Beoordeling van tuinbouers begin

Groente- en vrugteprodusente in Namibië het in die 2015-2016 finansiële in weerwil van die droogte sowat 32 313 ton se produkte in die formele mark in die land verkoop, sê mnr. Christof Brock, hoof uitvoerende beampte van die Namibiese Akkerbouraad (NAB).'n Totaal van 73 439 ton vrugte en groente is in hierdie tyd op winkelrakke in die land van die hand gesit, waarvan sowat 44% plaaslike geproduseer is.Brock sê in 'n verklaring dit is 'n bewys van die veerkragtigheid en toewyding van die plaaslike groente- en vrugteboere.'n Dekade gelede het plaaslike verboude produkte 'n skrale 5% van die mark uitgemaak, sê hy.Dié inligting het aan die lig gekom tydens die bekendstelling van die Tuinbouer van die Jaar-kompetisie vir 2017, waarvan die inskrywings gister gesluit het.Hierdie jaarlikse kompetisie bekroon die beste grootskaalse produsent wat op landerye van 10 of meer hektaar groente en vrugte verbou, asook medium- en kleinskaalse produsente wat op onderskeidelik 3 tot 10 hektaar en minder as 3 hektaar boer.Verlede jaar met me. Laurentia Nakandanga van Kavango-Oos in die afdeling vir kleinskaalse boere gewen, met mnre. Andreas Ashimbanga (Omusati) en Jan Cronjé (Oshikoto) wat die afdelings vir medium- en grootskaalse produsente gewen het.Die NAB reguleer die tuinboubedryf in die land aan die hand van die Markaandeel-promosieskema (MSP). Daarvolgens moet handelaars eers 'n sekere hoeveelheid plaaslik verboude groente en vrugte aankoop voordat hulle mag aansoek doen vir permitte om produkte in te voer.Die beoordelaars wat die plase van die produsente wat ingeskryf het, sal besoek, bestaan uit lede van die NAB, die ministerie van landbou, water en bosbou, die Landboubemarkings- en handelsagentskap (Amta), Landbousake-ontwikkeling (Agribusdev) en wenners van vorige jare.

Beoordeling van tuinbouers begin

Kommentaar

Republikein 2026-08-12

Meld asseblief aan om kommentaar te lewer

Beoordeling van tuinbouers begin

Kommentaar

Republikein 2026-08-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.