Beskuldigde in Westerkim-moordsaak op vlug

Jacqueline LouwDie 51-jarige mnr. August van Wyk, wat daarvan beskuldig word dat hy sy meisie in die Karasburg-distrik in Augustus 2014 vermoor het, het Maandag nie vir sy verhoor in die hoërhof in Windhoek opgedaag nie.Toe Van Wyk, wat op borgtog uit was, gister weer nie 'n verskyning in die hoërhof gemaak het nie, het regter Nate Ndauendapo beveel 'n lasbrief vir sy inhegtenisname moet uitgereik word. Indien Van Wyk nie binne 14 dae sy opwagting maak en 'n redelike verskoning vir sy afwesigheid aanbied nie, sal hy sy borggeld verbeur.Van Wyk staan tereg op klagte van moord, dwarsboming van die gereg, aanranding met die doel om ernstige liggaamlike leed te veroorsaak en aanranding.Dit is die staat se saak dat Van Wyk op 29 Augustus 2014 die plaaslike kroeg in Westerkim in die Karasburg-distrik saam met mee. Katrina Waterboer en Josephine Fredericks verlaat het. Na bewering het Fredericks voorgestel Waterboer en Van Wyk oornag by haar, waarop Van Wyk haar geklap het. Dít glo omdat Fredericks besluite namens hom wou neem.Van Wyk word daarvan beskuldig dat hy gedurende die nag van 29 Augustus 2014 of die vroeë oggendure van die volgende dag vir Waterboer aangerand het. Van Wyk en Waterboer was in 'n romantiese verhouding betrokke. Waterboer het na bewering aan die beserings wat sy gedurende die aanval opgedoen het, beswyk.Die staat beweer ook Van Wyk het sy eie bloedbevlekte klere en dié van Waterboer weggesteek en dit met vars klere vervang met die doel om die polisieondersoek in die wiele te ry.Mnr. Milton Engelbrecht verteenwoordig die beskuldigde terwyl mnr. Cliff Lutibezi namens die staat optree.

Beskuldigde in Westerkim-moordsaak op vlug

Kommentaar

Republikein 2025-06-18

Meld asseblief aan om kommentaar te lewer

Beskuldigde in Westerkim-moordsaak op vlug

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie