Bernhard, Sacky uit
Denver Kisting – Die twee oudministers om wie se koppe ’n viskorrupsieskandaal losgebars het, is af van Swapo se Nasionale Vergadering(NV)-lys af.
In sy amptelike oorwinningstoespraak, wat gisteraand gelewer is, sê pres. Hage Geingob die Swapo-politburo het besluit om mnre. Bernhard Esau en Sacky Shanghala aan die NV te onttrek en hul name van die partylys te verwyder.
Esau was tot onlangs die minister van visserye en mariene hulpbronne, terwyl Shanghala die minister van justisie was.
Geingob sê oor die beweerde korrupsie in die visbedryf, waarin die oudministers sentrale figure is: “Korrupsie lei openbare hulpbronne wat vir ontwikkeling bedoel is weg, en ons verstaan daarom die woede wat baie Namibiërs uitgespreek het oor die voortgesette bewerings van korrupsie in die visbedryf.”
Hy het oor diegene wat op die partylys is en reeds aan ’n misdaad skuldig bevind is gesê die Grondwet verbied net mense om in die NV te dien indien hulle tronkstraf van ’n jaar sonder die opsie van ’n boete opgelê is.
“Ons sal aanhou om doeltreffende staatsbestuur te bevorder en sal ons mandaat uitvoer op die grondslag van verantwoordbaarheid, deursigtigheid, eerlikheid en toewyding,” sê die aangewese president in sy 12 bladsy lange rede.
Geingob gee toe verlede week se presidensiële en NV-verkiesings “het ’n nuwe hoofstuk binne die Namibiese politieke landskap ontsluit en die boodskap is duidelik”.
Die staatshoof en Swapo het tydens die afgelope verkiesings beduidend steun verloor.
Die president het hom gisteraand opnuut op inklusiwiteit beroep.
“Kom ons hou hande en trek in dieselfde rigting saam.”
Volgens hom verstaan Swapo die belangrikheid van die jeug se potensiaal.
Die regerende party, wat vir die eerste keer sy tweederdemeerderheid in die NV kwyt is, sal hom glo tydens die volgende vyf jaar veral op die jeug toespits.
Mnr. Austin Samupwa, die uitvoerende direkteur verbonde aan die kantoor van Swapo se sekretaris-generaal, het gisteraand by navraag gesê me. Anna Shiweda en mnr. Sebastian Karupu, onderskeidelik nommer 64 en 65 op Swapo se partylys, se name sal nou opgeskuif word.
- [email protected]
In sy amptelike oorwinningstoespraak, wat gisteraand gelewer is, sê pres. Hage Geingob die Swapo-politburo het besluit om mnre. Bernhard Esau en Sacky Shanghala aan die NV te onttrek en hul name van die partylys te verwyder.
Esau was tot onlangs die minister van visserye en mariene hulpbronne, terwyl Shanghala die minister van justisie was.
Geingob sê oor die beweerde korrupsie in die visbedryf, waarin die oudministers sentrale figure is: “Korrupsie lei openbare hulpbronne wat vir ontwikkeling bedoel is weg, en ons verstaan daarom die woede wat baie Namibiërs uitgespreek het oor die voortgesette bewerings van korrupsie in die visbedryf.”
Hy het oor diegene wat op die partylys is en reeds aan ’n misdaad skuldig bevind is gesê die Grondwet verbied net mense om in die NV te dien indien hulle tronkstraf van ’n jaar sonder die opsie van ’n boete opgelê is.
“Ons sal aanhou om doeltreffende staatsbestuur te bevorder en sal ons mandaat uitvoer op die grondslag van verantwoordbaarheid, deursigtigheid, eerlikheid en toewyding,” sê die aangewese president in sy 12 bladsy lange rede.
Geingob gee toe verlede week se presidensiële en NV-verkiesings “het ’n nuwe hoofstuk binne die Namibiese politieke landskap ontsluit en die boodskap is duidelik”.
Die staatshoof en Swapo het tydens die afgelope verkiesings beduidend steun verloor.
Die president het hom gisteraand opnuut op inklusiwiteit beroep.
“Kom ons hou hande en trek in dieselfde rigting saam.”
Volgens hom verstaan Swapo die belangrikheid van die jeug se potensiaal.
Die regerende party, wat vir die eerste keer sy tweederdemeerderheid in die NV kwyt is, sal hom glo tydens die volgende vyf jaar veral op die jeug toespits.
Mnr. Austin Samupwa, die uitvoerende direkteur verbonde aan die kantoor van Swapo se sekretaris-generaal, het gisteraand by navraag gesê me. Anna Shiweda en mnr. Sebastian Karupu, onderskeidelik nommer 64 en 65 op Swapo se partylys, se name sal nou opgeskuif word.
- [email protected]
Kommentaar
Republikein
Geen kommentaar is op hierdie artikel gelaat nie