Bank moet erfgename miljarde betaal
’n Bank wat al ses jaar sloer om ’n boedel te beredder, is nou deur ’n jurie beveel om die erfgename US$8 miljard (R115 miljard) te betaal.
JPMorgan Chase & Co, sê die strydende familie behoort nie ’n sent te kry nie.
Dit volg nadat hy selfs van hul erfgeld gebruik het om die eis te beveg wat hulle teen hom ingestel het omdat hy so lank neem om die boedel af te handel.
“Die wet en die bewyse ondersteun nie enige eis teen JPMorgan, wat nog te sê die ongeëwenaarde strafvergoeding van miljarde dollars wat die erfgename reeds in die hof erken het ongrondwetlik en buitensporig is,” het die bank in sy appèlaansoek gesê.
Twee kinders van Max Hopper, ’n voormalige uitvoerende bestuurslid van American Airlines wat in 2010 gesterf het, het ook reeds gevra dat die strafvergoeding vir hulle en hul pa se boedel tot omtrent US$74 miljoen verminder moet word. Sy weduwee moet egter nog laat weet of sy enige aanpassing wil hê aan die negende grootste bedrag wat nog in ’n jurie-uitspraak in die VSA toegeken is.
JPMorgan sê die jurie het “klakkeloos en sonder om enige onafhanklike ontleding te doen, die familie se regspan se voorstel aanvaar om skadevergoeding van $8 miljard toe te ken”.
Hy het voorheen gesê hy is vol vertroue dat die uitspraak nie ingevolge Texas se wetgewing haalbaar is nie.
900 bottels wyn
Hopper, wat die ontwerper van ’n vlugbesprekingstelsel vir die lugdiens was, het onverwags gesterf sonder dat hy ’n testament gehad het. Hy het bates van meer as $19 miljoen gehad, toon hofrekords.
JPMorgan is toe aangestel om die boedel te beredder en die bank was veronderstel om die bates te verdeel en dan aan die erfgename, sy vrou, Jo Hopper, en haar stiefkinders, uit te betaal.
Maar volgens Jo Hopper se prokureurs het die bank meer as vyf jaar geneem om sy bates, waaronder kunswerke, meubels, juweliersware en sy versameling van 6 700 setstokke en 900 bottels wyn, vry te stel.
Die klaers beweer die bank se verteenwoordigers het nagelaat om finansiële spertye te haal vir die bates wat onder sy beheer was. Aandeelopsies is toegelaat om te verval en mev. Hopper se wense dat die aandele verkoop moet word, is geïgnoreer.
Stiefkinders uitgesluit
Die stiefkinders, Stephen Hopper en Laura Wassmer, het op hul beurt aan die hof gesê die bank het hulle uit die besluitneming gesluit en geen inligting oor die vordering met die afhandeling van die boedel aan hulle verskaf nie, sodat hy hul stiefma se guns kan wen.
Jo Hopper het die bank eerste gedagvaar en beweer hy het sy fidusiêre pligte ontduik. JPMorgan het sy regskoste om dié eis te bestry uit die boedelrekening betaal en op hierdie wyse meer as $3 miljoen (R42 miljoen) van die boedel se geld gebruik, het die klaer in hul hofstukke gesê.
In September het ’n jurie strafregtelike vergoeding van meer as $2 miljard (R28 miljard) elk toegeken aan Jo Hopper, die Hopper-boedel, asook aan Stephen Hopper en Laura Wassmer.
Strafregtelike vergoeding is bedoel om die verdediging te straf en word beskou as afsonderlik van enige skadevergoeding vir die werklike verlies wat gely is.
JPMorgan het ontken dat hy enigiets verkeerd gedoen het en gesê hy het ter goeder trou opgetree.
