Baskiese hoender

Bestanddele:

30 ml olyfolie

8 repe spek

4 elk hoenderboudjies en -dytjies

'n knippie rissiepoeier

1 geel of rooi soetrissie, in repies gesny

3 takkies tiemie 1 blik (400g) gekapte tamaties

30 ml gekapte platblaarpietersielie

Metode:

1. Verhit die olyfolie in ’n swaarboomkastrol en braai die spek tot bros. Skep uit en braai nou die hoender in dieselfde pan tot oraloor mooi bruin.

2. Geur die hoender na smaak met sout, peper en rissiepoeier. Voeg die soetrissie by en braai ’n paar minute.

3. Skep die spek terug in die pan, voeg die tiemie en tamaties by, sit die deksel op en laat prut 20–30 minute of tot die hoender gaar is. Strooi die pietersielie oor en sit voor met die stysel van jou keuse om al die sous op te slurp.

Lewer 6 porsies

-Netwer24