Beleggers se geld syfer terug na Suid-Afrika

Ná byna drie maande van onverpoosde verkope keer buitelandse beleggers versigtig terug na Suid-Afrika se effektemark.Buitelanders was verlede week vir die tweede opeenvolgende week netto kopers van staatseffekte soos wat sentiment oor ontluikende markte verbeter en ook omdat inflasie in Suid-Afrika minder was as wat ontleders verwag het.Die invloei was klein – sowat R1,6 miljard sedert 9 Junie, vergeleke met byna R60 miljard se uitvloei in die tweede kwartaal, volgens JSE-data. Maar dit verteenwoordig 'n ommekeer ná 11 weke van uitvloei wat die gevolg is van 'n sterker dollar en stygende Amerikaanse rentekoerse.Die “stabilisering van sentiment” het in die meeste ontwikkelende lande 'n ommekeer meegebring, sê Richard Segal, 'n ontleder van Manulife Asset Management in Londen.“In Suid-Afrika was die laer as verwagte inflasiesyfers vir Junie 'n positiewe verrassing. “Indien die nuusvloei relatief stil bly, sal die invloei waarskynlik voortduur.”Die opbrengskoers wat beleggers in Suid-Afrika kan verdien, is steeds hoog genoeg om beleggers vir die onsekerheid in wêreldmarkte te vergoed. Onder die groot ontluikende lande bied slegs Brasilië en Turkye beter opbrengskoerse.Buitelanders het in Junie 40,2% van Suid-Afrikaanse staatseffekte in rand besit, vergeleke met 42,8% in Maart, volgens die tesourie.In dié tyd het die opbrengskoers met 0,85 van 'n persentasiepunt gestyg, maar dollarbeleggers het 17% verloor weens die sterker dollar.Net vir die afgelope kwartaal het staatseffekte 'n opbrengs van 3% opgelewer, die vierde beste uit 19 ontluikende lande. Argentinië, Brasilië en Mexiko lewer die hoogste opbrengskoers.Standard Bank voorspel dat staatseffekte wat in 2026 betaalbaar is, teen die einde van die jaar 'n jaaropbrengs van 8,3% sal oplewer, vergeleke met 8,75% Maandag. – Netwerk24/Bloomberg

Beleggers se geld syfer terug na Suid-Afrika

Kommentaar

Republikein 2025-06-26

Meld asseblief aan om kommentaar te lewer

Beleggers se geld syfer terug na Suid-Afrika

Kommentaar

Republikein 2025-06-26

Meld asseblief aan om kommentaar te lewer

MELD AAN

Advertensie