Bank gee vuiste werk

Swakopmund-vuisbalklub bied môre ná agt maande op die kantlyn sy eerste Bank Windhoek nasionale bekerkompetisie by sy bane in dié kusdorpp aan. Die eerste houe val om 08:30 en die eindstryde in die onderskeie afdelings is vir 16:30 geskeduleer. Klubs sal in twee groepe mekaar die stryd aansê en die twee topklubs in elke groep sal in die A-liga se semifinale speel. Die derde en vierde geplaaste spanne sal in die B-ligasemifinale opstap. SKW, Cohen-vuisbalklub (verdedigende kampioen), DTS en die gasheerklub SFC sal elk met twee spanne die vonke laat spat. Op die foto is Christian Ewald van SFC se tweedespan in aksie. Foto verskaf