 2026-07-22

Meld asseblief aan om kommentaar te lewer

Bevestigde Covid-19-gevalle styg met 36 tot 1 402

Kommentaar

Republikein 2026-07-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.