Barrett bly bobaas in gevreesde 'Bronco'
Rugby
Damian McKenzie is blitsig, maar dié vlugvoetige All Black-agterspeler kon nie gister 'n mede-All Black, Beauden Barrett, se rekord in die gevreesde “Bronco”-fiksheidstoets oortref nie.
Die Bronco is 'n standaardtoets wat Nieu-Seeland se Superrugby-spanne, asook die All Blacks, in die voorseisoen gebruik om spelers se fiksheid en vermoë om in volle vaart van rigting te verander, te bepaal.
Die Bronco se totale afstand is 1,2 km en bestaan uit stelle naellope, wat onderskeidelik oor 20, 40 en 60 m afgelê word.
Barrett, wat hom vanjaar by die Blues in Auckland aangesluit het, het Maandag 'n Kiwi-rekord van vier minute en 12 sekondes behaal toe hy die Bronco gedoen het.
Dit was 'n volle agt sekondes vinniger as sy vorige beste tyd.
Daar was groot opwinding voor McKenzie gister dié toets afgelê het, nadat die All Black-fiksheidsafrigter, Nic Gill, vroeër vandeesweek gesê het hy glo McKenzie (Chiefs) kan Barrett se tyd uitdaag.
“Hy het vuurpyl-stewels, maar geen wêreldrekords is gebreek nie,” het Tabai Watson, 'n hulpafrigter van die Chiefs, geantwoord toe hy gister gevra is hoe McKenzie toe gevaar het.
Volgens Watson was dié blitsbuks, wat heelagter en losskakel kan speel, se tyd “iewers in die 4:20's”. Dit was steeds die vinnigste tyd deur 'n Chiefs-speler.
Die voormalige All Black-kaptein Richie McCaw, wat in sy fleur as een van die fiksste spelers ter wêreld bestempel is, het 'n persoonlike beste tyd van 4:56 in die Bronco gehad, het stuff.co.nz vroeër dié week berig.
McCaw was egter 'n losvoorspeler en heelwat swaarder as Barrett en McKenzie.
Nieu-Seelandse Superrugby-spelers het Maandag die eerste keer sedert Maart weer begin oefen. Hulle sal van 13 Junie af in 'n plaaslike reeks speel, wat as plaasvervanger dien vir die Superreeks, wat weens die Covid-19-pandemie opgeskort is. – Netwerk24, Reuters
Die Bronco is 'n standaardtoets wat Nieu-Seeland se Superrugby-spanne, asook die All Blacks, in die voorseisoen gebruik om spelers se fiksheid en vermoë om in volle vaart van rigting te verander, te bepaal.
Die Bronco se totale afstand is 1,2 km en bestaan uit stelle naellope, wat onderskeidelik oor 20, 40 en 60 m afgelê word.
Barrett, wat hom vanjaar by die Blues in Auckland aangesluit het, het Maandag 'n Kiwi-rekord van vier minute en 12 sekondes behaal toe hy die Bronco gedoen het.
Dit was 'n volle agt sekondes vinniger as sy vorige beste tyd.
Daar was groot opwinding voor McKenzie gister dié toets afgelê het, nadat die All Black-fiksheidsafrigter, Nic Gill, vroeër vandeesweek gesê het hy glo McKenzie (Chiefs) kan Barrett se tyd uitdaag.
“Hy het vuurpyl-stewels, maar geen wêreldrekords is gebreek nie,” het Tabai Watson, 'n hulpafrigter van die Chiefs, geantwoord toe hy gister gevra is hoe McKenzie toe gevaar het.
Volgens Watson was dié blitsbuks, wat heelagter en losskakel kan speel, se tyd “iewers in die 4:20's”. Dit was steeds die vinnigste tyd deur 'n Chiefs-speler.
Die voormalige All Black-kaptein Richie McCaw, wat in sy fleur as een van die fiksste spelers ter wêreld bestempel is, het 'n persoonlike beste tyd van 4:56 in die Bronco gehad, het stuff.co.nz vroeër dié week berig.
McCaw was egter 'n losvoorspeler en heelwat swaarder as Barrett en McKenzie.
Nieu-Seelandse Superrugby-spelers het Maandag die eerste keer sedert Maart weer begin oefen. Hulle sal van 13 Junie af in 'n plaaslike reeks speel, wat as plaasvervanger dien vir die Superreeks, wat weens die Covid-19-pandemie opgeskort is. – Netwerk24, Reuters
Kommentaar
Republikein
Geen kommentaar is op hierdie artikel gelaat nie