Beste whisky ter wêreld - vir net R250 ’n bottel
Saamgestel deur William Horne – ’n Supermark-whiskey het vanjaar die prys as beste Skotse whisky op die Wêreld Whiskey-kompetisie gewen – en dit kos net £13,49 (sowat R250) per bottel.
Die wenner is ’n agt jaar oue Skotse whisky-vermenging wat deur die Duitse supermarkgroep Lidl internasionaal verkoop word. Met sy billike prys en wye beskikbaarheid in supermarkte het die Queen Margot Blend 8 jaar oud ver bo sy vuurmaakplek presteer, berig MarketWatch.
Meer as 40 internasionale whisky-kenners het in Desember, Januarie en Februarie bymekaar gekom om dié gewilde spiritualieë in stede soos Tel Aviv, Melbourne en Edinburg te beoordeel.
Die Wêreld Whiskey-kompetisie word jaarliks in ’n paar stede wêreldwyd gehou waar die beoordelaars erkenning gee aan “die allerbeste in al die internasionale style van dié drank”, berig The Independent.
Die Queen Margot Blend het verskeie bekende handelsname in die bedryf, soos die gewilde Johnny Walker-reeks, getroef.
Lidl beskryf die whisky as “glad met ’n ryke soetheid en diepte van geur wat ’n warm, talmende nasmaak in die mond laat”. Die Queen Margot het ook geure van appelkoos en pruim om die whiskey-mengsel se kompleksiteit te komplementeer. – Netwerk24
Die wenner is ’n agt jaar oue Skotse whisky-vermenging wat deur die Duitse supermarkgroep Lidl internasionaal verkoop word. Met sy billike prys en wye beskikbaarheid in supermarkte het die Queen Margot Blend 8 jaar oud ver bo sy vuurmaakplek presteer, berig MarketWatch.
Meer as 40 internasionale whisky-kenners het in Desember, Januarie en Februarie bymekaar gekom om dié gewilde spiritualieë in stede soos Tel Aviv, Melbourne en Edinburg te beoordeel.
Die Wêreld Whiskey-kompetisie word jaarliks in ’n paar stede wêreldwyd gehou waar die beoordelaars erkenning gee aan “die allerbeste in al die internasionale style van dié drank”, berig The Independent.
Die Queen Margot Blend het verskeie bekende handelsname in die bedryf, soos die gewilde Johnny Walker-reeks, getroef.
Lidl beskryf die whisky as “glad met ’n ryke soetheid en diepte van geur wat ’n warm, talmende nasmaak in die mond laat”. Die Queen Margot het ook geure van appelkoos en pruim om die whiskey-mengsel se kompleksiteit te komplementeer. – Netwerk24
Kommentaar
Republikein
Geen kommentaar is op hierdie artikel gelaat nie