Beter teen Nederland, maar vroue uitgeskakel
Vrouekrieket
Tielman van Lill - Namibië se senior nasionale vrouekrieketspan is gister in sy laaste groep B-wedstryd by Abroath, Skotland, by die Internasionale Krieketraad se kwalifiserende T20-Wêreldbekertoernooi deur Nederland met ses paaltjies verslaan.
Die Namibiërs onder kapteinskap van Yasmeen Khan kon ook nie een van hul vorige twee groepwedstryde teen die meer ervare Ierland óf Thailand wen nie.
Namibië, wat die loot gewen het, het sy hoogste kolftotaal van die toer opgestel (91/8) en hoewel hulle as boulspan ook vier paaltjies platgetrek het, het die Nederlanders die teiken ná net 17.1 boulbeurte bereik.
Namibië se staatmaker aanvangskolwer, Suné Wittmann, is vir 'n nulletjie met net die tweede bal uitgevang. Haar vennoot Adri van der Merwe trap egter vas en slaan 'n goeie 29 lopies (34 balle, 3x4). Saam met Petro Enright (12 van 26 b) neem hulle die telling tot op 42/2, maar toe verloor beide hul paaltjies met opeenvolgende balle.
Paaltjiewagter Kayleen Green (13 van 20 b, 1x4) en kaptein Yasmeen Kahn (16 van 20 b, 2x4) spook hard om die telbord weer aan die rol te kry, voordat die res van die kolflys ineenstort en net 14 lopies tussen vyf van hulle kan bemeester.
Wilka Mwatile (0 van 3 b) is gou uitgevang en Irené van Zyl (2 van 4 b) en Dietlind Foerster (2 van 4 b) het kort op haar spoor gevolg. Arrasta Diergaardt het met twee grenshoue haar spanmaats applous laat lewer, maar sy moes met 9 nie uit nie van 5 balle terugstap. Sylvia Shihepo was onoorwonne op 1 toe die toegelate 20 boulbeurte opgedroog het.
Mwatile is haar span se voorste bouler met 'n ekonomiese 3.33 lopies in drie boulbeurte waar sy twee paaltjies vir tien lopies opeis. Hamunyela (ekonomies met 3.25) in haar vier toegelate boulbeurte neem 1/13, terwyl Van Zyl die ander paaltjie vir sewe lopies met haar sewe aflewerings oes.
Shihepo het twee netjiese vangkanse benut om van Sterre Kalis (34 van 38 b, 5x4) en Denise van Deventer (11 van 21 b, 1x4) ontslae te raak. Green vang Babette de Leede, Nederland se paaltjiewagter en kolwer nommer drie, vir 8 lopies (19 b, 1x4).
Heather Siegers slaan 21 lopies van net 8 balle (5x4) en word deur Van der Merwe uitgevang voor sy verdere skade kon aanrig. Siegers was die speler van die wedstryd.
Namibië se vorige uitslae in sy groepwedstryde:
Namibië 83/9 (20 bb) Ierland 86/3 (14.3 bb). Ierland wen met sewe paaltjies.
Thailand 99/6 (20 bb) Namibië 61/10 (19.2 bb). Thailand wen met 38 lopies.
In 'n opwarmwedstryd voor die toernooi het Skotland (170/3 in 20 bb) vir Namibië (86/7 in 20 bb) met 84 lopies verslaan.
Twee uitspeelwedstryde bly vir die Namibiërs oor om hul finale posisie te bepaal.
Die Namibiërs onder kapteinskap van Yasmeen Khan kon ook nie een van hul vorige twee groepwedstryde teen die meer ervare Ierland óf Thailand wen nie.
Namibië, wat die loot gewen het, het sy hoogste kolftotaal van die toer opgestel (91/8) en hoewel hulle as boulspan ook vier paaltjies platgetrek het, het die Nederlanders die teiken ná net 17.1 boulbeurte bereik.
Namibië se staatmaker aanvangskolwer, Suné Wittmann, is vir 'n nulletjie met net die tweede bal uitgevang. Haar vennoot Adri van der Merwe trap egter vas en slaan 'n goeie 29 lopies (34 balle, 3x4). Saam met Petro Enright (12 van 26 b) neem hulle die telling tot op 42/2, maar toe verloor beide hul paaltjies met opeenvolgende balle.
Paaltjiewagter Kayleen Green (13 van 20 b, 1x4) en kaptein Yasmeen Kahn (16 van 20 b, 2x4) spook hard om die telbord weer aan die rol te kry, voordat die res van die kolflys ineenstort en net 14 lopies tussen vyf van hulle kan bemeester.
Wilka Mwatile (0 van 3 b) is gou uitgevang en Irené van Zyl (2 van 4 b) en Dietlind Foerster (2 van 4 b) het kort op haar spoor gevolg. Arrasta Diergaardt het met twee grenshoue haar spanmaats applous laat lewer, maar sy moes met 9 nie uit nie van 5 balle terugstap. Sylvia Shihepo was onoorwonne op 1 toe die toegelate 20 boulbeurte opgedroog het.
Mwatile is haar span se voorste bouler met 'n ekonomiese 3.33 lopies in drie boulbeurte waar sy twee paaltjies vir tien lopies opeis. Hamunyela (ekonomies met 3.25) in haar vier toegelate boulbeurte neem 1/13, terwyl Van Zyl die ander paaltjie vir sewe lopies met haar sewe aflewerings oes.
Shihepo het twee netjiese vangkanse benut om van Sterre Kalis (34 van 38 b, 5x4) en Denise van Deventer (11 van 21 b, 1x4) ontslae te raak. Green vang Babette de Leede, Nederland se paaltjiewagter en kolwer nommer drie, vir 8 lopies (19 b, 1x4).
Heather Siegers slaan 21 lopies van net 8 balle (5x4) en word deur Van der Merwe uitgevang voor sy verdere skade kon aanrig. Siegers was die speler van die wedstryd.
Namibië se vorige uitslae in sy groepwedstryde:
Namibië 83/9 (20 bb) Ierland 86/3 (14.3 bb). Ierland wen met sewe paaltjies.
Thailand 99/6 (20 bb) Namibië 61/10 (19.2 bb). Thailand wen met 38 lopies.
In 'n opwarmwedstryd voor die toernooi het Skotland (170/3 in 20 bb) vir Namibië (86/7 in 20 bb) met 84 lopies verslaan.
Twee uitspeelwedstryde bly vir die Namibiërs oor om hul finale posisie te bepaal.
Kommentaar
Republikein
Geen kommentaar is op hierdie artikel gelaat nie