Baanbrekerstudie fokus op impak van MIV/vigs
Die eerste bevolkingsgebaseerde MIV/vigs-studie om die impak van die siekte op die Namibiese bevolking te evalueer, skop Sondag landwyd af. Meer as 26 000 inwoners uit ongeveer 12 000 huishoudings wat lukraak gekies is, sal aan die opname deelneem. Die minister van gesondheid en maatskaplike dienste, dr. Bernard Haufiku, het vanoggend tydens die bekendstelling in Windhoek beklemtoon alle inligting sal as vertroulik hanteer word. Die opname bestaan uit 'n vraelys, 'n MIV-toets wat ter plaats in die betrokke huishouding uitgevoer sal word, sowel as bykomende bloedtoetse. Van babas tot volwassenes tot die ouderdom van 64 jaar gaan by die studie betrek word.
Kommentaar
Republikein
Geen kommentaar is op hierdie artikel gelaat nie