Bafana maak dit moeilik vir hulself
Sokker
Johann de Jager - Bafana Bafana het nou maar een keer net die vermoë om sake vir hulself te bemoeilik wanneer dit by kwalifisering vir sokkertoernooie kom.
Suid-Afrika moes Dinsdag in sy herontmoeting met die Seychelle tevrede wees met 'n tweede verrassende gelykopuitslag in sy veldtog om vir die toernooi om die Afrikabeker te kwalifiseer.
Nadat Bafana Bafana die einste Pirates Saterdag in Johannesburg met 'n rekordtelling van 6-0 afgeslag het, kon hy dié keer verbasend nie een keer die agterkant van die net vind nie.
Suid-Afrika het oorheers net soos in die FNB-stadion. Die Seychelle-spelers was aan die einde uit op hul voete, maar hulle het vasgebyt om dit 0-0 in die Stade Linite te hou wat 'n knou vir Suid-Afrika se veldtog is.
Suid-Afrika, steeds die enigste onoorwonne span in Groep E, se twee oorblywende wedstryde is op 16 November tuis teen Nigerië en op 22 Maart weg teen Libië.
Niemand het egter verwag dat hy met net 'n enkele punt van die Seychelle sou terugkeer nie. Die groep eilande daar saam se bevolking is minder as 'n 100 000 mense.
Lebo Mothiba, die groot held Saterdag in die FNB-stadion, het kort ná rustyd seker die maklikste van kanse wat daar was, verbrou. Hy het 'n dwarsaangee feitlik in die bek van die doelhok ontvang, maar dit teen die dwarsbalk vasgeskop. Dit was kort ná hervatting van die tweede helfte. 'n Doel in daardie stadium sou die damwal laat bars het.
Die besoekers was reeds in die eerste helfte met 77% besit duidelik gefrustreer. Die buitengewone wip van die bal op die kunsmatige speeloppervlak het hul beheer bemoeilik. Die feit dat 'n openingsdoel weggebly het ondanks goeie druk, het ook daartoe bygedra.
Die afrigter, Stuart Baxter, sou met rustyd beslis ook iets te sê gehad het oor die voerwerk van hoekskoppe af wat maar flou was. Suid-Afrika het sewe hoekskoppe in die eerste helfte gehad. Dat hy uiteindelik met 17 hoekskoppe niks kon uitrig nie, is kommerwekkend.
Dino Ndlovu, die enigste verandering in die beginspan in die plek van die middelveldspeler Aubrey Modiba, het die tuisspan 'n keer of wat benoud in die eerste 45 minute gehad. Die einste Ndlovu het met die hervatting van die tweede helfte weggekom met die bal waarna Mothiba sy dwarsskop met 'n gapende doel teen die dwarsbalk vasgeskop het.
Percy Tau het 'n beter wedstryd as Saterdag beleef, maar ook hy kon nie afrond nie. Die plaasvervanger Modiba het twee kanse gehad waaroor hy homself sal skop.
Jerome Dingwall, die Seychelle se derde doelwagter tot dusver in die kwalifiserende wedstryde, het in die 85ste minuut goed gedoen om Dean Furman se poging, een van enkeles wat op koers was, uit te hou.
Suid-Afrika se gesukkel om af te rond het die tuisspan stadig maar seker uit sy dop laat kruip. Daar was so hittete in die 65ste minuut moeilikheid toe Suid-Afrika se doelwagter Itumeleng Khune vorentoe gestorm het en uit posisie buite die doelblok betrap is.
– Netwerk24
Suid-Afrika moes Dinsdag in sy herontmoeting met die Seychelle tevrede wees met 'n tweede verrassende gelykopuitslag in sy veldtog om vir die toernooi om die Afrikabeker te kwalifiseer.
Nadat Bafana Bafana die einste Pirates Saterdag in Johannesburg met 'n rekordtelling van 6-0 afgeslag het, kon hy dié keer verbasend nie een keer die agterkant van die net vind nie.
Suid-Afrika het oorheers net soos in die FNB-stadion. Die Seychelle-spelers was aan die einde uit op hul voete, maar hulle het vasgebyt om dit 0-0 in die Stade Linite te hou wat 'n knou vir Suid-Afrika se veldtog is.
Suid-Afrika, steeds die enigste onoorwonne span in Groep E, se twee oorblywende wedstryde is op 16 November tuis teen Nigerië en op 22 Maart weg teen Libië.
Niemand het egter verwag dat hy met net 'n enkele punt van die Seychelle sou terugkeer nie. Die groep eilande daar saam se bevolking is minder as 'n 100 000 mense.
Lebo Mothiba, die groot held Saterdag in die FNB-stadion, het kort ná rustyd seker die maklikste van kanse wat daar was, verbrou. Hy het 'n dwarsaangee feitlik in die bek van die doelhok ontvang, maar dit teen die dwarsbalk vasgeskop. Dit was kort ná hervatting van die tweede helfte. 'n Doel in daardie stadium sou die damwal laat bars het.
Die besoekers was reeds in die eerste helfte met 77% besit duidelik gefrustreer. Die buitengewone wip van die bal op die kunsmatige speeloppervlak het hul beheer bemoeilik. Die feit dat 'n openingsdoel weggebly het ondanks goeie druk, het ook daartoe bygedra.
Die afrigter, Stuart Baxter, sou met rustyd beslis ook iets te sê gehad het oor die voerwerk van hoekskoppe af wat maar flou was. Suid-Afrika het sewe hoekskoppe in die eerste helfte gehad. Dat hy uiteindelik met 17 hoekskoppe niks kon uitrig nie, is kommerwekkend.
Dino Ndlovu, die enigste verandering in die beginspan in die plek van die middelveldspeler Aubrey Modiba, het die tuisspan 'n keer of wat benoud in die eerste 45 minute gehad. Die einste Ndlovu het met die hervatting van die tweede helfte weggekom met die bal waarna Mothiba sy dwarsskop met 'n gapende doel teen die dwarsbalk vasgeskop het.
Percy Tau het 'n beter wedstryd as Saterdag beleef, maar ook hy kon nie afrond nie. Die plaasvervanger Modiba het twee kanse gehad waaroor hy homself sal skop.
Jerome Dingwall, die Seychelle se derde doelwagter tot dusver in die kwalifiserende wedstryde, het in die 85ste minuut goed gedoen om Dean Furman se poging, een van enkeles wat op koers was, uit te hou.
Suid-Afrika se gesukkel om af te rond het die tuisspan stadig maar seker uit sy dop laat kruip. Daar was so hittete in die 65ste minuut moeilikheid toe Suid-Afrika se doelwagter Itumeleng Khune vorentoe gestorm het en uit posisie buite die doelblok betrap is.
– Netwerk24
Kommentaar
Republikein
Geen kommentaar is op hierdie artikel gelaat nie