Aussies wil 20 myne in Mpumalanga open

Elise Tempelhoff - Die myngroep, Stonewall Mining, wil teen einde aanstaande jaar met die eerste van ’n beoogde 20 myne oor ’n gebied van 60 km in die Mpumalanga-provinsie van Suid-Afrika begin.Dr. Sharon Pollard, direkteur van die Vereniging vir Water en Landelike Ontwikkeling (Award), het Donderdag gesê as mynbou in die Bo-Blyderivier en Sabierivieropvangsgebied voortgaan, sal ’n “hele klomp omgewingsbeginsels oortree word”. Een hiervan is die beginsel dat toekomstige geslagte se reg op skoon water en ’n gesonde omgewing oortree sal word, sê sy.“Wat meer is, mense wat stroomaf van die voorgestelde mynbedrywighede woon, sal alles verloor. “Daar is net te veel gemeenskappe en plaaslike ekonomiese aktiwiteite stroomaf van byvoorbeeld die Blyderivier om hierdie risiko te neem.”Stonewall Mining, moedermaatskappy van die historiese Transvaal Gold Mining Estate (TGME), sê op sy webblad hy wil ’n “olifant wakker maak” in die omgewing van Sabie en Pelgimsrus waar daar 130 jaar gelede goudmynbedrywighede was.Wat meer is, mense wat stroomaf van die voorgestelde mynbedrywighede woon, sal alles verloor.Ron Thomson, besturende direkteur van die Australiese myngroep, sê op Stonewall se webtuiste: “Ons noem die TGME-projek ’n olifantveld omdat dit vroeër jare – sowat 130 jaar gelede – een van die grootse (en rykste) goudvelde in Suid-Afrika was.”Hy sê die goud wat hier uitgehaal sal word, is van ’n besonder hoë graad.Volgens Elane Botha, Stonewall en TGME se regsverteenwoordiger, is die myngroep besig om sy prospekteerregte na mynregte om te skakel.Sy sê openbare vergaderings is reeds met baie rolspelers in Sabie en Pelgrimsrus gehou.Pollard sê dit is kommerwekkend dat Australiërs die meeste bevoordeel gaan word terwyl Suid-Afrikaners met die geëksternaliseerde koste opgeskeep gaan sit.Pollard sê Award verstaan dat die mynhuis verskeie myne gaan open. Van hulle gaan in die Bo-Blyderivier wees en sal strek tot by die Bourke’s Luck-kolkgate. Twee myne in die opvangsgebied van die Blyderivier gaan glo onderdeur die Blyde- en Treurrivier loop.Twee ondergrondse myne word ook blykbaar beplan om onder die Blyderivier-canyon en die Morgenzonwoud-natuurreservaat te loop.“In die Bo-Sabierivieropvangsgebied word myne ook beplan naby die Sabie- en Klein Sabierivier.”Volgens Thomson wil die mynhuis alle “goedkeurings” aan die begin van 2018 kry sodat bedrywighede aan die einde van 2018 kan begin.Ferdi Pieterse, omgewingskonsultant, sê die meeste van die beoogde mynboubedrywighede is ondergronds. “Net ’n klein gedeelte, die sogenaamde Vaalhoekgedeelte van sowat 9 ha (18 rugbyvelde), sal ’n oopgroefmyn wees.”Die myngroep wil ook sink en koper myn.Volgens GPS News, ’n plaaslike koerant van die omgewing, sal 2 205 ton erts in die myn se piektyd gemyn word. Vragmotors sal 82 keer heen en weer tussen Sabie en Pelgrimsrus met vragte erts ry.Luidens die koerant is die Blyderivier die enigste “ongerepte” tak van die ernstig besoedelde Olifantsrivier wat deur die Krugerwildtuin tot in Mosambiek vloei. - Netwerk24

Aussies wil 20 myne in Mpumalanga open

Kommentaar

Republikein 2025-06-16

Meld asseblief aan om kommentaar te lewer

Aussies wil 20 myne in Mpumalanga open

Kommentaar

Republikein 2025-06-16

Meld asseblief aan om kommentaar te lewer

MELD AAN

Advertensie