Bellamy Brothers volgende maand in Namibië
Namibiërs, julle het ’n afspraak met die Bellamy Brothers op Vrydag 24 November in Windhoek wanneer hul Let your love flow-toer in Afrika begin. Lefra Produksies het pas aangekondig hulle bring die bekende Amerikaanse duo in November na Suid-Afrika en Namibië. Die twee is bekend vir goue oue, internasionale treffers soos “Let your love flow”, “If i said you have a beautiful body (would you hold it against me)”, asook “Crazy from the heart”. Die Suid-Afrikaanse countrysanger Jason Bradley sal die voorvertoning doen. Die duo sal ook op die volgende datums in Suid-Afrika optree: 25 November by die Bok Radio Voedselfees in Kaapstad, 26 November by Carnival City se Big Top Arena in Johannesburg en 29 November in Krugersdorp of Roodepoort. Besprekings kan by Computicket gedoen word. Groepe van meer as 10 mense kry afslag. Vir meer inligting, skakel Lefra Produksies by +2711 815 3000 of stuur ’n e-pos na [email protected]. Hou Kollig op Vrydae dop vir meer inligting.
Kommentaar
Republikein
Geen kommentaar is op hierdie artikel gelaat nie