Avonturier verdrink byna tydens riviervaart

04 June 2021 | Mense
Ronelle Rademeyer – ’n Suid-Afrikaanse avonturier wat verlede week ná 55 dae en 2 200 km in sy geel roeiboot die Oranjerivier se monding by Oranjemund bereik het, sê naby Noordoewer het hy in moeilikheid beland en vir ’n paar oomblikke vrede gemaak dat hy gaan verdrink.

Mnr. Edward-John (Bean) Hill (38) van Langebaan het die tog aangepak om geld in te samel vir Boere Droogtehulp SA.

Sy riviervaart het op 29 Maart in Lesotho afgeskop en hy het verlede Maandag by Oranjemund klaargemaak.

“Ek is in die musiekbedryf en tree as promotor vir verskeie bekende kunstenaars op. Ek help ook kunstefeeste reël. Omdat daar weens die virus nie nou feeste plaasvind nie, het ek besluit om hierdie avontuur aan te pak.”

Hill het egter op dag 30 ’n noue ontkoming gehad wat byna sy avontuur gekelder het.

Hy vertel hy moes net 27 km vir die dag geroei het, maar toe hy by die plek kom waar sy ondersteuningspan hom moes ontmoet, was hulle nie daar nie. Daar was geen sein nie en toe hy hulle met die satellietfoon in die hande kry, moes hy hoor hulle is omtrent 20 km verder stroomaf in die omgewing van Vioolsdrif en Noordoewer.

“Ek het dus daardie dag 50 km geroei. Daar het ’n stormsterk wind reg van voor gewaai. Teen skemertyd, omtrent so 4 km vanwaar ek hulle moes ontmoet, was daar ’n keerwal in die rivier.

“Ek het dit ondersoek en gesien dit is nie so hoog nie,” vertel hy en sê toe hy oor die keerwal is, het die wind die boot teruggedruk en omgedop.

Ek was onder die boot in ’n maalgat vasgekeer,” vertel Hill.

Hy sê sy kragte was ná die lang dag op die water min. Hoewel hy probeer het om bo die water uit te kom, is hy kort-kort weer ondertoe gesuig.

“In ’n stadium het ek gedink ek moet nou maar net groot slukke vat dat dit verbykom,” sê Hill, maar vertel hy kon uiteindelik daarin slaag om bo die water uit te beur. “Dit was net genade.”

Toe hy tot verhaal kom, was sy boot, roeispane en sy mediese en ander voorrade skoonveld.

Hy het besluit om te gaan hulp soek aan die Namibiese kant van die rivier. Hill het teen ’n hoogte uitgeklouter en ’n nedersetting gewaar.

“Ek het na hulle toe gestap en die mense daar het my na ’n plaashuis geneem waar hulle vir my kos en slaapplek gegee het.”

Hill is eers die volgende dag met sy ondersteuningspan herenig. Hy het daarna ’n tydjie tuis gaan aansterk en toe teruggekeer rivier toe om die res van die tog te voltooi, vertel Hill.

Hoewel sy mikpunt was om R3 miljoen in te samel en hy op die ou end net R50 000 kon kry, beplan hy reeds aan sy volgende avontuur.

“Dié keer wil ek om Mauritius gaan roei.” As alles volgens plan verloop, hoop hy om teen middel-Augustus daarmee te begin.

Mense kan sy avonture op Facebook volg (BeanExtremeOfficial).
[email protected]


FOTO’s
Mnr. Edward-John (Bean) Hill op sy geel roeiboot waarmee hy 2 200 km op die oranjerivier afgelê het. Foto Facebook

Soortgelyk

 

Pfizer vandag in Namibië verwag

3 ure gelede | Gesondheid

Die Covid-entstof Pfizer word vandag in Namibië verwag. Volgens die hoof van die Namibiese taakspan vir die land se immuniseringsveldtog, me. Petronella Masabane, kom 100...

Forklifting failure

13 ure gelede |

Natasja ByleveldAre you OK thinking about unconventional ideas that could uplift society and norms to a higher standard? Do you like a challenge, or do...

Big thinker who is not afraid of taking risks

13 ure gelede | Mense

Contrasting with his considered, analytical, and steady approach to life, Rolf Mendelsohn is an undisputed adventurer. Together with the other founders of Paratus, Rolf...

'Polisiebeampte' pers dokter glo af

13 ure gelede | Howe

Henriette Lamprecht – ’n Windhoekse dokter is glo afgedreig totdat hy N$30 000 opgedok het nadat hy na bewering deur ’n klaarblyklike polisiebeampte van die...

Miss Aston dra die kroon

13 ure gelede | In beeld

Cobus van der Merwe van St. Blaize Brahman & Sussex Studs gister by die Gobabis Skou saam met sy “Kampioen van kampioene”, Miss Aston 134-12....

Plaaslike skatte nou aanlyn ­beskikbaar

13 ure gelede | Kuns en vermaak

Kuns- en kunsvlytliefhebbers kan nou handgemaakte Namibiese produkte aanlyn via die nuwe Namibia Craft Shop-webwerf aanskaf. Dié platform sal as die aanlyn katalogus van die...

An easy ride-hailing platform

13 ure gelede |

Wetumwene Shikage The everyday experience for many Namibians of getting a taxi to from different locations has been made more convenient. TaxiConnect provides an easy...

A knack for things that are pleasing to the...

13 ure gelede | Mense

Wetumwene Shikage Madeline Heyman, who trained as a fashion designer, has turned her many years of experience to interior design. She says...

Sacrifices worth making

13 ure gelede | Mense

Tunohole MungobaBorn in Windhoek, Leokadia Jacob is a finance administrative officer of Dolomite Camp, which is part of Namibia Wildlife Resorts (NWR).After completing her studies...