Beskerming van osoonlaag: 35ste jaar herdenk

16 September 2020 | Omgewing
Namibië gedenk vandag die 35ste Internasionale Dag vir die Bewaring van die Osoonlaag.


Volgens die direktoraat van nywerheidsontwikkeling se nasionale osoon-eenheid in die ministerie van nywerheidsontwikkeling en handel is die tema vir vanjaar “Ozone for life: 35 years of ozone layer protection”.

“Vanjaar word 35 jaar van die Weense Konvensie en 35 jaar van globale osoonlaagbeskerming gedenk. Lewe op aarde sou onmoontlik sonder sonlig wees,” lui die mediaverklaring.

“Die energie wat die son uitstraal, sou egter te veel wees vir lewe op aarde om te floreer as dit nie vir die osoonlaag was nie. Die stratosferiese laag beskerm die aarde teen die son se mees skadevolle ultravioletstrale.”

Volgens die verklaring het wetenskaplike in die laat 1970’s ontdek dat die mensdom ‘n gat in die osoonlaag veroorsaak het weens die gebruik van spuitkannetjies en verkoelingsapparate soos yskaste en lugverkoelers.

“’n Verswakte osoonlaag verhoog die voorkoms van velkanker, oogkatarakke, skade aan plante, gewasse en ontwrig ekostelsels.”

In 1985 het partye die Weense Konvensie vir die Beskerming van die Osoonlaag aanvaar. Onder dié konvensie se Montreal Protokol, het regerings met wetenskaplikes, nywerhede en verskillene bedrywe saamgewerk om 99% van die gebruik van produkte wat die osoonlaag beskadig, te staak.

Ter ondersteuning van dié protokol, het die Kigali-amendement in 2019 van krag geword wat daarna streef om kweekhuisgasse te verminder om klimaatsverandering hok te slaan.

Wêrelddag vir Osoon word jaarliks op 16 September gedenk as herinnering om die osoonlaag vir toekomstige geslagte te beskerm.

Foto ozone.unep.org

Soortgelyk

 

Woede kook oor by Ngoma

9 ure gelede | Misdaad

Augetto Graig – Regeringsafgevaardigdes het laat Saterdagmiddag hul hande vol gehad om gemoedere by die Ngoma-grenspos te kalmeer toe ’n skare woedende inwoners uit die...

Totsiens, Shannon

9 ure gelede | Mense

Leandrea Louw op Walvisbaai – Roubeklaers het Saterdag in groot getalle opgedaag om finaal van me. Shannon Wasserfall (21) op Walvisbaai afskeid te neem.Sy is...

Nuwe ruimte vir naslaan, leer en lees

9 ure gelede | Geskiedenis

'n Splinternuwe mediategnologie-biblioteek is nou oop vir die publiek by die hoofkantoor van Namibia Media Holdings in Windhoek.Die herontwerpte argief is Vrydag amptelik in gebruik...

Vermoedelike reeksverkragter slaan weer toe

9 ure gelede | Misdaad

Kuskantoor – Die polisie in die Erongostreek ondersoek 'n voorval waar ’n aanvaller by ’n vrou (28) se huis in Walvisbaai ingebreek het, haar met...

Namibië se eerste Supra-vrou gekroon

9 ure gelede | Mense

Ná maande van intense mededinging is die 23-jarige Chanique Rabe Saterdagaand as die eerste Mej. Supranational Namibië bekroon. Saam met dié gesogte titel stap sy...

Antigeen-toetse vir reisigers na SA beskikbaar

9 ure gelede | Gesondheid

Antigeen-toetse om die coronavirus op te spoor, is volgens die Suid-Afrikaanse regering se inligtingsdiens (GCIS) by alle grensposte na die land beskikbaar.Dié toetse, wat van...

Regeringsbestuur: 'Prentjie lyk stroef'

9 ure gelede | Regering

Denver Kisting 'n Herhaling van die Fishrot-skandaal, die beweerde grootskaalse kaping van Namibiese viskwotas wat die afgelope jaar opspraak wek en twee oudministers agter tralies...

Seun (5) met kanker se gesin vra hulp

9 ure gelede | Mense

Ester KamatiDie Labuschagne-gesin op Otjiwarongo het onlangs die ontstellende nuus ontvang dat die vyfjarige Zu-Andre kanker het. Die diagnose het gevolg nadat bloed vroeg...

Sprinkaanplaag: SADC vra steun

9 ure gelede | Landbou

Elvira Hattingh - Die Suider-Afrikaanse Ontwikkelingsgemeenskap (SADC) het gister ’n beroep gedoen op steun in die stryd teen Afrika treksprinkane. Dit volg nadat altesaam tien...