Benghazi-parlement ondersteun einde van verenigde olie-plan
Verdeeldheid tussen Libië se oostelike parlement in Benghazi en die internasionaal erkende parlement in Tripoli dreig opnuut om die land se olieproduksie in die wiele te ry.
Libië se oostelike parlement het Woensdag gesê dit steun die beëindiging van 'n ooreenkoms om die land se nasionale oliekorporasie te verenig, 'n dag nadat oostelike magte belangrike oliehawens van opposisiefaksies herower het.
Die gevegte vir die beheer van hawens in Libië se oliehalfmaan, 'n kusstrook suidwes van Benghazi, het vrese laat ontstaan vir 'n toename in geweldpleging en 'n ommekeer van die Opec-land se pogings om sy olieproduksie te laat herleef.
'n Verklaring deur die oostelike parlement se energiekomitee raai die oostelike Libiese nasionale weermag (LNA) aan om die hawens Es Sider en Ras Lanuf te oorhandig sodra dit ten volle beveilig is, sonder om te sê aan wie dit gegee sou word.
Die LNA het oorspronklik Es Sider, Ras Lanuf en twee ander olieaanlegte in September ingeneem en dit aan die nasionale oliekorporasie (NOK) in Tripoli oorhandig.
Dit het daartoe gelei dat Libië se olieproduksie meer as verdubbel het.
Dit het gevolg nadat 'n ooreenkoms om te verenig in Julie 2016 tussen die Tripoli-NOK en die opposisie-NOK in die oostelike stad Benghazi bereik is.
Tot onlangse gevegte oor die hawens tussen die LNA en die Benghazi Verdedigingsbrigade (BDB), het die LNA olieuitvoere onder die gesag van Tripoli toegelaat, ondanks die feit dat 'n verenigingsooreenkoms vasgeval het.
Die parlement se verklaring saam met die onttrekking van die Benghazi-NOK uit die verenigingsooreenkoms, dui daarop dat die faksies in die ooste van die land hul spiere oor beheer van die hawens en ander olieaanlegte kan bult.
Voor die NOK-verenigingsooreenkoms is pogings deur die oostelike owerhede om olie-operasies onafhanklik van die Verenigde Nasies-gesteunde regering in Tripoli te bestuur, geblok deur internasionale sanksies wat steeds ingestel is.
- Nampa/Reuters
Die gevegte vir die beheer van hawens in Libië se oliehalfmaan, 'n kusstrook suidwes van Benghazi, het vrese laat ontstaan vir 'n toename in geweldpleging en 'n ommekeer van die Opec-land se pogings om sy olieproduksie te laat herleef.
'n Verklaring deur die oostelike parlement se energiekomitee raai die oostelike Libiese nasionale weermag (LNA) aan om die hawens Es Sider en Ras Lanuf te oorhandig sodra dit ten volle beveilig is, sonder om te sê aan wie dit gegee sou word.
Die LNA het oorspronklik Es Sider, Ras Lanuf en twee ander olieaanlegte in September ingeneem en dit aan die nasionale oliekorporasie (NOK) in Tripoli oorhandig.
Dit het daartoe gelei dat Libië se olieproduksie meer as verdubbel het.
Dit het gevolg nadat 'n ooreenkoms om te verenig in Julie 2016 tussen die Tripoli-NOK en die opposisie-NOK in die oostelike stad Benghazi bereik is.
Tot onlangse gevegte oor die hawens tussen die LNA en die Benghazi Verdedigingsbrigade (BDB), het die LNA olieuitvoere onder die gesag van Tripoli toegelaat, ondanks die feit dat 'n verenigingsooreenkoms vasgeval het.
Die parlement se verklaring saam met die onttrekking van die Benghazi-NOK uit die verenigingsooreenkoms, dui daarop dat die faksies in die ooste van die land hul spiere oor beheer van die hawens en ander olieaanlegte kan bult.
Voor die NOK-verenigingsooreenkoms is pogings deur die oostelike owerhede om olie-operasies onafhanklik van die Verenigde Nasies-gesteunde regering in Tripoli te bestuur, geblok deur internasionale sanksies wat steeds ingestel is.
- Nampa/Reuters
Kommentaar
Republikein
Geen kommentaar is op hierdie artikel gelaat nie