BCG-entstof beskerm dalk teen Covid-19
Die entstof wat Namibiese babas teen tuberkulose kry, kan die land dalk teen die coronavirus beskerm.
Ronelle Rademeyer - ’n Studie deur die New York Instituut vir Tegnologie toon lande soos Namibië wat as deel van hul nasionale inentingsprogram Bacillus Calmette–Guérin (BCG)-entstof teen tuberkulose aan babas gee, vaar beter in die stryd teen Covid-19.
Namibië se nasionale immunisasieskedule skryf voor dat babas kort na geboorte met BCG ingeënt word.
Die hoofnavorser, dr. Gonzalo Otazu, sê in ’n voorlopige studie wat deur medRvix gepubliseer is “Covid-19 het na die meeste lande in die wêreld versprei”, en “raaiselagtig is die impak van die siekte verskillend in verskillende lande”.
Hy sê ofskoon die verskil in impak tussen lande toegeskryf kan word aan “verskillende kulturele norme, versagtingsmaatreëls en gesondheidsinfrastruktuur”, kan dit ook “gedeeltelik verduidelik word deur die verskillende nasionale beleide oor BCG-kinderimmunisering”.
Dit blyk dié entstof bied breë beskerming teen respiratoriese infeksies. Volgens die navorsers het hulle verskeie lande se BCG-immuniseringsbeleide met die Covid-19-infeksiekoers and -sterftesyfer vergelyk.
Italië en die VSA, hoë-inkomstelande met groot getalle Covid-19-infeksies, skryf BCG-inenting slegs voor aan mense wat ‘n hoë risiko het om tuberkulose op te doen, berig Bloomberg. Duitsland, Spanje, Frankryk en Brittanje het beleide gehad wat BCG-inentings voorskryf, maar het dit jare tot dekades gelede laat vaar.
China se beleid hieroor is voor 1976 nie goed uitgevoer nie, terwyl dit lande soos Japan en Suid-Korea se beleid is dat almal die BCG-inenting kry. Laasgenoemde lande slaag goed daarin om die virussiekte te bekamp.
Die Wêreldgesondheidsorganisasie (WHO) sê meer kliniese toetse is nodig om te bepaal of BCG-entstof inderdaad kan keer dat mense wat met die coronavirus besmet word, ernstig siek word, berig Bloomberg.
Die WHO moedig internasionale instansies aan om betrokke te raak by ’n studie onder leiding van dr. Nigel Curtis, hoof van navorsing oor aansteeklike siektes by die Murdoch Kindernavorsingsinstituut in Melbourne, Australië.
Australië, wat reeds vir bykans 100 jaar hierdie entstof gebruik, het 4 000 gesondheidswerkers daarmee ingeënt om te sien of dit hulle beskerm.
Volgens Bloomberg, het Nederland en ander stede in Australië, asook Boston in Amerika dieselfde gedoen.
“Ons sou dit nie gedoen het as ons nie gedink het dit kan werk nie,” het Curtis gesê.
Volgens hom kan hulle nie waarborg dit gaan die nodige beskerming bied nie, maar dat hierdie proefneming die enigste manier is om vas te stel of dit werk, berig Bloomberg.
Dr. Norbert Forster, voormalige adjunk- permanente sekretaris van gesondheid en maatskaplike dienste en algemene praktisyn, sê Namibië dien reeds van lank voor onafhanklikwording BCG-inentings aan babas toe.
Volgens die WHO is BCG sedert 1973 deel van Suid-Afrika se immuniseringskedule. Die beleid is ook in Suidwes-Afrika toegepas toe dit nog deur Suid-Afrika geadministreer is.
- [email protected]
Namibië se nasionale immunisasieskedule skryf voor dat babas kort na geboorte met BCG ingeënt word.
Die hoofnavorser, dr. Gonzalo Otazu, sê in ’n voorlopige studie wat deur medRvix gepubliseer is “Covid-19 het na die meeste lande in die wêreld versprei”, en “raaiselagtig is die impak van die siekte verskillend in verskillende lande”.
Hy sê ofskoon die verskil in impak tussen lande toegeskryf kan word aan “verskillende kulturele norme, versagtingsmaatreëls en gesondheidsinfrastruktuur”, kan dit ook “gedeeltelik verduidelik word deur die verskillende nasionale beleide oor BCG-kinderimmunisering”.
Dit blyk dié entstof bied breë beskerming teen respiratoriese infeksies. Volgens die navorsers het hulle verskeie lande se BCG-immuniseringsbeleide met die Covid-19-infeksiekoers and -sterftesyfer vergelyk.
Italië en die VSA, hoë-inkomstelande met groot getalle Covid-19-infeksies, skryf BCG-inenting slegs voor aan mense wat ‘n hoë risiko het om tuberkulose op te doen, berig Bloomberg. Duitsland, Spanje, Frankryk en Brittanje het beleide gehad wat BCG-inentings voorskryf, maar het dit jare tot dekades gelede laat vaar.
China se beleid hieroor is voor 1976 nie goed uitgevoer nie, terwyl dit lande soos Japan en Suid-Korea se beleid is dat almal die BCG-inenting kry. Laasgenoemde lande slaag goed daarin om die virussiekte te bekamp.
Die Wêreldgesondheidsorganisasie (WHO) sê meer kliniese toetse is nodig om te bepaal of BCG-entstof inderdaad kan keer dat mense wat met die coronavirus besmet word, ernstig siek word, berig Bloomberg.
Die WHO moedig internasionale instansies aan om betrokke te raak by ’n studie onder leiding van dr. Nigel Curtis, hoof van navorsing oor aansteeklike siektes by die Murdoch Kindernavorsingsinstituut in Melbourne, Australië.
Australië, wat reeds vir bykans 100 jaar hierdie entstof gebruik, het 4 000 gesondheidswerkers daarmee ingeënt om te sien of dit hulle beskerm.
Volgens Bloomberg, het Nederland en ander stede in Australië, asook Boston in Amerika dieselfde gedoen.
“Ons sou dit nie gedoen het as ons nie gedink het dit kan werk nie,” het Curtis gesê.
Volgens hom kan hulle nie waarborg dit gaan die nodige beskerming bied nie, maar dat hierdie proefneming die enigste manier is om vas te stel of dit werk, berig Bloomberg.
Dr. Norbert Forster, voormalige adjunk- permanente sekretaris van gesondheid en maatskaplike dienste en algemene praktisyn, sê Namibië dien reeds van lank voor onafhanklikwording BCG-inentings aan babas toe.
Volgens die WHO is BCG sedert 1973 deel van Suid-Afrika se immuniseringskedule. Die beleid is ook in Suidwes-Afrika toegepas toe dit nog deur Suid-Afrika geadministreer is.
- [email protected]
Kommentaar
Republikein
Geen kommentaar is op hierdie artikel gelaat nie