Aussie gekap vir sy Serena-spotprent

12 September 2018 | Sport
'n Australiese spotprentkunstenaar het hewige kritiek ontlok ná sy uitbeelding van die tennisster Serena Williams.

Stuff berig JK Rowling, die skrywer van die Harry Potter-reeks, het so ver gegaan om dit as “rassistiese en seksistiese snert” te beskryf.

Mark Knight se spotprent, wat Maandag in Melbourne se Herald Sun gepubliseer is, skets 'n mannetjiesagtige Williams met dik lippe wat by die Amerikaanse Ope op en af op 'n gebreekte raket spring.

In die spotprent vra die skeidsregter vir Naomi Osaka (uitgebeeld met 'n blonde bokstert ondanks haar Japannese en Hawaise afkoms): “Kan jy haar nie net laat wen nie?”

Die chaotiese einde van die eind­stryd vir vroue in vanjaar se toernooi het oor die wêreld heen 'n vurige debat ontketen.

Williams is met US$17 000 (sowat R259 000) beboet weens die gedragskode-oortredings waaroor sy in die eindstryd gewaarsku is. Dit het gelei tot aantygings dat dubbele standaarde vir mans- en vrouespelers in die sportsoort geld.

Die Amerikaner se veldtog om haar 24ste Grand Slam-titel te verower, is deur die Japanner Naomi Osaka in die wiele gery.

Knight, wat berug is weens sy omstrede spotprente, is uit alle oorde gekap, selfs deur 'n lid van die Amerikaanse kongres, en deur die meerderheid van die 22 000 mense wat op Twitter, waar hy die spotprent geplaas het, daarop gereageer het.

Rowling tel ook onder sy kritici. “Welgedaan. Jy het een van die beste sportvroue in die wêreld deur rassistiese en seksistiese snert afgekraak en 'n tweede uitstekende sportvrou in 'n gesiglose dekorstuk verander,” sê Rowling.

Knight het op die kritiek gereageer deur daarop te wys dat hy 'n onvleiende spotprent van die Aussie-tennisspeler Nick Kyrgios geteken het waar hy hom “sleg gedra”.

“Moenie geslag hierby betrek wanneer dit alles oor gedrag gaan nie,” sê hy.

– Sportredaksie

Soortgelyk

 

Vier wildehonde proe vryheid

3 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

13 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

13 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

13 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

13 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

13 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

13 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

13 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

13 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...