Betaal munisipale rekeninge vroegtydig
Residensiële verbruikers kan betalingsooreenkomste vroegtydig met die munisipaliteit se rekeningafdeling tref.
Elvira Hattingh - Windhoekers wie se munisipale rekeninge teen 15 Desember langer as 30 dae agterstallig is, se dienste sal summier afgesny word.
Die munisipale woordvoerder, me. Lydia Amutenya, het Vrydag aan die media gesê residensiële kliënte moet hul munisipale rekeninge eerste stel om te voorkom dat dit afgesny word. Sy het ook gesê besighede word nie toegelaat om agterstallige rekeninge te hê nie.
“Residensiële kliënte kan ons rekeningafdeling besoek om alternatiewe reëlings vir die betaling van rekeninge te tref.
“Indien jou rekening vir die eerste keer afgesny word, moet ’n minimum van 33,33% betaal word voor ons dit weer aansluit. As dit die tweede keer is wat ons jou rekening afsny, moet jy 50% van jou uitstaande skuld vereffen.
“As jy ’n ooreenkoms vir die betaling van jou rekening getref het en dit nie nagekom het nie, moet ’n minimum van 50%, maar verkieslik die volle rekening, betaal word.”
Sy het gesê slegs eienaars van residensiële eiendomme kan betalingsooreenkomste met die munisipaliteit tref, nie huurders nie.
Sy het ook gesê geen ooreenkomste sal vir besighede getref word nie, omdat die verwagting is dat hul betalings op datum moet wees.
Sy het verder gesê die munisipaliteit benodig 48 werksure om afgesnyde rekeninge weer aan te sluit en het mense gewaarsku dit kan veral tyd neem om ’n rekening aan te sluit indien reëlings of betalings eers laat op Vrydae gedoen word.
Sy het verder gesê ’n werkwinkel genaamd “Ontdek Volhoubare Vervoer in Dorpsgebiede” word vir verskeie lande in Suider-Afrika tot Donderdag in Windhoek aangebied.
“Verteenwoordigers van onder meer Lusaka, Mzuzu, Lilongwe en Kaapstad deel hiertydens hul kennis en ervaring onder mekaar.
“Internasionale kenners soos dié van die Afrika Vervoer Beleidsprogram (SSATP), die Union Africaine des Transports Publics (UATP), asook WhereIsMyTransport sal ook steun tydens die werkwinkel bied.
“Werk aan spesifieke gevallestudies asook ’n opwindende toer deur Katutura sal die werkwinkel komplementeer. Die meesterplan vir volhoubare vervoer in Windhoek (SUTMP) sal ook tydens die werkwinkel gedeel word,” het Amutenya gesê.
Volgens haar is dit die eerste werkwinkel in sy soort wat in die streek aangebied word.
“Die streek staar groot uitdagings in die gesig as dit by die beweegbaarheid van burgers kom. Dikwels kan munisipale vervoerstelsels nie byhou as dit by kapasiteit, gehalte en betroubaarheid kom nie en mense skakel dan oor na private vervoer of informele dienste.
“Dit lei dikwels tot meer ongelukke, lugbesoedeling en groter onkoste vir huishoudings,” het sy gesê.
Die munisipale woordvoerder, me. Lydia Amutenya, het Vrydag aan die media gesê residensiële kliënte moet hul munisipale rekeninge eerste stel om te voorkom dat dit afgesny word. Sy het ook gesê besighede word nie toegelaat om agterstallige rekeninge te hê nie.
“Residensiële kliënte kan ons rekeningafdeling besoek om alternatiewe reëlings vir die betaling van rekeninge te tref.
“Indien jou rekening vir die eerste keer afgesny word, moet ’n minimum van 33,33% betaal word voor ons dit weer aansluit. As dit die tweede keer is wat ons jou rekening afsny, moet jy 50% van jou uitstaande skuld vereffen.
“As jy ’n ooreenkoms vir die betaling van jou rekening getref het en dit nie nagekom het nie, moet ’n minimum van 50%, maar verkieslik die volle rekening, betaal word.”
Sy het gesê slegs eienaars van residensiële eiendomme kan betalingsooreenkomste met die munisipaliteit tref, nie huurders nie.
Sy het ook gesê geen ooreenkomste sal vir besighede getref word nie, omdat die verwagting is dat hul betalings op datum moet wees.
Sy het verder gesê die munisipaliteit benodig 48 werksure om afgesnyde rekeninge weer aan te sluit en het mense gewaarsku dit kan veral tyd neem om ’n rekening aan te sluit indien reëlings of betalings eers laat op Vrydae gedoen word.
Sy het verder gesê ’n werkwinkel genaamd “Ontdek Volhoubare Vervoer in Dorpsgebiede” word vir verskeie lande in Suider-Afrika tot Donderdag in Windhoek aangebied.
“Verteenwoordigers van onder meer Lusaka, Mzuzu, Lilongwe en Kaapstad deel hiertydens hul kennis en ervaring onder mekaar.
“Internasionale kenners soos dié van die Afrika Vervoer Beleidsprogram (SSATP), die Union Africaine des Transports Publics (UATP), asook WhereIsMyTransport sal ook steun tydens die werkwinkel bied.
“Werk aan spesifieke gevallestudies asook ’n opwindende toer deur Katutura sal die werkwinkel komplementeer. Die meesterplan vir volhoubare vervoer in Windhoek (SUTMP) sal ook tydens die werkwinkel gedeel word,” het Amutenya gesê.
Volgens haar is dit die eerste werkwinkel in sy soort wat in die streek aangebied word.
“Die streek staar groot uitdagings in die gesig as dit by die beweegbaarheid van burgers kom. Dikwels kan munisipale vervoerstelsels nie byhou as dit by kapasiteit, gehalte en betroubaarheid kom nie en mense skakel dan oor na private vervoer of informele dienste.
“Dit lei dikwels tot meer ongelukke, lugbesoedeling en groter onkoste vir huishoudings,” het sy gesê.
Kommentaar
Republikein
Geen kommentaar is op hierdie artikel gelaat nie