Bespaar water al is damvlakke op, vra Wes-Kaapse LUR

Malherbe Nienaber Die Wes-Kaap se gemiddelde damvlakke het Maandag tot bokant 35% gestyg, terwyl die vlak van die damstelsel wat aan Kaapstad lewer nou bo 40% staan.Luidens die departement van water en sanitasie (DWS) se syfers oor die jongste damvlakke het die provinsie se gemiddelde damvlak die afgelope week (van 31,5% af) tot 36,31% gestyg. Verlede jaar dié tyd was dit 22,85%.Kaapstad se damstelsel het ook tot 42,33% (37,8%) gestyg, terwyl die gemiddelde vlak verlede jaar nog 24,28% was.Intussen word ’n 60%-kans op reënbuie in Kaapstad en die Suidwes-Kaap vir vandag voorspel, terwyl daar ’n 30%-kans op reën oor die Wes-Kaap vir Vrydag bestaan.Anton Bredell, Wes-Kaapse LUR vir plaaslike regering, omgewingsake en ontwikkelingsbeplanning, het Maandag gesê die droogte is nog nie verby nie en dat die damvlakke – ondanks die laaste paar weke se reën – steeds “redelik laag” bly.Inwoners word gevra om aan te hou water te bespaar.“Die laer watergebruik wat ons die afgelope jaar gesien het, moet die ‘nuwe normaal’ word. Permanente verandering in ons gedrag om die beperkte hulpbronne volhoubaar aan te wend moet die nuwe norm word.”Daar is ’n 30%-kans op reënbuie in Oudtshoorn, Clanwilliam, Vredendal, Port Elizabeth, Plettenbergbaai, Port Alfred, Joubertina en Mthatha.’n 30%-kans op reën is ook vir Vrydag oor die grootste deel van die Wes-Kaap, sowel as ’n 30%-kans op reënbuie in Port Elizabeth, Plettenbergbaai en Joubertina voorspel. –Netwerk24

Bespaar water al is damvlakke op, vra Wes-Kaapse LUR

Kommentaar

Republikein 2025-07-16

Meld asseblief aan om kommentaar te lewer

Bespaar water al is damvlakke op, vra Wes-Kaapse LUR

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie