‘Beskerm ons’, vra verpleegsters
Sommige verpleegsters moet noodgedwonge soms ‘n weggooibare masker vir ’n week dra.
Henriette Lamprecht – Verblyf moet aan verpleegsters verskaf word wat tydens skofte in kontak met Covid-19-pasiënte was, om te verseker dat hulle die siekte nie onder familielede en lede van die gemeenskap versprei nie.
Die proses om voldoende persoonlike beskermende toerusting (PPE’s) aan alle gesondheidsgeriewe in die 14 streke van die land te versprei, moet ook bespoedig word.
Meer as 60 gesondheidswerkers in beide die private en openbare gesondheidsektor het sedert die aanvang van die Covid-19-pandemie in die land positief vir die siekte getoets.
Volgens mnr. Junias Shilunga, waarnemende sekretaris-generaal van die Namibiese Verpleegstersunie (Nanu), word verpleegsters toegelaat om steeds na hul huise en onderskeie gemeenskappe terug te keer ná skofte waartydens hulle in kontak met Covid-19-pasiënte was.
In die lig hiervan vra die unie die ministerie van gesondheid en maatskaplike dienste moet tydelike verblyf aan verpleegsters voorsien om te verseker dat hulle nie familielede en ook lede van die gemeenskap aan die siekte blootstel nie.
Met verwysing na die beskikbaarheid van PPE’s het hy gesê daar is tans nie genoeg by gesondheidsgeriewe oraloor die land beskikbaar nie.
“Die minister sê daar is genoeg, maar volgens die mense op die grond is die teendeel waar. Daar is sommige verpleegsters wat dieselfde weggooibare masker vir tot ’n week dra.”
Volgens Shilunga is dit veral die geval by gesondheidsgeriewe op die platteland en in landelike gebiede wat ’n tekort ondervind.
“Voorrade bereik nie hierdie gebiede nie, daarom moet die volgehoue verspreiding van PPE’s versnel word.”
Hy het ook verwys na mediese studente wat na hospitale uitgeplaas word, sonder dat voorsiening vir PPE’s gemaak word.
“Daar is net genoeg vir bestaande personeel by die hospitale. Wanneer studente uitgeplaas word, moet hulle ook beskerm word.”
Shilunga sê die unie het reeds met die uitvoerende direkteur in dié ministerie, mnr. Ben Nangombe, vergader om hul griewe te bespreek. ’n Versoek is ook gerig dat ’n verbod weer op die verkoop van alkohol midde die Covid-19-pandemie geplaas word.
“Hospitale is reeds oorweldig en dit gaan erger word soos meer mense positief toets. Ons het reeds nie goedtoegeruste hospitale om al die gevalle te hanteer nie. Alkoholverwante gevalle plaas net nog ’n las op hospitale wat reeds onder ’n tekort aan verpleegsters en toerusting ly.”
Die gesondheidsminister, dr. Kalumbi Shangula, het op sy beurt gesê die meeste gesondheidswerkers wat positief getoets het, het reeds herstel en is weer op hul pos. Op ’n vraag of die ministerie wat geteister word deur ’n tekort aan personeel veral nou in die lig van stygende Covid-19-gevalle nog personeel gaan aanstel, het Shangula gesê die ministerie is voortdurend besig om gesondheidswerkers te werf, veral omdat hulle bewus is sommige sal die siekte opdoen.
Volgens die minister word gesondheidswerkers wat positief getoets het volgens die gepaste protokol bestuur. Volgens hom is daar voldoende voorraad van PPE’s in die openbare gesondheidsektor. – [email protected]
Die proses om voldoende persoonlike beskermende toerusting (PPE’s) aan alle gesondheidsgeriewe in die 14 streke van die land te versprei, moet ook bespoedig word.
Meer as 60 gesondheidswerkers in beide die private en openbare gesondheidsektor het sedert die aanvang van die Covid-19-pandemie in die land positief vir die siekte getoets.
Volgens mnr. Junias Shilunga, waarnemende sekretaris-generaal van die Namibiese Verpleegstersunie (Nanu), word verpleegsters toegelaat om steeds na hul huise en onderskeie gemeenskappe terug te keer ná skofte waartydens hulle in kontak met Covid-19-pasiënte was.
In die lig hiervan vra die unie die ministerie van gesondheid en maatskaplike dienste moet tydelike verblyf aan verpleegsters voorsien om te verseker dat hulle nie familielede en ook lede van die gemeenskap aan die siekte blootstel nie.
Met verwysing na die beskikbaarheid van PPE’s het hy gesê daar is tans nie genoeg by gesondheidsgeriewe oraloor die land beskikbaar nie.
“Die minister sê daar is genoeg, maar volgens die mense op die grond is die teendeel waar. Daar is sommige verpleegsters wat dieselfde weggooibare masker vir tot ’n week dra.”
Volgens Shilunga is dit veral die geval by gesondheidsgeriewe op die platteland en in landelike gebiede wat ’n tekort ondervind.
“Voorrade bereik nie hierdie gebiede nie, daarom moet die volgehoue verspreiding van PPE’s versnel word.”
Hy het ook verwys na mediese studente wat na hospitale uitgeplaas word, sonder dat voorsiening vir PPE’s gemaak word.
“Daar is net genoeg vir bestaande personeel by die hospitale. Wanneer studente uitgeplaas word, moet hulle ook beskerm word.”
Shilunga sê die unie het reeds met die uitvoerende direkteur in dié ministerie, mnr. Ben Nangombe, vergader om hul griewe te bespreek. ’n Versoek is ook gerig dat ’n verbod weer op die verkoop van alkohol midde die Covid-19-pandemie geplaas word.
“Hospitale is reeds oorweldig en dit gaan erger word soos meer mense positief toets. Ons het reeds nie goedtoegeruste hospitale om al die gevalle te hanteer nie. Alkoholverwante gevalle plaas net nog ’n las op hospitale wat reeds onder ’n tekort aan verpleegsters en toerusting ly.”
Die gesondheidsminister, dr. Kalumbi Shangula, het op sy beurt gesê die meeste gesondheidswerkers wat positief getoets het, het reeds herstel en is weer op hul pos. Op ’n vraag of die ministerie wat geteister word deur ’n tekort aan personeel veral nou in die lig van stygende Covid-19-gevalle nog personeel gaan aanstel, het Shangula gesê die ministerie is voortdurend besig om gesondheidswerkers te werf, veral omdat hulle bewus is sommige sal die siekte opdoen.
Volgens die minister word gesondheidswerkers wat positief getoets het volgens die gepaste protokol bestuur. Volgens hom is daar voldoende voorraad van PPE’s in die openbare gesondheidsektor. – [email protected]
Kommentaar
Republikein
Geen kommentaar is op hierdie artikel gelaat nie