BEVESTIG: Bokke speel nie vanjaar toetsrugby

Suid-Afrika, die wêreldkampioen, gaan nie aan vanjaar se Rugbykampioenskap deelneem nie.Die Suid-Afrikaanse Rugbyunie (Saru) het Vrydag in ’n verklaring gesê die Bokke word weens kommer oor “speler-welstand” uit die reeks onttrek omdat die verdedigende kampioen minder tyd gehad het om voor te berei as Nieu-Seeland en die gasheer, Australië.Die jaarlikse toernooi, wat Argentinië insluit, is reeds uitgestel weens die Covid-19-pandemie en word vir die eerste keer in een land aangebied.“Dit is baie teleurstellend vir ons ondersteuners en kommersiële vennote,” sê Jurie Roux, Saru se uitvoerende hoof, in ’n gesamentlike verklaring met Sanzaar.“Maar die blywende invloed van die pandemie beteken ons is nie in staat om ’n Springbokspan op die veld te stuur sonder om die spelers se welstand in die gedrang te bring nie – en dit is benewens ander logistieke uitdagings.”Dit sal die eerste keer wees sedert 1994 wat die Bokke nie in dieselfde jaar teen albei die All Blacks en Wallabies sal kragte meet nie.Die Rugbykampioenskap sal nou uit ses toetse bestaan en begin met die derde Bledisloebeker-wedstryd tussen die Aussies en die Kiwi’s op 31 Oktober in Sydney.Andy Marinos, Sanzaar se grootbaas, sê dit is “uiteraard verskriklik teleurstellend” dat die Bokke nie aan die Rugbykampioenskap kan deelneem nie.– Reuters, Netwerk24

BEVESTIG: Bokke speel nie vanjaar toetsrugby

Kommentaar

Republikein 2025-12-18

Meld asseblief aan om kommentaar te lewer

BEVESTIG: Bokke speel nie vanjaar toetsrugby

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.