“Die kruks van die saak is of enige strydende erfgename ’n onafhanklike administrateur die skuld mag gee dat hy wetlike voorligting soek oor die manier waarop bates verdeel moet word wanneer die erfgename meningsverskille het,” het die bank in sy appèlaansoek gesê. - Netwerk24
Dit volg nadat hy selfs van hul erfgeld gebruik het om die eis te beveg wat hulle teen hom ingestel het omdat hy so lank neem om die boedel af te handel.
“Die wet en die bewyse ondersteun nie enige eis teen JPMorgan, wat nog te sê die ongeëwenaarde strafvergoeding van miljarde dollars wat die erfgename reeds in die hof erken het ongrondwetlik en buitensporig is,” het die bank in sy appèlaansoek gesê.
Twee kinders van Max Hopper, ’n voormalige uitvoerende bestuurslid van American Airlines wat in 2010 gesterf het, het ook reeds gevra dat die strafvergoeding vir hulle en hul pa se boedel tot omtrent US$74 miljoen verminder moet word. Sy weduwee moet egter nog laat weet of sy enige aanpassing wil hê aan die negende grootste bedrag wat nog in ’n jurie-uitspraak in die VSA toegeken is.
JPMorgan sê die jurie het “klakkeloos en sonder om enige onafhanklike ontleding te doen, die familie se regspan se voorstel aanvaar om skadevergoeding van $8 miljard toe te ken”.
Hy het voorheen gesê hy is vol vertroue dat die uitspraak nie ingevolge Texas se wetgewing haalbaar is nie.
900 bottels wyn
Hopper, wat die ontwerper van ’n vlugbesprekingstelsel vir die lugdiens was, het onverwags gesterf sonder dat hy ’n testament gehad het. Hy het bates van meer as $19 miljoen gehad, toon hofrekords.
JPMorgan is toe aangestel om die boedel te beredder en die bank was veronderstel om die bates te verdeel en dan aan die erfgename, sy vrou, Jo Hopper, en haar stiefkinders, uit te betaal.
Maar volgens Jo Hopper se prokureurs het die bank meer as vyf jaar geneem om sy bates, waaronder kunswerke, meubels, juweliersware en sy versameling van 6 700 setstokke en 900 bottels wyn, vry te stel.
Die klaers beweer die bank se verteenwoordigers het nagelaat om finansiële spertye te haal vir die bates wat onder sy beheer was. Aandeelopsies is toegelaat om te verval en mev. Hopper se wense dat die aandele verkoop moet word, is geïgnoreer.
Stiefkinders uitgesluit
Die stiefkinders, Stephen Hopper en Laura Wassmer, het op hul beurt aan die hof gesê die bank het hulle uit die besluitneming gesluit en geen inligting oor die vordering met die afhandeling van die boedel aan hulle verskaf nie, sodat hy hul stiefma se guns kan wen.
Jo Hopper het die bank eerste gedagvaar en beweer hy het sy fidusiêre pligte ontduik. JPMorgan het sy regskoste om dié eis te bestry uit die boedelrekening betaal en op hierdie wyse meer as $3 miljoen (R42 miljoen) van die boedel se geld gebruik, het die klaer in hul hofstukke gesê.
In September het ’n jurie strafregtelike vergoeding van meer as $2 miljard (R28 miljard) elk toegeken aan Jo Hopper, die Hopper-boedel, asook aan Stephen Hopper en Laura Wassmer.
Strafregtelike vergoeding is bedoel om die verdediging te straf en word beskou as afsonderlik van enige skadevergoeding vir die werklike verlies wat gely is.
JPMorgan het ontken dat hy enigiets verkeerd gedoen het en gesê hy het ter goeder trou opgetree.
“Die kruks van die saak is of enige strydende erfgename ’n onafhanklike administrateur die skuld mag gee dat hy wetlike voorligting soek oor die manier waarop bates verdeel moet word wanneer die erfgename meningsverskille het,” het die bank in sy appèlaansoek gesê. - Netwerk24
Kommentaar
Republikein
Geen kommentaar is op hierdie artikel gelaat nie