Ashoop-babatjie se ma in hegtenis geneem

Tuyeimo Haidula – Die ma en vermeende moordenaar van die maandoue babaseuntjie wie se lyk die afgelope naweek op ’n ashoop gevind is, is Sondag by Okahao in hegtenis geneem.
Die lykie is Vrydag in ’n plastieksak gevind deur plaaslike mense wat by die stortingsterrein by die Uukwalumbe-nedersetting vir bruikbare items gesoek het.
Volgens die Omusatistreek se bevelvoerder, komm. Titus Shikongo, is die 34-jarige vrou by een van die plaaslike skole werksaam.
“Sy is nog nie aangekla nie. Die ondersoek duur voort,” het hy gesê.
Sy sal na verwagting Maandag aangekla word en Dinsdag in die landdroshof in Okahao verskyn.