Besin goed oor kuberwet

Alle aspekte van die konsepwet oor elektroniese transaksies en kubermisdaad is natuurlik nie uit die bose nie. Daar word al vir jare aan hierdie wetgewing gewerk en in die inligtingseeu raak dit noodsaaklik om dit dringend deur te voer.Dit beteken nie die publiek en belanghebbendes moet die inhoud van die konsepwet baie krities bestudeer nie.Aan die positiewe kant is daar swaar strawwe vir kuberkrakers of ander wat elektroniese toerusting vir onderduimse doeleindes aanwend. Aanlyn gaan organisasies en individue aanspreeklik gehou word vir onbehoorlike uitlatings en beelde op die Internet en sosiale media.Spioenasie is een van die oudste bedrywighede in die wêreld.Vandag is die versameling van inligting nog belangriker weens misdaad en terreur. Om sekere dele van die wet ronduit as ‘n breë “spioenasieplan” af te maak, is daarom in opsigte oordrewe.Tog is dit belangrik dat organisasies, ondernemings en individue se regte op privaatheid, vryheid van uitdrukking en ander verskanste regte goed beskerm word. Anders sal daar geen veiligheid of vryheid wees nie.Die vraag is of die konsepwet voldoende beskerming bied – en of dit misbruike van meeluister- en ander magte tot gevolg kan hê. In die stryd teen misdaad en terreur moet sulke versoeke en ondersoeke vertroulik wees. Om die aap uit die mou te laat, sal geen doel dien nie.Steeds moet sulke magte optimaal met vryhede gebalanseer word.Opnuut is die sperdatum vir kommentaar (16 Junie) baie knap as dit by sulke gewigtige kwessies kom.So sê ander23 Mei 2017ANC is al wat glo meer magte hier sal probleme pakDie afgelope naweek het die ANC sy planne herbevestig dat meer magte aan die presidensie toegewys moet word.Dit sal ook meer magte insluit om ’n oorsigrol oor provinsies te speel. Volgens die ANC bring die “ingewikkelde vorm van regering oor drie regeringsvlakke en staatskorporasies” mee dat die presidensie die “strategiese sentrum van mag” moet wees.Die ANC se voorstel kom in ’n tyd dat die land se president ’n algehele geloofwaardigheidskrisis beleef weens die omvang van magsmisbruik, die ondermyning van die Grondwet en korrupsie. Dit wys hoe uit voeling die ANC met die gemoedstoestand in die land is.’n Groeiende deel van die bevolking is keelvol vir die manier waarop een man die land vir selfverryking as gyselaar aanhou. Gelukkig sal hulle die geleentheid kry om by die stembus daarop te reageer. - NETWERK24

Besin goed oor kuberwet

Kommentaar

Republikein 2026-02-03

Meld asseblief aan om kommentaar te lewer

Besin goed oor kuberwet

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.