Belowende nuus vir 2020-'21-reënseisoen

Elvira Hattingh – Alhoewel baie min tot geen reën tydens die winter- en lentemaande vir Namibië voorspel word, meen 'n weerkenner goeie reënvooruitsigte bestaan vir die 2020-'21-seisoen.Dit is omdat La Niña-toestande glo dreig om te ontwikkel, gekoppel met 'n negatiewe Indiese Oseaan-dipool (IOD) – “wat 'n baie positiewe vooruitskouiing vir somerreën is,” sê mnr. Johan van den Berg, landbouweerkundige-konsultant by Santam Suid-Afrika.Van den Berg sê as daar na die geskiedenis gekyk word – toe soortgelyke weerstoestande ontstaan het – is bo-normale reënjare en selfs vloede ervaar. “Die jare toe beide 'n La Niña, asook 'n negatiewe IOD gevorm het, was 1974, 1989 en 2010,” sê hy.Die nuus is in Santam se reënvooruitskouiing bekend gemaak wat gister uitgereik is.EERS KOUEVan den Berg sê vir eers moet Namibiërs egter meer koue verwag. “Lae temperature, asook ryp kan in die tweede deel van Junie verwag word,” sê hy.Van den Berg sê die 2019-'20-seisoen word as 'n swak El Niño geklassifiseer, wat sedert November 'n houvas op weerstoestande gekry het.“Tans kom vinnige veranderinge egter in die Stille Oseaan se Niño-gebiede voor en word warmer water op die oppervlak vervang met water wat koeler as normaal is. Volgens voorspellings kan dit tot neutrale of La Niña-toestande lei. “Die moontlikheid is tans net 10% dat 'n El Niño weer gaan ontwikkel, volgens Amerika se Nasionale Oseaniese en Atmosferiese Administrasie (NOAA). “Neutrale toestande heers nou by alle Niño-gebiede en volgens voorspellings sal dit verder afkoel, hoewel wisselvallighede nog kan voorkom. “Ons sal meer sekerheid teen Augustus tot September hê,” het Van den Berg gesê. NEGATIEWE IODHy verduidelik die IOD was verlede jaar tussen Julie en Desember in 'n positiewe fase, wat ongunstig is vir reën in Suider-Afrika.Teen middel-Oktober verlede jaar het dit 'n piek van +2,1 °C bereik.“Daarna het dit egter na neutraal teruggekeer, wat 'n positiewe verwikkeling vir reënvooruitsigte was.“Alhoewel die Indiese Oseaan se oppervlaktemperatuur wisselvallig is, is daar aanduidings dat die IOD neutraal sal bly, of na 'n negatiewe fase sal beweeg,” het hy gesê. “Vier van die ses modelle wat deur die Australiese Buro vir Meteorologie gebruik word, dui aan die IOD sal teen Julie vanjaar negatiewe waardes bereik.”NOG KENNERSVan den Berg se analise stem ooreen met dié van Australiese kenners, wat sê globale weerstoestande kan vanaf die lente meer na La Niña-toestande neig. “Hoewel die uitkykstatus vir beide die IOD en die El Niño- Suidelike Ossilasieklimaatspatroon (Enso) tans neutraal is, dui sommige modelle daarop dat La Niña-toestande in die lente oor die Stille Oseaan kan vorm,” het die Australiese Buro vir Meteorologie in hul jongste uitkykstatus gesê. Die nieregeringorganisasie LandWater wat satellietbeelde wetenskaplik ontleed en bestudeer, het reeds in Desember 2019 gesê dat weertendense tóé al 'n aanduiding gegee het dat 'n La Niña dalk in 2020 kan vorm.– elvira@republikein.com.na

Belowende nuus vir 2020-'21-reënseisoen

Kommentaar

Republikein 2026-07-31

Meld asseblief aan om kommentaar te lewer

Belowende nuus vir 2020-'21-reënseisoen

Kommentaar

Republikein 2026-07-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.