Beskuldigde getuig oor kind se dood
Die Outjo-man wat van die moord op sy meisie en haar seuntjie beskuldig word, het Dinsdag in die hof getuig.
Jacqueline Louw - Die 42-jarige mnr. Sageus Somaeb het Dinsdag voor regter Naomi Shivute in die hoërhof in Windhoek getuig.
Hy word beskuldig van die moord op 'n sesjarige seuntjie en sy ma.
Somaeb het getuig dat me. Charlote Gaingos (27), met wie hy in 'n romantiese verhouding was, se sesjarige seuntjie, Remember Gaingob, en sy driejarige sussie ('n kind uit die verhouding tussen Somaeb en Gaingos) in sy sorg gelaat is gedurende die nag van 15 tot 16 Mei 2013.
Hy het aan die hof vertel dat hy die kinders elk drie houe op hul boude met 'n plakkie gegee het omdat hulle stout was. Die twee het glo alleen die vorige dag van woonbuurt tot woonbuurt gestap op soek na hul ma. Die dogtertjie het die aand onophoudelik gehuil omdat sy na haar ma wou gaan, het hy gesê.
Somaeb het getuig dat Remember oor 'n bankie geval het en sy kop teen 'n muur gestamp het en later die aand van hoofpyn gekla het.
Hy het die kind medisyne gegee en hom in die bed gesit, het hy verder getuig. Die volgende oggend toe hy die seuntjie wou wakker maak, was die kind koud, het hy aan die hof vertel. Hy het ook getuig dat hy na die polisie gegaan het “omdat Charlote haar kinders so verlaat het”.
Op sy prokureur, mnr. Johan van Vuuren, se vraag of hy die seuntjie versmoor het, het Somaeb gesê: “Ek het daardie kind van 'n jong ouderdom af grootgemaak – hoekom sou ek so 'n ding doen? Ek ontken die moord.”
Somaeb staan tereg op twee klagte van moord, twee klagte van aanranding met die doel om ernstige
liggaamlike leed te veroorsaak, asook 'n klag van dwarsboming van die gereg.
Volgens die klagstaat is die twee slagoffers, Remember en sy ma, by twee verskillende geleenthede vermoor.
Remember is na bewering gedurende die nag van 15 tot 16 Mei 2013 deur die beskuldigde versmoor en Gaingos is glo twee maande later op 31 Julie 21 keer deur Somaeb met 'n mes gesteek. Somaeb was op borgtog uit toe hy na bewering vir Gaingos vermoor het.
Dit is die staat se saak dat die aanrandings die moorde voorafgegaan het.
Remember is op 23 Mei 2009, toe hy vier jaar oud was, glo deur Somaeb met 'n draad oor sy lyf geslaan. Dié saak is aan die polisie gerapporteer, maar Somaeb het met 'n waarskuwing weggekom.
Somaeb het na bewering vir Gaingos vroeg in 2013 met 'n klip gegooi wat een van haar ribbes gebreek het.
Hy het hierdie voorval Dinsdag ontken.
Die staat beweer ook dat Somaeb ná die beweerde moord op Remember die spore van die misdaad probeer wegsteek het deur stukke mat uit sy huis te verbrand en die toneel van die kind se dood op te ruim. Hy het ook hierdie aantygings ontken.
Die verhoor duur steeds voort.
Die staat word deur advokaat Simba Nduna verteenwoordig.
Hy word beskuldig van die moord op 'n sesjarige seuntjie en sy ma.
Somaeb het getuig dat me. Charlote Gaingos (27), met wie hy in 'n romantiese verhouding was, se sesjarige seuntjie, Remember Gaingob, en sy driejarige sussie ('n kind uit die verhouding tussen Somaeb en Gaingos) in sy sorg gelaat is gedurende die nag van 15 tot 16 Mei 2013.
Hy het aan die hof vertel dat hy die kinders elk drie houe op hul boude met 'n plakkie gegee het omdat hulle stout was. Die twee het glo alleen die vorige dag van woonbuurt tot woonbuurt gestap op soek na hul ma. Die dogtertjie het die aand onophoudelik gehuil omdat sy na haar ma wou gaan, het hy gesê.
Somaeb het getuig dat Remember oor 'n bankie geval het en sy kop teen 'n muur gestamp het en later die aand van hoofpyn gekla het.
Hy het die kind medisyne gegee en hom in die bed gesit, het hy verder getuig. Die volgende oggend toe hy die seuntjie wou wakker maak, was die kind koud, het hy aan die hof vertel. Hy het ook getuig dat hy na die polisie gegaan het “omdat Charlote haar kinders so verlaat het”.
Op sy prokureur, mnr. Johan van Vuuren, se vraag of hy die seuntjie versmoor het, het Somaeb gesê: “Ek het daardie kind van 'n jong ouderdom af grootgemaak – hoekom sou ek so 'n ding doen? Ek ontken die moord.”
Somaeb staan tereg op twee klagte van moord, twee klagte van aanranding met die doel om ernstige
liggaamlike leed te veroorsaak, asook 'n klag van dwarsboming van die gereg.
Volgens die klagstaat is die twee slagoffers, Remember en sy ma, by twee verskillende geleenthede vermoor.
Remember is na bewering gedurende die nag van 15 tot 16 Mei 2013 deur die beskuldigde versmoor en Gaingos is glo twee maande later op 31 Julie 21 keer deur Somaeb met 'n mes gesteek. Somaeb was op borgtog uit toe hy na bewering vir Gaingos vermoor het.
Dit is die staat se saak dat die aanrandings die moorde voorafgegaan het.
Remember is op 23 Mei 2009, toe hy vier jaar oud was, glo deur Somaeb met 'n draad oor sy lyf geslaan. Dié saak is aan die polisie gerapporteer, maar Somaeb het met 'n waarskuwing weggekom.
Somaeb het na bewering vir Gaingos vroeg in 2013 met 'n klip gegooi wat een van haar ribbes gebreek het.
Hy het hierdie voorval Dinsdag ontken.
Die staat beweer ook dat Somaeb ná die beweerde moord op Remember die spore van die misdaad probeer wegsteek het deur stukke mat uit sy huis te verbrand en die toneel van die kind se dood op te ruim. Hy het ook hierdie aantygings ontken.
Die verhoor duur steeds voort.
Die staat word deur advokaat Simba Nduna verteenwoordig.
Kommentaar
Republikein
Geen kommentaar is op hierdie artikel gelaat nie