Beskerming vir weerlose vroue

Die voorval waarin 'n jong vrou Woensdag in 'n bekende selfdienwinkel in Windhoek koelbloedig deur haar kêrel doodgeskiet is, plaas opnuut geslagsgeweld in die kalklig.As 'n jong student het 'n lewe vol belofte voor wyle me. Alina Kakehongo (24) oopgelê. Al die potensiaal is in 'n oogwink uitgeknikker deur Samuel Nghihepa, 'n 28-jarige sersant in die polisie se spesiale reserwemag, wat toe sy eie lewe voor omstanders geneem het.Kakehongo het die dag voor dit Nghihepa se doodsdreigemente aan die polisie gerapporteer. 'n Week voor dit was die mag al bewus dat sy in vrees gelewe het.Ontelbare vroue gaan deur hierdie vrees. Om 'n verhouding te beëindig vererger alleen dikwels die situasie.Verskeie kulturele en ander kopskuiwe is nodig om sulke situasies doeltreffender in ons gemeenskappe te hanteer en te ontlont.Dit is gepas dat die polisie ondersoek instel of enige nalatigheid 'n rol gespeel het. Die uitslag van die speurwerk sal glo volgende week met die publiek gedeel word.Selfs al het 'n hof 'n beskermingsbevel toegestaan, sou dit nie noodwendig hierdie tragedie – soos baie soortgelyke gevalle – verhoed het nie. Ander, komplimenterende meganismes is noodsaaklik.Een hiervan is toeganklike veilige hawes; instellings wat dun gesaai is en nie noodwendig optimaal funksioneer nie. 'n Ander is ondersteuningsnetwerke binne gemeenskappe wat vroue beter sal help beveilig.Alina se lot mag nie maar nog net 'n gruwel word waaruit ons niks leer nie. So sê ander30 Julie 2018 Kommentaar: Beeld, Die Burger en Volksblad sê Daar is talle perspektiewe waaruit na vandag se verkiesing in Zimbabwe gekyk kan word.Die verkiesing het die potensiaal om 'n nuwe orde in Zimbabwe in te lui.Vir die regerende Zanu-PF is dit 'n geleentheid om legitimiteit te gee aan die bewind van pres. Emmerson Mnangagwa. Die opposisie, aan die ander kant, veral die MDC-alliansie, beskou die verkiesing as 'n werklike kans om aan die bewind te kom.Onder Mugabe was Zimbabwe onherroeplik op pad na die afgrond.Ongeag wie die verkiesing wen, het die land nou die hoop dat 'n voorspoediger tydvak ingelui word. Maar die omvang van dié hoop moet nie oordryf word nie.'n Mens kan net hoop dat die streek hom nie hoef te staal vir 'n eskalasie van die krisis in Zimbabwe nie, maar dat die verkiesingsuitslag 'n nuwe hoofstuk van 'n vreedsame en voorspoedige orde inlui.• NETWERK24

Beskerming vir weerlose vroue

Kommentaar

Republikein 2026-03-04

Meld asseblief aan om kommentaar te lewer

Beskerming vir weerlose vroue

Kommentaar

Republikein 2026-03-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.