Bekende SA musiek ‘nie meer in Woolworths gespeel’

Nellie Brand-Jonker – As jy wonder hoekom jy nie bekende Suid-Afrikaanse musiek in ’n tak van Woolworths hoor nie, is dit omdat sy lisensie om plaaslike musiek in sy winkels te speel, einde Januarie al verstryk het.Woolworths is vanaf 18 Februarie aan die ontvangkant van ’n hutsmerk op Twitter #PlayOurMusicWoolies.Die plaaslike lisensiegewer van musiek wat in die openbaar gespeel mag word, soos in winkels of wat uitgesaai word op radio, Sampra, het op Twitter die aangeleentheid in ’n verklaring bekend gemaak.Sampra sê die kleinhandelaar het hom vandeesweek ingelig hy gaan nie meer van “kopiereg-beskermde musiek” in sy winkels gebruik maak nie.“Dit beteken in wese Suid-Afrikaanse kunstenaars gaan nie meer tantième vir die speel van hul musiek van die kleinhandelaar kry nie. Dit beteken ook Suid-Afrikaanse musiek gaan nie meer in enige Woolworths-winkel bevorder word nie.”Tiyani Maluleke, hoof van belangegroepe van Sampra, verwys in die verklaring daarna as ’n “sakestrategie” van Woolworths en dat hy nou ’n Europese musiekverskaffer gaan bevoordeel. Die naam van die Europese verskaffer word nie genoem nie.“Voorheen was alle Woolworths-winkels gelisensieer, wat beteken elke keer as ’n plaaslike liedjie gespeel word, die kunstenaar tantième verdien het.”Volgens Maluleke het Woolworths se musiekverskaffer Sampra verwittig die lisensie sal nie hernu word nie, omdat die groep nou tantième-vrye musiek gaan gebruik.Volgens Maluleke speel Woolworths nou reeds tantième-vrye musiek in sy winkels.Volgens haar het Woolworths Vrydag aangedui hulle wil ’n vergadering met Sampra oor die kwessie hê. “Ons hoop dit sal vinnig opgelos word.”Woolworths het in reaksie aan Netwerk24 gesê: “Ons hou van Suid-Afrikaanse musiek, soos wat ons vele vennootskappe oor die jare gewys het. Ons begin trouens volgende week nog ’n opwindende plaaslike musiekprojek met die Ndlovu-koor. Ons het nog altyd plaaslike musiek in ons winkels gespeel. Ons verskaffers het met Sampra onderhandel oor lisensiegeld vir ons winkels, en ons wag dat dit opgelos word.”Die rapper Tshegofatso Seroalo, oftewel Ginger Trill, het op Twitter gesê talle kunstenaars het die tantième-tjeks nodig. “Dit is so ’n belangrike deel van ons inkomste, dit hou die ligte aan in sommige gevalle en hierdie hele ding met Woolies gaan rampspoedig wees.”David Scott @TheKiffness, wat 10 900 volgelinge op Twitter het, meen Woolworths probeer redelik wees en Twitter-gebruikers raak te aggressief oor die kwessie. Hy meen die SAUK moet eerder die teiken wees omdat hulle vir jare lank al Sampra-musiek gratis speel. – Netwerk24

Bekende SA musiek ‘nie meer in Woolworths gespeel’

Kommentaar

Republikein 2025-11-05

Meld asseblief aan om kommentaar te lewer

Bekende SA musiek ‘nie meer in Woolworths gespeel’

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.