Beplanning 101
RIKUS GROBLER SKRYF:
Ek weet nie of dit die National Planning Commission is of watter staatsdepartement verantwoordelik is vir die beplanning rondom Namibië se Covid-19-reaksie nie.
Ek is van opinie hulle kon beter ondersoek instel en leer wat in ander lande gebeur het, en verskillende scenarios, insluitende 'n “worst case scenario” geskep het.
Op grond van die verskillende scenarios kon gebeurlikheids- (contingency) planne geskep word, wat afgeskop kon word deur sekere merkers soos infeksiekoerse, hospitaalbesetting, medisynevlakke, doktersbesoeke, ens.
Die gebeurlikheidsplanne kon voorsiening maak vir leityd (lead times) en bottelnekke in voorsieningskettings (supply chains) om toerusting en voorraad te bestel, om kapasiteit te skep in terme van plek vir pasiënte, toerusting en menslike hulpbronne (gesondheidswerkers) en opleiding.
Dis Beplanning 101.
Ons het 'n jaar en 'n half gehad om dit te doen en kyk waar sit ons nou. Die sterftesyfer is totaal onaanvaarbaar.
Ons verloor kosbare Namibiërs; vriende, familie, en geliefdes. Onnodig.
Beter beplanning kon dit verhoed het of ten minste die impak versag het. Ons het baie kundige mense in Namibië wat kan help met hierdie tipe ontleding en beplanning. Die GRN kon hulp ingeroep het.
Miskien mis ek iets, maar daar moet ernstige vrae aan die GRN gevra word.
Ek weet nie of dit die National Planning Commission is of watter staatsdepartement verantwoordelik is vir die beplanning rondom Namibië se Covid-19-reaksie nie.
Ek is van opinie hulle kon beter ondersoek instel en leer wat in ander lande gebeur het, en verskillende scenarios, insluitende 'n “worst case scenario” geskep het.
Op grond van die verskillende scenarios kon gebeurlikheids- (contingency) planne geskep word, wat afgeskop kon word deur sekere merkers soos infeksiekoerse, hospitaalbesetting, medisynevlakke, doktersbesoeke, ens.
Die gebeurlikheidsplanne kon voorsiening maak vir leityd (lead times) en bottelnekke in voorsieningskettings (supply chains) om toerusting en voorraad te bestel, om kapasiteit te skep in terme van plek vir pasiënte, toerusting en menslike hulpbronne (gesondheidswerkers) en opleiding.
Dis Beplanning 101.
Ons het 'n jaar en 'n half gehad om dit te doen en kyk waar sit ons nou. Die sterftesyfer is totaal onaanvaarbaar.
Ons verloor kosbare Namibiërs; vriende, familie, en geliefdes. Onnodig.
Beter beplanning kon dit verhoed het of ten minste die impak versag het. Ons het baie kundige mense in Namibië wat kan help met hierdie tipe ontleding en beplanning. Die GRN kon hulp ingeroep het.
Miskien mis ek iets, maar daar moet ernstige vrae aan die GRN gevra word.
Kommentaar
Republikein
Geen kommentaar is op hierdie artikel gelaat nie