‘As SAL nou verkoop word, sal staatskas inplof’

Lameez Omarjee, Fin24 – Die Suid-Afrikaanse Lugdiens (SAL) is so swaar met skuld belaai dat om dit nou te verkoop sal beteken sy skuld moet dadelik terugbetaal word. Dit kan die staatskas laat inplof, het pres. Cyril Ramaphosa gewaarsku.Hy het Dinsdagmiddag in vraetyd in die parlement gesê dit is problematies om die SAL te sluit.Dit kom nadat Mmusi Maimane, DA-leier, daarop gewys het dat dit lyk of Tito Mboweni, minister van finansies, en Pravin Gordhan, minister van openbare ondernemings, verskillende sienings oor die SAL se toekoms het.Mboweni het vroeër daarop gesinspeel dat die staatslugdiens geprivatiseer kan word, en in sy mediumtermynbegroting het hy gesê daar is geen “heilige koeie” onder die staatsondernemings nie.Gordhan het op sy beurt die SAL-direksie opdrag gegee om die lugdiens ste finansies te stabiliseer.“As jy sê ons moet die SAL vandag verkoop, sal ons nie enige waarde daarvoor kry nie,” het Ramaphosa verduidelik.Die SAL se skuldlas is aansienlik en dit word deur die staat gewaarborg. “As ons dit moet sluit, beteken dit die skuld word onmiddellik betaalbaar. Die onmiddellike betaling van daardie skuld het ’n impak op die skuld van al die ander staatsondernemings, en dit kan die staatskas laat ineenstort.”Die toekoms van die lugdiens is verbind aan hoe dit gestabiliseer word, het Ramaphosa gesê. Een manier is om ’n strategiese aandelevennoot te kry wat die lugdiens kan help.Eerder as om die lugdiens te sluit, is dit belangrik om eers die lugdiens te stabiliseer. Die tesourie het in die mediumtermynbegroting R5 miljard aan die SAL toegeken om sy skuld te stabiliseer.Teen Maart volgende jaar moet die SAL R14,2 miljard van sy skuld terugbetaal. – Fin24/Netwerk24

‘As SAL nou verkoop word, sal staatskas inplof’

Kommentaar

Republikein 2025-08-05

Meld asseblief aan om kommentaar te lewer

‘As SAL nou verkoop word, sal staatskas inplof’

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie