Bejaarde egpaar aangerand
Nóg 'n familie is die vorige dag by hul huis in Windhoek aangeval en gyselaar gehou.
Tanja Bause - Twee rowers het Woesdagnag die bejaarde Haussmann-egpaar vir ’n uur en half in hul huis in Van Collerstraat in Windhoek gevange gehou en aangerand.
Mnr. Bernhart Haussmann, ’n voormalige stadsingenieur van Windhoek wat vandeesweek 85 jaar oud word, en sy vrou, Heide (79), het om 22:00 by die huis aangekom en die twee mans in hul woning betrap.
“Ek het van die aanval Dinsdagnag op die mense in Olof Palmestraat gehoor en daar is gesê om nie teenstand teen rowers te bied nie. So, ek het maar net gestaan toe ek die twee gewaar,” het me. Haussmann gesê.
“Hulle het onmiddellik my huissleutel uit my hand gegryp. Toe het hulle my ringe en my horlosie gevat. Dit het vir my gevoel soos in die Tweede Wêreldoorlog toe die Russe by ons ingekom en ons horlosies gesteel het,” het me. Haussmann gesê wat destyds in Duitsland die oorlog beleef het.
Die rowers het haar na die slaapkamer geneem, op die bed gegooi en haar hande en voete met ’n kabel vasgebind.
Haar man het deur die motorhuis in die huis ingekom en net die een man gesien. Hy het ’n rower geklap, maar is deur hulle oorrompel en op die vloer voor die bed neergegooi. Hulle het sy skoene uitgetrek en sy hande en voete met sy skoenveters vasgebind terwyl hulle sy broeksakke leeggemaak het.
“My man het hardop die Onse Vader begin bid, want hy was bang dat hulle my sal verkrag. Ek het ook begin bid en die kleiner een van die twee mans het gesê ons moet stilbly, want hulle gaan niks aan ons doen nie,” het die vrou vertel.
Die egpaar het aanhou bid en die groter rower het vir mnr. Haussmann met ’n knuppel oor die kop geslaan.
“My gehoorapparaat het met die slag uitgeval. Hulle het my in my ribbes geskop terwyl ek vasgebind op die vloer gelê het,” het hy gesê.
Die rowers het mnr. Haussmann se voete losgemaak, hom opgetel en na die aangrensende slaapkamer gevat.
“Daar het hulle gevra waar die geld is, maar hulle het reeds die laai met die geld oopgemaak en dit gevat,” het mnr. Haussmann gesê. Die rowers wou weet waar die bankkaarte, selfone en kluis is. Hy het vir hulle gesê hulle besit nie bankkaarte, selfone of ’n kluis nie.
“Dit is toe dat die rowers my eers met die linker en toe met die regter op my oë slaan. Dit het gevoel asof ek in die bokskryt is. Ek het op die vloer neergeval en my neus het gebloei,” het hy gesê.
BEIDE VREESBEVANGE
Sy vrou het in die kamer langsaan gelê en die geluide gehoor en “ek het nie geweet wat hulle aan my man doen nie. Die vrees was onbeskryflik gewees”.
Sy kon haar haarself bevry en het gedink dat die mans weg is, maar toe sy uit die kamer kom, was die rowers nog besig om die huis te deursoek. Hulle het haar weer kamer toe gesleep en vasgebind – die keer met haar hande agter haar rug. Dit is ook toe dat sy ’n blou oog gekry het.
Ná sowat ’n uur en half kon mnr. Haussmann homself bevry.
“Ek het die honde hoor blaf en geweet hulle is weg. Ek het geroep, maar Heide het nie geantwoord nie en ek het gedink hulle het haar gyselaar geneem. Ek het ’n vriendin gebel en om hulp gevra.”
Intussen kon me. Haussmann haarself weer bevry.
“Ek het na Bernhart geroep en hy het nie geantwoord nie en ek het besluit om na die bure toe te gaan vir hulp. Ek het gedog hy is dood en ek wou nie alleen op sy lyk afkom nie.”
Sy het deur die tralies en oor ’n muur geklim om by die buurman om hulp te gaan aanklop.
Die rowers het onder meer met vleis, drank, klere, ’n TV, kontant, die voertuigsleutels en komberse weggekom.
NÓG AANVALLE IN HOOFSTAD
Dinsdagaand het drie mans ’n familie in Olof Palmestraat in Eros by hul huis aangeval en aangerand.
Die mans het glo uit die berge agter Hotel Thule gekom en tydens die dag die boonste stuk van die muur agter ’n bos verwyder.
“Die man en vrou het na 19:00 by die huis aangekom en toe die vrou die voordeur wou oopsluit, het drie mans op haar afgestorm en haar begin slaan. Die man het haar te hulp gesnel en is ook geslaan,” het mnr. Jens Schneider van die buurtwag gesê.
“Hul seun wat in die agterkamer woon, het hulle hoor skree en gaan help. Hy het een van die aanvallers aangeval, maar was nie bewus dat daar nóg twee was. Hulle het hom baie erg met ’n bandligter geslaan.”
Die drie rowers het die familie in die huis met draad vasgebind wat hulle saamgebring het. Hulle het toe vir langer as ’n uur die huis deursoek en goedere in ’n voertuig gelaai. Dieselfde voertuig is later verlate in Katutura gevind.
Donderdag is twee toeriste deur vier mans in ’n wit sedanvoertuig in Suiderhof beroof, het ’n ooggetuie gesê.
“Twee van die rowers was gewapen met messe. Hulle het die toeriste – ’n man en ’n vrou – aangerand en hul sak met paspoorte gesteel. Die toeriste was blykbaar besig om hul huurmotor af te gee omdat hulle Donderdag sou huis toe vlieg.”
Mnr. Bernhart Haussmann, ’n voormalige stadsingenieur van Windhoek wat vandeesweek 85 jaar oud word, en sy vrou, Heide (79), het om 22:00 by die huis aangekom en die twee mans in hul woning betrap.
“Ek het van die aanval Dinsdagnag op die mense in Olof Palmestraat gehoor en daar is gesê om nie teenstand teen rowers te bied nie. So, ek het maar net gestaan toe ek die twee gewaar,” het me. Haussmann gesê.
“Hulle het onmiddellik my huissleutel uit my hand gegryp. Toe het hulle my ringe en my horlosie gevat. Dit het vir my gevoel soos in die Tweede Wêreldoorlog toe die Russe by ons ingekom en ons horlosies gesteel het,” het me. Haussmann gesê wat destyds in Duitsland die oorlog beleef het.
Die rowers het haar na die slaapkamer geneem, op die bed gegooi en haar hande en voete met ’n kabel vasgebind.
Haar man het deur die motorhuis in die huis ingekom en net die een man gesien. Hy het ’n rower geklap, maar is deur hulle oorrompel en op die vloer voor die bed neergegooi. Hulle het sy skoene uitgetrek en sy hande en voete met sy skoenveters vasgebind terwyl hulle sy broeksakke leeggemaak het.
“My man het hardop die Onse Vader begin bid, want hy was bang dat hulle my sal verkrag. Ek het ook begin bid en die kleiner een van die twee mans het gesê ons moet stilbly, want hulle gaan niks aan ons doen nie,” het die vrou vertel.
Die egpaar het aanhou bid en die groter rower het vir mnr. Haussmann met ’n knuppel oor die kop geslaan.
“My gehoorapparaat het met die slag uitgeval. Hulle het my in my ribbes geskop terwyl ek vasgebind op die vloer gelê het,” het hy gesê.
Die rowers het mnr. Haussmann se voete losgemaak, hom opgetel en na die aangrensende slaapkamer gevat.
“Daar het hulle gevra waar die geld is, maar hulle het reeds die laai met die geld oopgemaak en dit gevat,” het mnr. Haussmann gesê. Die rowers wou weet waar die bankkaarte, selfone en kluis is. Hy het vir hulle gesê hulle besit nie bankkaarte, selfone of ’n kluis nie.
“Dit is toe dat die rowers my eers met die linker en toe met die regter op my oë slaan. Dit het gevoel asof ek in die bokskryt is. Ek het op die vloer neergeval en my neus het gebloei,” het hy gesê.
BEIDE VREESBEVANGE
Sy vrou het in die kamer langsaan gelê en die geluide gehoor en “ek het nie geweet wat hulle aan my man doen nie. Die vrees was onbeskryflik gewees”.
Sy kon haar haarself bevry en het gedink dat die mans weg is, maar toe sy uit die kamer kom, was die rowers nog besig om die huis te deursoek. Hulle het haar weer kamer toe gesleep en vasgebind – die keer met haar hande agter haar rug. Dit is ook toe dat sy ’n blou oog gekry het.
Ná sowat ’n uur en half kon mnr. Haussmann homself bevry.
“Ek het die honde hoor blaf en geweet hulle is weg. Ek het geroep, maar Heide het nie geantwoord nie en ek het gedink hulle het haar gyselaar geneem. Ek het ’n vriendin gebel en om hulp gevra.”
Intussen kon me. Haussmann haarself weer bevry.
“Ek het na Bernhart geroep en hy het nie geantwoord nie en ek het besluit om na die bure toe te gaan vir hulp. Ek het gedog hy is dood en ek wou nie alleen op sy lyk afkom nie.”
Sy het deur die tralies en oor ’n muur geklim om by die buurman om hulp te gaan aanklop.
Die rowers het onder meer met vleis, drank, klere, ’n TV, kontant, die voertuigsleutels en komberse weggekom.
NÓG AANVALLE IN HOOFSTAD
Dinsdagaand het drie mans ’n familie in Olof Palmestraat in Eros by hul huis aangeval en aangerand.
Die mans het glo uit die berge agter Hotel Thule gekom en tydens die dag die boonste stuk van die muur agter ’n bos verwyder.
“Die man en vrou het na 19:00 by die huis aangekom en toe die vrou die voordeur wou oopsluit, het drie mans op haar afgestorm en haar begin slaan. Die man het haar te hulp gesnel en is ook geslaan,” het mnr. Jens Schneider van die buurtwag gesê.
“Hul seun wat in die agterkamer woon, het hulle hoor skree en gaan help. Hy het een van die aanvallers aangeval, maar was nie bewus dat daar nóg twee was. Hulle het hom baie erg met ’n bandligter geslaan.”
Die drie rowers het die familie in die huis met draad vasgebind wat hulle saamgebring het. Hulle het toe vir langer as ’n uur die huis deursoek en goedere in ’n voertuig gelaai. Dieselfde voertuig is later verlate in Katutura gevind.
Donderdag is twee toeriste deur vier mans in ’n wit sedanvoertuig in Suiderhof beroof, het ’n ooggetuie gesê.
“Twee van die rowers was gewapen met messe. Hulle het die toeriste – ’n man en ’n vrou – aangerand en hul sak met paspoorte gesteel. Die toeriste was blykbaar besig om hul huurmotor af te gee omdat hulle Donderdag sou huis toe vlieg.”
Kommentaar
Republikein
Geen kommentaar is op hierdie artikel gelaat nie