Bestuurskole en bestuurstoetse

LEERLINGBESTUURDER SKRYF:Dit is goed om te hoor bestuurskole gaan geëvalueer gaan word. Tesame hiermee dink ek NaTIS moet ook na sy bestuurslisensie toets kyk.Ek het in Oktober begin om bestuurslesse te neem. Ek is huidig by my derde bestuurskool.By die eerste het die instrukteur in die tweede uur van my lesse geïrriteerd geraak en sy stem vir my verhef. Hou in gedagte dit was my tweede uur agter 'n motor se stuurwiel.Ek het die instrukteur ná die eerste uur se kamma-leer-bestuur ingelig ek moes letterlik als van die begin leer. M.a.w., wat natuurlik kom vir hom moet ek as leerling eers deurdink, sodat brein, hande en voete soos 'n geoliede masjien kan saamwerk. Dit vat tyd. Ek het ook genoem dat as leerling en kliënt ek geregtig is om foute te maak. Nie dat ek doelbewus foute gemaak het nie.Die gesprek was vergeefs, want die volgende dag het sy frustrasie weer uiting gekry. Ek het hom toe laat loop.Terug op Facebook vind ek 'n bestuurskool wat professioneel voorkom.Dit het goed gegaan vir 'n week, tot ek moes begin wag vir die instrukteur om op te daag. Later moes ek hom bel om te hoor of hy nog kom, net om te hoor: "Oh sorry sir, I have problems with the car." Twee dae daarna is die leersessies voortgesit tot ek weer moes bel om te hoor waar hy is. Ek het hom toe ook maar laat loop.Huidig leer ek met 'n kar waarvan die trurat soms sukkel om in plek te kom. Ek het besluit om maar by hierdie een te hou siende dat ek die kar gewoond is en graag volgende week wil gaan uitpasseer.Bestuurskole lyk verskriklik goed op Facebook tot jy sien die kar is baie oud en verwaarloos. Of die instrukteurs het nie 'n duidelike leerplan nie. Ek het een die instrukteur telke male gevra wat hy as maatstaf gebruik om my vordering na elke uur lange sessie te meet.Hoewel ek gedruip het (parallelparkering) sal dit na aanleiding van kritiek wat ek in die koerant gesien het oor toetsbeamptes, spesifiek op Rehoboth, nie reg wees om mnr. Goeieman te kritiseer nie. Hy moet eerder komplimente vir sy professionaliteit ontvang. Hy was deeglik, ingelig, geduldig en vriendelik en het al nege aspirantbestuurders wat die toets moes doen deurlopend gerus gestel. Hy het ons presies laat verstaan wat sy taak as toetsbeampte is en wat van ons as voornemende bestuurders verwag word.By bestuursole in Windhoek, ten minste die drie waar ek was, moes ek self navorsing doen of vra oor goed soos "emergency stop" en "three point turn" en dan was die antwoord: "Oh, that one?"Wat die bestaande NaTIS-toets betref, lyk dit of toetsbeamptes in sommige plekke se "mood" vasstel wat op daardie dag getoets gaan word, terwyl dit standaard moet wees reg oor Namibië. Ek hoor sommige toetsbeamptes "trick" jou om iets verkeerd te doen, byvoorbeeld om in 'n eenrigtingstraat op te ry. Of dit waar is, weet ek nie, maar dit kan 'n gevaarlike speletjie word.Ek kan nie help om te wonder of die kwaliteit van bestuurskole tesame met ander faktore nie ook iets te doen het met die hoë motorongeluksyfer in Namibië nie. Daar sal baie dieper gekyk moet word na kriteria om 'n bestuurslisensie te bekom, asook die vaardighede van aspirantbestuursinstrukteurs, bv. hoeveel jare die instrukteur al bestuur en of hy/sy enige verwante oortredings begaan het. Die instrukteur moet self deur 'n kwalifiseringsproses gaan voordat hy/sy 'n instrukteurslisensie ontvang.

Bestuurskole en bestuurstoetse

Kommentaar

Republikein 2025-07-08

Meld asseblief aan om kommentaar te lewer

Bestuurskole en bestuurstoetse

Kommentaar

Republikein 2025-07-08

Meld asseblief aan om kommentaar te lewer

MELD AAN

Advertensie